വിനീത് ശ്രീനിവാസന് നായകനായി എത്തുന്ന പുതിയ ചിത്രമാണ് 'മുകുന്ദന് ഉണ്ണി അസോസിയേറ്റ്സ്' .ചിത്രത്തില് അഡ്വക്കേറ്റ് മുകുന്ദനുണ്ണിയായി വേഷമിടുന്നത് വിനീത് തന്നെയാണ്. പ്രചരണത്തിന്റെ ഭാഗമായി അണിയറപ്രവര്ത്തകര് അഡ്വ മുകുന്ദനുണ്ണി എന്ന പേരില് സോഷ്യല് മീഡിയ പ്രെഫൈലുകള് ആരംഭിച്ചിരുന്നു. . സിനിമയുമായി ബന്ധപ്പെട്ട രസകരമായ വിശേഷങ്ങളാണ് മുകുന്ദന് ഉണ്ണി എന്ന സാങ്കല്പിക കഥാപാത്രം സമൂഹമാധ്യമങ്ങളിലൂടെ പങ്കുവക്കുന്നത്.വിനീത് ശ്രീനിവാസന് തന്റെ യഥാര്ത്ഥ പ്രെഫൈലില് വന്ന് ഈ അക്കൗണ്ടിലെ പോസ്റ്റുകള്ക്കു താഴെയിടുന്ന കമന്റുകളും ഏറെ ശ്രദ്ധ നേടിയിരുന്നു.
ഇപ്പോളിതാ സൂഹമാധ്യമങ്ങളില് ചിരി പടര്ത്തുകയാണ് അഡ്വക്കേറ്റ് മുകുന്ദന് ഉണ്ണിയുടെയും വിനീത് ശ്രീനിവാസന്റെയും 'കമന്റ്' യുദ്ധം. വിനീത് ശ്രീനിവാസന് നായകനാകുന്ന 'മുകുന്ദന് ഉണ്ണി അസോസിയേറ്റ്സ്' എന്ന സിനിമ ബെറ്റര് കോള് സോള് എന്ന വെബ് സീരിസിന്റെ കോപ്പിയാണെന്ന് ചിലരുടെ കണ്ടെത്തല്. സംഭവം വലിയ ചര്ച്ചയായതോടെ ഇത് തന്റെ ജീവിത കഥ തന്നെയല്ലേ എന്ന സംശയം പ്രകടിപ്പിച്ച് സിനിമയുടെ നായക കഥാപാത്രമായ മുകുന്ദന് ഉണ്ണി തന്നെ രംഗത്തുവന്നു.
''ഇത് അതല്ല. കേസ് കൊടുക്ക് മുകുന്ദാ. കോടതിയില് കാണാം'' എന്നായിരുന്നു ഈ വിഷയത്തില് വിനീത് ശ്രീനിവാസന്റെ മറുപടി. എന്നാല് കേസിന് പോകേണ്ടെന്ന അഭിപ്രായമാണ് സുരാജ് വെഞ്ഞാറമൂടിനുള്ളത്.ഞാന് ഈ സീരീസ് കണ്ടിട്ടില്ല. പക്ഷേ കോപ്പി ആണോ എന്ന് എനിക്കും സംശയം ഉണ്ട്. അതോണ്ട് കേസിനു പോകണ്ട. പോകുകയാണെങ്കില്ത്തന്നെ എന്നെ അതില് ചേര്ക്കരുത്. താങ്ക് യു.''-സുരാജ് കമന്റ് ചെയ്തു.
വിനീത് ശ്രീനിവാസനെ നായകനാക്കി അഭിനവ് സുന്ദര് നായക് സംവിധാനം ചെയ്യുന്ന മുകുന്ദന് ഉണ്ണി അസോസിയേറ്റ്സ് എന്ന ചിത്രത്തിന്റെ പ്രമോഷന്റെ ഭാഗമായിട്ടാണ് സോഷ്യല് മീഡിയയില് ചിരി ഉണര്ത്തിയ ഈ കമന്റ് യുദ്ധം നടക്കുന്നത്.
കഴിഞ്ഞ ദിവസം പുറത്തിറങ്ങിയ സിനിമയുടെ ട്രെയിലറും പ്രേക്ഷകര് ഏറ്റെടുത്തിയിരുന്നു.ചിത്രത്തില് അഡ്വക്കേറ്റ് മുകുന്ദന് ഉണ്ണിയായി വിനീത് ശ്രീനിവാസന് എത്തുന്നു. ജോയ് മൂവി പ്രൊഡക്ഷന്സിന്റെ ബാനറില് ഡോ. അജിത് ജോയ് ആണ് ഈ ചിത്രം നിര്മിക്കുന്നത്. വിമല് ഗോപാലകൃഷ്ണനും സംവിധായകനും ചേര്ന്നാണ് ചിത്രത്തിന്റെ രചന.
