ഒരു യന്ത്രമനുഷ്യനെപ്പോലെ തുടര്‍ച്ചയായി, അല്ലെങ്കില്‍ യാന്ത്രികമായി പ്രവര്‍ത്തിക്കാന്‍ കഴിയില്ല; തത്കാലം അഭിനയത്തില്‍ നിന്ന് ഇടവേള എടുത്ത് യാത്ര ചെയ്യാനാണ് തീരുമാനം; വിവാഹത്തിനുള്ള ഒരുക്കങ്ങള്‍ ചെയ്തു തരാമെന്നു പറഞ്ഞുള്ള ഫോണ്‍വിളി ദയവുചെയ്ത് ഒഴിവാക്കണം;നിത്യാ മേനോന് പറയാനുള്ളത്

കുറച്ച് ദിവസം മുമ്പാണ് നടി നിത്യാ മേനോന്‍ മലയാളത്തിലെ പ്രമുഖ നടനുമായി വിവാഹിതയാകുന്ന കാര്യം പ്രചരിച്ചത്. എന്നാല്‍ തൊട്ടുപിന്നാലെ തന്നെ ഇത് വ്യാജ വാര്‍ത്തയാണെന്നറിയിച്ച് നടി രംഗത്തെത്തിയിരുന്നു. ഇപ്പോള്‍  വിവാഹത്തെ സംബന്ധിച്ച് പുറത്തുവന്ന വാര്‍ത്തയില്‍ കൂടുതല്‍ പ്രതികരണവുമായി നടി നിത്യാ മേനോന്‍ രംഗത്തെത്തിയിരിക്കുകയാണ്.

ആ വാര്‍ത്ത അടിസ്ഥാനരഹിതമാണെന്ന് ആവര്‍ത്തിച്ച നിത്യ വിവാഹത്തിനുവേണ്ട ഒരുക്കങ്ങള്‍ ചെയ്തു തരാമെന്നു പറഞ്ഞുള്ള ഫോണ്‍ വിളികളും സന്ദേശങ്ങളും ദയവ് ചെയ്ത് ഒഴിവാക്കണമെന്നും അഭ്യര്‍ഥിച്ചു. തന്റെ ഫെയ്സ്ബുക്ക് അക്കൗണ്ടില്‍ പോസ്റ്റ് ചെയ്ത വീഡിയോയിലൂടെയായിരുന്നു പ്രതികരണം.

വിവാഹം കഴിക്കുന്നില്ലെന്ന് നേരിട്ട് പറയാന്‍ വേണ്ടി ഈ അവസരം ഉപയോഗിക്കുന്നു. വാര്‍ത്തയില്‍ പറയുന്നതുപോലൊരു വ്യക്തിയുമില്ല. വിവാഹം സംഭവിക്കാന്‍ പോകുന്നില്ല. ബോറടിച്ച ഒരാള്‍ എഴുതിയ വാര്‍ത്ത മാത്രമാണത്. ഒരു നിര്‍മ്മിത ലേഖനം. 

ഞാന്‍ അഭിനയത്തില്‍ നിന്ന് ഇടവേള എടുക്കാന്‍ പോവുന്നു. സുഖം പ്രാപിക്കാന്‍ എനിക്ക് ആ സമയം ആവശ്യമാണ്. ഒരു യന്ത്രമനുഷ്യനെപ്പോലെ തുടര്‍ച്ചയായി, അല്ലെങ്കില്‍ യാന്ത്രികമായി പ്രവര്‍ത്തിക്കാന്‍ എനിക്ക് ഒരിക്കലും കഴിയില്ല. അല്പം യാത്ര ചെയ്യാമെന്ന തീരുമാനത്തിലാണ്. പിന്നെ തിരിച്ചുവന്നു അഭിനയിക്കാം. എന്റെ വിവാഹ പരിപാടികള്‍ ക്രമീകരിക്കാന്‍ എനിക്ക് ഇനി കോളുകള്‍ ആവശ്യമില്ല. കാരണം അതു നടക്കാന്‍ പോവുന്നില്ല. നിത്യ മേനോന്‍ പറഞ്ഞു.

തിരക്കേറിയ ഒരു വര്‍ഷമാണ് കഴിഞ്ഞുപോയത്. അക്ഷരാര്‍ഥത്തില്‍ ഞാന്‍ എല്ലാ ദിവസവും ജോലി ചെയ്തു. ലോക്ക്ഡൗണ്‍ വന്നതോടെ വര്‍ക്കുകള്‍ കുമിഞ്ഞുകൂടി. ഇപ്പോള്‍ ഏറ്റെടുത്ത എല്ലാ പ്രൊജക്റ്റുകളും പൂര്‍ത്തിയായി. എല്ലാം റിലീസിന് ഒരുങ്ങുകയാണ്. അതാണ് ഏറ്റവും സന്തോഷകരമായ വാര്‍ത്ത. 

ഞാന്‍ കഠിനാധ്വാനം ചെയ്യുന്നതിനാല്‍ എനിക്ക് ഒരു ഇടവേള ആവശ്യമാണ്. എന്റെ കണങ്കാല്‍ സുഖം പ്രാപിച്ച് വരികയാണ്. ഞാന്‍ കാലില്‍ എഴുന്നേല്‍ക്കാന്‍ തുടങ്ങിയിരിക്കുന്നു.' 'അല്‍പ്പം യാത്ര ചെയ്യാമെന്ന തീരുമാനത്തിലാണ്. പിന്നെ തിരിച്ച് വന്ന് അഭിനയിക്കാം. എന്റെ വിവാഹ പരിപാടികള്‍ ക്രമീകരിക്കാന്‍ എനിക്ക് ഇനി കോളുകള്‍ ആവശ്യമില്ല. കാരണം അത് നടക്കാന്‍ പോകുന്നില്ല' നിത്യാ മേനോന്‍ പറഞ്ഞു.

50 ലധികം സിനിമകളില്‍ അഭിനയിച്ച നിത്യ മൂന്ന് ഫിലിംഫെയര്‍ സൗത്ത് അവാര്‍ഡുകള്‍, രണ്ട് നന്ദി അവാര്‍ഡുകള്‍ എന്നിവയുള്‍പ്പെടെ നിരവധി അംഗീകാരങ്ങള്‍ നേടിയിട്ടുണ്ട്. 1998ല്‍ ദി മങ്കി ഹൂ ന്യൂ ടൂ മച്ച് എന്ന ഇംഗ്ലീഷ് ചിത്രത്തിലൂടെ പത്ത് വയസുള്ളപ്പോള്‍ നിത്യ ബാലതാരമായി സ്‌ക്രീനില്‍ അരങ്ങേറ്റം കുറിച്ചു. മോഡേണ്‍ ലവ് ഹൈദരാബാദ് എന്ന ടെലിവിഷന്‍ പരമ്പരയിലാണ് നിത്യ അടുത്തിടെ പ്രത്യക്ഷപ്പെട്ടത്. നാഗേഷ് കുക്കുനൂര്‍, വെങ്കിടേഷ് മഹാ, ഉദയ് ഗുരാള, ദേവിക ബഹുധനം എന്നിവര്‍ ചേര്‍ന്നാണ് ഷോ സംവിധാനം ചെയ്തത്.