അടുത്തിടെ ഹന്‍സിക മോട്വാനിയുടെ വിവാഹമോചന വാര്‍ത്തകള്‍ ഏറെ ചര്‍ച്ചയായിരുന്നു. വിവാഹ വീഡിയോ ഉള്‍പ്പെടെയുള്ള പോസ്റ്റുകള്‍ സമൂഹമാദ്ധ്യമത്തില്‍ നിന്ന് നടി നീക്കം ചെയ്തതും വലിയ ചര്‍ച്ചയായി. ഭര്‍ത്താവ് സൊഹൈല്‍ കതൂരിയുമായി വിവാഹബന്ധം വേര്‍പെടുത്താന്‍ ഹന്‍സിക ഒരുങ്ങുന്നുവെന്നാണ് വിവരം.
കഴിഞ്ഞ ദിവസം ഹന്‍സിക 34-ാം പിറന്നാള്‍ ആഘോഷിച്ചിരുന്നു. ഇപ്പോഴിതാ അന്ന് താരം പങ്കുവച്ച ഇന്‍സ്റ്റഗ്രാം സ്റ്റോറിയാണ് ആരാധകരുടെ ശ്രദ്ധ പിടിച്ചുപറ്റിയത്. ഈ വര്‍ഷം ചില അപ്രതീക്ഷിത പാഠങ്ങള്‍ താന്‍ പഠിച്ചുവെന്നാണ് താരം അതില്‍ കുറിച്ചത്. കടലിന്റെ ചിത്രവും പങ്കുവച്ചിട്ടുണ്ട്.
ഒരുപാട് നന്ദി. സ്‌നേഹവും കേക്കും കൊണ്ട് എന്നെ പൊതിഞ്ഞതിന്. ഓരോ ചെറിയ നിമിഷത്തിനും നന്ദി പറയുന്നു. ഈ വര്‍ഷം ഞാന്‍ ആവശ്യപ്പെടാതെ തന്നെ നിരവധി പാഠങ്ങള്‍ പഠിച്ചു. എനിക്ക് ഇത്രയും ശക്തിയുണ്ടെന്ന് ഞാന്‍ മനസിലാക്കി. ഹൃദയവും ഫോണും നിറഞ്ഞു. ആത്മാവ് ശാന്തമാണ്. ജന്മദിനം ഇത്രയും നല്ലതാക്കിയതിന് നന്ദി'- ഹന്‍സിക കുറിച്ചു.
2025 ജൂലായ് 18നു ശേഷം സമൂഹ മാദ്ധ്യമങ്ങളില്‍ പുതിയ പോസ്റ്റുകളൊന്നും ഹന്‍സിക പങ്കുവച്ചിട്ടില്ല. സമൂഹമാദ്ധ്യമങ്ങളില്‍ നിന്നുള്ള ഹന്‍സികയുടെ അസാന്നിദ്ധ്യവും സൊഹൈലിനൊപ്പമുള്ള മിക്ക പോസ്റ്റുകളും ഡിലീറ്റ് ചെയ്തതും ഇവരുടെ ദാമ്ബത്യത്തില്‍ പ്രശ്‌നങ്ങളുണ്ടെന്ന് പലരും വിശ്വസിക്കാന്‍ കാരണമായി. 2022ല്‍ പാരീസിലെ ഈഫല്‍ ടവറിനു താഴെ വച്ച് സൊഹൈല്‍ വിവാഹാഭ്യര്‍ത്ഥന നടത്തിയതോടെ ഹന്‍സികയുടെയും സൊഹൈലിന്റെയും വിവാഹം വലിയ വാര്‍ത്തയായി മാറി.
വിവാഹത്തിനു മുന്‍പേ ഹന്‍സികയും സൊഹൈലും സുഹൃത്തുക്കളായിരുന്നു. ഹന്‍സികയുടെ അടുത്ത സുഹൃത്ത് റിങ്കി ബജാജിനെയായിരുന്നു സൊഹൈല്‍ ആദ്യം വിവാഹം കഴിച്ചത്. ഹന്‍സികയുടെ സഹോദരനും സൊഹൈലും വര്‍ഷങ്ങളായി സുഹൃത്തുക്കളായിരുന്നു. വിവാഹശേഷം താന്‍ അമ്മയോടൊപ്പം അപ്പാര്‍ട്ട്മെന്റില്‍ നിന്നു മാറി സൊഹൈലിനൊപ്പം താമസിക്കാന്‍ പോവുകയാണെന്ന് ഹന്‍സിക വെളിപ്പെടുത്തിയിരുന്നു. എന്നാല്‍ ഇരുവര്‍ക്കുമിടയില്‍ പ്രശ്‌നങ്ങള്‍ ഉയര്‍ന്നതോടെ, ഹന്‍സിക അമ്മയുടെ അടുത്തേക്ക് താമസം മാറിയതായും അഭ്യൂഹങ്ങളുണ്ട്.
Premium Lifestyle and Entertainment website
ഒരു മാസം തികയുമ്പോഴേക്കും കുഞ്ഞിനേയും കൊണ്ട് തിയറ്ററില്‍;ശരിയല്ലെന്ന് മാതാപിതാക്കള്‍ക്ക് പറഞ്ഞു കൊടുത്തൂടെ? ദിയയുടെ പുതിയ വീഡിയോയ്ക്ക് വ്യാപക വിമര്‍ശനം
മനസ്സിനക്കരയിലെ കൊച്ചുത്രേസ്യയായി ഒളിംപ്യന്‍ അഞ്ജു ബോബി ജോര്‍ജ്; ഒപ്പം തകര്‍പ്പന്‍ ഡാന്‍സും; വീഡിയോ വൈറല്‍