വിനീത് ശ്രീനിവാസനൊപ്പം സുരാജ് വെഞ്ഞാറമൂട്, സുധി കോപ്പ, തന്വി റാം, ജഗദീഷ്, മണികണ്ഠന് പട്ടാമ്പി, ബിജു സോപാനം, ജോര്ജ് കോര, ആര്ഷ ചാന്ദിനി ബൈജു, നോബിള് ബാബു തോമസ്, അല്ത്താഫ് സലിം, റിയ സൈറ, രഞ്ജിത് ബാലകൃഷ്ണന്, സുധീഷ്, വിജയന് കാരന്തൂര് എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ക്യാമറ: വിശ്വജിത്ത് ഒടുക്കത്തില്, അഭിനവ് സുന്ദര് നായകും നിധിന് രാജ് അരോളും ചേര്ന്നാണ് എഡിറ്റിങ്. മനു മഞ്ജിത്ത്, എലിഷ എബ്രഹാം എന്നിവരുടെ വരികള്ക്ക് സിബി മാത്യു അലക്സ് ആണ് സംഗീതം പകര്ന്നിരിക്കുന്നത്.
എക്സിക്യൂട്ടീവ് പ്രൊഡ്യൂസര്മാര്: പ്രദീപ് മേനോന്, അനൂപ് രാജ് എം. പ്രൊഡക്ഷന് കണ്ട്രോളര്: മനോജ് പൂംകുന്നം, സൗണ്ട് ഡിസൈന്: രാജ് കുമാര് പി, കല: വിനോദ് രവീന്ദ്രന്, ശബ്ദമിശ്രണം: വിപിന് നായര്, ചീഫ് അസോ. ഡയറക്ടര്: രാജേഷ് അടൂര്, അസോ. ഡയറക്ടര് : ആന്റണി തോമസ് മംഗലി, വേഷവിധാനം: ഗായത്രി കിഷോര്, മേക്കപ്പ്: ഹസ്സന് വണ്ടൂര്, കളറിസ്റ്റ്: ശ്രീക് വാരിയര്.
സുപ്രീം സുന്ദറും മാഫിയ ശശിയുമാണ് ചിത്രത്തിന്റെ ഫൈറ്റ്. വിഎഫ്എക്സ് സൂപ്പര്വൈസര് : ബോബി രാജന്, വിഎഫ്എക്സ്: ഐറിസ് സ്റ്റുഡിയോ, ആക്സല് മീഡിയ. ലൈന് പ്രൊഡ്യൂസര്മാര്: വിനീത് പുല്ലൂടന്, എല്ദോ ജോണ്, രോഹിത് കെ സുരേഷും വിവി ചാര്ലിയുമാണ് സ്റ്റില്, മോഷന് ഡിസൈന്: ജോബിന് ജോസഫ് (പെട്രോവ ഫിലിംസ്), ട്രെയിലര്: അജ്മല് സാബു. പിആര്ഒ: എ എസ് ദിനേശ്, ആതിര ദില്ജിത്ത്, ഡിസൈനുകള്: യെല്ലോടൂത്ത്സ്. ചിത്രം നവംബര് 11 ന് റിലീസ് ചെയ്യും.
Premium Lifestyle and Entertainment website
ഡി ഫാം പഠിച്ച് ഉത്തര് പ്രദേശില് ജോലി ചെയ്യുമ്പോള് ആദ്യ വിവാഹം; മോള്ക്ക് നാല് വയസ് ഉള്ളപ്പോള് വേര്പിരിയല്; സുഹൃത്ത് വഴി ഷാനിനെ പരിചയപ്പെടല്; മറ്റുള്ളവര് നോക്കുമ്പോള് രണ്ട് കെട്ടി ആടിപ്പാടി നടക്കുന്ന സ്ത്രീ; വിഷാദം കാരണം അഭിനയം നിര്ത്താന് ആലോചിച്ചു; രണ്ടാം വിവാഹവും തകര്ന്ന നടി ആന്മരിയ ജീവിതം പറയുമ്പോള്
നോ പറയേണ്ടിടത്ത് നോ പറയണമെന്ന് തീരുമാനിച്ചിരുന്നു; സെല്ഫ് കെയര് പ്രാവര്ത്തികമാക്കാന് കഴിയാത്തതിനാല് ആശുപത്രിയില് കയറി; സുഖമില്ലാതെ കിടന്നപ്പോള് മരിച്ചെന്ന് വാര്ത്ത; ആരോഗ്യവും ഭക്ഷണവും ഫിറ്റ്നസും ശ്രദ്ധിച്ച് തുടങ്ങി; ദേവിചന്ദന പങ്ക് വച്ചത്