മൂന്നുമണി സീരിയലിലെ വില്ലത്തി വേഷത്തിലൂടെ മിനിസ്ക്രീന് പ്രേക്ഷകര്ക്കിടയില് ശ്രദ്ധ നേടിയ നടിയാണ് പ്രീത പ്രദീപ്. അതിനു മുമ്പും അവതാരകയായും സിനിമകളിലും എല്ലാം അഭിനയിച്ചിരുന്ന പ്രീത മൂന്നുമണി സീരിയലിലും ശേഷം സ്റ്റാര് മാജികിലുമെല്ലാം തിളങ്ങി നില്ക്കവേയാണ് വിവാഹിതയാകുന്നത്. നടിയുടെ ഭര്ത്താവ് വിദേശത്തായിരുന്നു ജോലി ചെയ്തിരുന്നത്. തുടര്ന്ന് പ്രീതയും ഭര്ത്താവിനൊപ്പം വിദേശത്തേക്ക് പോയി. തുടര്ന്ന് ആറുവര്ഷത്തോളം നീണ്ട കാത്തിരിപ്പിനും പ്രാര്ത്ഥനയ്ക്കും ഒടുവില് നടി ഗര്ഭിണിയാവുകയും ചെയ്തു. തുടര്ന്ന് നാട്ടിലേക്ക് തിരിച്ചെത്തിയ പ്രീത കഴിഞ്ഞ മാസം വയറ്റുപൊങ്കാല എന്ന ചടങ്ങ് നടത്തിയെങ്കില് ഈമാസം കൈനിറയെ കുപ്പിവളകളിട്ട് നിറവയറിനു മുകളില് മൈലാഞ്ചിയിട്ട് വളക്കാപ്പ് ആഘോഷമാണ് നടത്തിയിരിക്കുന്നത്.
വളക്കാപ്പിന് കൈനിറയെ മൈലാഞ്ചിയിടുന്ന പതിവ് ഉണ്ടെങ്കിലും വയറിനു മുകളില് ആരും ഇടാറില്ല. എന്നാലിപ്പോള്, വയറിനു മുകളില് മൈലാഞ്ചിയിട്ടും വളക്കാപ്പ് ആഘോഷമാക്കിയിരിക്കുകയാണ് നടി. ജീവിതത്തിലെ ഏറ്റവും മനോഹരമായ ഒരു ഘട്ടത്തിലൂടെ കടന്നുപോവുകയാണ് പ്രീത. ആറ് വര്ഷത്തെ കാത്തിരിപ്പിന് ഒടുവിലാണ് ഗര്ഭിണിയായത് എന്നതുകൊണ്ട് തന്നെ താരത്തിന്റെ സന്തോഷത്തിനും അതിരുകളില്ല. ഗര്ഭകാലം അത്രത്തോളം മനോഹരമായി നടി ആസ്വദിക്കുന്നുണ്ട് എന്നത് താരത്തിന്റെ സോഷ്യല്മീഡിയ പേജില് നിന്നും വ്യക്തമാണ്. 2019ല് ആയിരുന്നു പ്രീതയുടെ വിവാഹം.
വിവേക് വി. നായരാണ് പ്രീതയെ വിവാഹം ചെയ്തത്. വിവാഹശേഷം ഭര്ത്താവിനൊപ്പം യുകെയില് ആയിരുന്നു പ്രീതയുടെ താമസം. ഇക്കഴിഞ്ഞ ഒക്ടോബറിലാണ് താന് ഗര്ഭിണിയാണെന്ന വിവരം പ്രീത സമൂഹമാധ്യമത്തിലൂടെ പരസ്യപ്പെടുത്തിയത്. അന്ന് നിറകണ്ണുകളോടെ പ്രഗ്നന്സി ഡിറ്റക്ഷന് സ്ട്രിപ്പ് പ്രേക്ഷകരെ കാണിക്കുന്ന പ്രീതയുടെ വീഡിയോ വൈറലായിരുന്നു. ജീവിതത്തെ മാറ്റിമറിക്കുന്ന ചില നിമിഷങ്ങള് എല്ലാവര്ക്കും ഉണ്ടാവും. അങ്ങനെയൊരു നിമിഷമായിരുന്നു ആ രണ്ട് ചെറുവരകള് കണ്ടപ്പോള്. ആ പ്രഭാതം ലോകം ചെറുതായ പോലെ തോന്നി... മനസ് നിശ്ശബ്ദമായി... പെട്ടെന്നുള്ള സന്തോഷം കണ്ണുകള് നനയിച്ചു. എല്ലാം ജഗദീശ്വരന് എഴുതിയ ഒരനുഗ്രഹീത പദ്ധതിയുടെ ഏടുകളാണെന്ന ബോധ്യം കൊണ്ടായിരിക്കാം. പുതിയൊരു അധ്യായം ആരംഭിക്കുന്നു.
