ഒരു നമ്പറുണ്ടായിരുന്നു അത് ജയിലില്‍ പോയ സമയത്ത് കട്ടായി; പിന്നെ തിരികെ വന്ന് കഴിഞ്ഞപ്പോള്‍ ഇതിന്റെ ആവശ്യം ഇനി ഉണ്ടോ എന്ന് ചിന്തിച്ചു: ഷൈൻ ടോം ചാക്കോ

ഇതിഹാസ എന്ന ചിത്രത്തിലൂടെ മലയാളികൾക്ക് ഏറെ സുപരിചിതനായ താരമാണ് ഷൈൻ ടോം ചാക്കോ. ജീവിതത്തില്‍  ഒരുപാട് പ്രതിസന്ധി ഘട്ടങ്ങൾ ഉണ്ടായെങ്കിലും അവയെല്ലാം ധീരതയോടെ തരണം ചെയ്യാനും ഷൈന് സാധിക്കുകയും ചെയ്‌തു.  അടുത്തിടെ പുറത്തിറങ്ങിയ കുറുപ്പിലെ ഷൈനിന്റെ പ്രകടനം ഏറെ പ്രശംസ നേടിയിരുന്നു. എന്നാൽ ഇപ്പോൾ സിനിമയില്‍ ഉയരങ്ങള്‍ കീഴടക്കിയിട്ടും വാട്‌സ് ആപ്പ് പോലുള്ളവയില്‍ നിന്നും അകന്ന് നില്‍ക്കുകയാണ് നടന്‍ ഷൈന്‍. അതിനുള്ള കാരണവും താരം തന്നെ വെളിപ്പെടുത്തിയിരിക്കുകയാണ് .

 ‘ഒരു നമ്പറുണ്ടായിരുന്നു അത് ജയിലില്‍ പോയ സമയത്ത് കട്ടായി.തിരികെ വന്നപ്പോള്‍ പിന്നെ അത് ആക്ടീവ് ചെയ്ത് എടുക്കാനൊന്നും തോന്നിയില്ല. രണ്ട മാസത്തോളം വാട്‌സ് ആപ്പ് ഉപയോ?ഗിച്ചിരുന്നില്ലല്ലോ…. പിന്നെ തിരികെ വന്ന് കഴിഞ്ഞപ്പോള്‍ ഇതിന്റെ ആവശ്യം ഇനി ഉണ്ടോ എന്ന് ചിന്തിച്ചു.

ആ സമയങ്ങളിലാണ് ഏതൊക്കെ കണക്ഷന്‍ സൂക്ഷിക്കണം സൂക്ഷിക്കണ്ട എന്ന തീരുമാനത്തിലേക്ക് ഞാന്‍ എത്തിയത്. വസ്ത്രം, ബ്രാന്‍ഡഡ് ഉല്‍പന്നങ്ങള്‍ എന്നിവയോടൊന്നും താല്‍പര്യമില്ല. അതൊന്നും എന്നെ സംതൃപ്തിപ്പെടുത്താറുമില്ല’ ഷൈന്‍ പറയുന്നു. ജീവിതത്തില്‍ ഒരുപാട് കാര്യങ്ങള്‍ സംഭവിച്ചത് ജയിലില്‍ കഴിഞ്ഞപ്പോഴാണെന്ന്  നേരത്തെ ഷൈന്‍ ടോം ചാക്കോ വെളിപ്പെടുത്തിയിരുന്നു.