സ്ത്രീവിരുദ്ധ പരാമര്ശത്തിനെതിരായ പ്രതികരണത്തില് നടി തൃഷയ്ക്കെതിരെ മാനനഷ്ടക്കേസ് നല്കി നടന് മന്സൂര് അലി ഖാന്. ചെന്നൈ കോടതിയിലാണ് മന്സൂര് അലി ഖാന് കേസ് ഫയല് ചെയ്തത്. തൃഷയെ കൂടാതെ നടിയും ദേശീയ വനിതാ കമ്മീഷന് അംഗവുമായ ഖുശ്ബു, നടന് ചിരഞ്ജീവി എന്നിവര്ക്കെതിരെയും കേസ് ഫയല് ചെയ്തിട്ടുണ്ട്.
ഇവര് ഒരു കോടി രൂപ വീതം നഷ്ടപരിഹാരം നല്കണമെന്നും ഹര്ജിയില് മന്സൂര് അലി ഖാന് ആവശ്യപ്പെടുന്നുണ്ട്. തമാശയായി പറഞ്ഞ കാര്യങ്ങള് തെറ്റായ രീതിയില് എഡിറ്റ് ചെയ്ത് പ്രചരിപ്പിച്ചുവെന്നും വീഡിയോ പൂര്ണമായി കാണാതെയാണ് വിമര്ശനങ്ങള് ഉന്നയിച്ചതെന്നും ഹര്ജിയില് പറയുന്നു. വിവാദത്തില് തൃഷയോട് മന്സൂര് മാപ്പ് പറഞ്ഞിരുന്നു
അടുത്തിടെ പുറത്തിറങ്ങിയ ലോകേഷ് കനകരാജ് സംവിധാനം ചെയ്ത് വിജയും തൃഷയും അഭിനയിച്ച ലിയോ സിനിമയെക്കുറിച്ചുള്ള മന്സൂറിന്റെ പരാമര്ശമാണ് വിവാദമായത്. തൃഷയാണ് നായികയെന്നറിഞ്ഞപ്പോള് നടിക്കൊപ്പം കിടപ്പറ രംഗങ്ങളില് അഭിനയിക്കാന് അവസരം ലഭിക്കുമെന്ന് പ്രതീക്ഷയെന്നായിരുന്നു പരാമര്ശം. ഇത് വിവാദമായതോടെ മന്സൂര് അലി ഖാനൊപ്പം അഭിനയിക്കാന് സാധിക്കാതിരുന്നത് നന്നായെന്നും ഇനിയൊരിക്കലും അത് സംഭവിക്കാതെ നോക്കുമെന്നും തൃഷ പ്രതികരിച്ചിരുന്നു.
സംഭവത്തില് സ്വമേധയാ ഇടപ്പെട്ട ദേശീയ വനിതാ കമ്മിഷന്റെ നിര്ദ്ദേശ പ്രകാരം പൊലീസ് കേസെടുത്തിരുന്നെങ്കിലും കേസുമായി മുന്നോട്ടു പോകാന് താല്പര്യമില്ലെന്ന് തൃഷ അറിയിച്ചതോടെ പൊലീസ് നടപടികള് അവസാനിപ്പിച്ചിരുന്നു.
Premium Lifestyle and Entertainment website
എന്ത് പറഞ്ഞാലും മിണ്ടാതിരിക്കുന്ന ചിന്താശേഷിയില്ലാത്ത ഒരാളായി ജീവിക്കാന് പറ്റില്ല; അദ്ദേഹം വളരെ നല്ല മനുഷ്യന്; എന്നാല് അദ്ദേഹത്തിന്റെ ഇഷ്ടങ്ങള് വേറെയാണ്;ഫൈറ്റ് ചെയ്യാന് നോക്കിയപ്പോഴെല്ലാം കൂടുതല് വഷളായി; നമ്മള് ഒന്ന് എന്ന സംഭവം കിട്ടിയില്ല; വേര്പിരിയലിനെ കുറിച്ച് മനസ്സ് തുറന്ന് ഗൗരി കൃഷ്ണ
ഒന്നര വര്ഷത്തിനു ശേഷം ഓണക്കാലത്ത് ചിരിപ്പൂരമൊരുക്കാന് ഉല്ലാസ് പന്തളത്തിന്റെ റീ എന്ട്രി; പക്ഷാഘാതത്തെ അതിജീവിച്ച താരം ചിരിയുടെ ലോകത്തേയ്ക്ക് എത്തുന്നത് കൂട്ടുകാരുടെ കൈപിടിച്ച്; ഉല്ലാസ് പന്തളം തിരിച്ചുവരവ് കോമഡി ത്രില്ലര് ഷോയുമായി