ഞങ്ങള് ഇരുവരുടേയും ഹൃദയം ഇതിനകം തന്നെ സ്നേഹത്താല് നിറഞ്ഞിരിക്കുന്നു എന്നാണ് പ്രഗ്നന്സി റിവീല് ചെയ്ത് പ്രീത കുറിച്ചത്. തുടര്ന്ന് നാട്ടിലെത്തിയ പ്രീത ഗര്ഭിണികള് ചെയ്യാറുള്ള വയറ്റുപൊങ്കാല ചടങ്ങും ഏഴാം മാസത്തെ ചടങ്ങും ആഘോഷിച്ചിരുന്നു. സിംപിളായി നടന്ന ആഘോഷത്തിന്റെ ഫോട്ടോയും വീഡിയോകളും ശ്രദ്ധ നേടുകയും ചെയ്തു. ഉള്ളില് വളരുന്ന ചെറിയ ജീവന് വേണ്ടിയുള്ള ഒരു പവിത്രമായ ആഘോഷം... നിനക്കായി കാത്തിരിക്കുന്നു കുഞ്ഞിപാപ്പ... എന്ന ക്യാപ്ഷനോടെയാണ് വയറ്റുപൊങ്കാലയുടെ വിശേഷങ്ങള് പ്രീത പങ്കുവെച്ചത്. അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്.
പ്രസവം നാട്ടില് മതിയെന്ന തീരുമാനത്തിന്റെ പുറത്താകാം പ്രീത യുകെയില് നിന്നും കേരളത്തിലേക്ക് എത്തിയത്. അടുത്ത മാസം കൂടി കഴിഞ്ഞാല് പ്രീതയും വിവേകും കാത്തിരിക്കുന്ന കുഞ്ഞതിഥി എത്തുമെന്നാണ് വിവരം.
Premium Lifestyle and Entertainment website
വിജയ് ദേവരകൊണ്ട-രശ്മിക വിവാഹത്തിന് രാജ്യാന്തര ഏജന്സിയുടെ കാവല്; മൊബൈല് ക്യാമറകള്ക്ക് വിലക്ക്; മുറിവാടക ലക്ഷങ്ങള്; ദൃശ്യങ്ങള് ചോരാതിരിക്കാന് ഉദയ്പൂരിലെ റിസോര്ട്ടില് അതീവ ജാഗ്രത; ആശംസ നേര്ന്ന് പ്രധാനമന്ത്രിയും
ഒരു നടി എന്നെ നോക്കി 'ബേസില് ഐ ലവ് യു' എന്ന് പറഞ്ഞു; പരിഭ്രമം കാരണം പെട്ടെന്ന് 'ഐ ലവ് യു ടൂ' എന്ന് മറുപടി; പൊന്മാനിലെ പ്രകടനത്തിന് പുരസ്കാരം ഏറ്റുവാങ്ങിയ ബേസില് അവാര്ഡ് വേദിയിലും ചിരിപടര്ത്തിയത് ഇങ്ങനെ
നാനി - ശ്രീകാന്ത് ഒഡേല ചിത്രം ദ പാരഡൈസിലെ 'ആയാ ഷേര്' ഗാനം പുറത്ത് 
പത്ത് മിനിറ്റോളം സമയം ശരീരഭാഗങ്ങള് മാത്രം ഫോക്കസ് ചെയ്ത് വീഡിയോ എടുക്കല്;ശരീരം കാണിച്ച് ജീവിക്കണമെന്ന് ആഗ്രഹമുള്ള ആളല്ല ഞാന്; എന്നെ ആ കാറ്റഗറിയില് പെടുത്തരുത്';ഇത് മനുഷ്യത്വമില്ലായ്മയാണ്; ഇനി എന്ത് ചെയ്യണം എന്ന് അറിയില്ല; യൂട്യൂബേഴ്സിനെതിരെ നിറകണ്ണുകളോടെ ആരതി കൃഷ്ണക്ക് പറയാനുള്ളത്
'തിരനോട്ട'ത്തിന് തുടക്കമിട്ടതും, സുചിത്രയെ താലി കെട്ടിഎത്തും ഇതേ നടയില്'; ദാസാ എന്ന അമ്മയുടെ വിളിയായി കണക്കാക്കിയാണ് ഇത്തവണ എത്തിയത്; ആറ്റുകാല് ക്ഷേത്രനടയിലെത്തി 'അംബാ പുരസ്കാരം' ഏറ്റുവാങ്ങി ഏറ്റുവാങ്ങി മോഹന്ലാല് പങ്ക് വച്ചത്