ലോഹകഷണം കൊണ്ട് കാലിലെ ഞരമ്പ് മുറിഞ്ഞു; കോന്‍ ബനേഗാ കോര്‍പതിയുടെ ഷൂട്ടിനിടെ പരുക്കേറ്റ കാര്യം ബ്ലോഗിലൂടെ പങ്ക് വച്ച് അമിതാഭ് ബച്ചന്‍; നടന് വിശ്രമം വേണമെന്ന് നിര്‍ദ്ദേശം

ടെലിവിഷന്‍ പരിപാടിയായ കോന്‍ ബനേഗാ ക്രോര്‍പതിയുടെ സെറ്റില്‍ നടന്‍ അമിതാഭ് ബച്ചന് പരിക്കേറ്റു. കാലിന് പരിക്കേറ്റതിനെത്തുടര്‍ന്ന് ആശുപത്രിയില്‍ പ്രവേശിപ്പിച്ച താരത്തിന് വിശ്രമം നിര്‍ദേശിച്ചിരിക്കുകയാണ് ഡോക്ടര്‍മാര്‍. ഇടത് കാലില്‍ ഒരു ലോഹക്കഷണം കൊണ്ട് ഞരമ്പ് മുറിഞ്ഞ് ധാരാളം രക്തം പോയെന്ന് താരം പറഞ്ഞു.  തന്റെ ഔദ്യോഗിക ബ്ലോഗിലൂടെ ബച്ചന്‍ തന്നെയാണ് ഇക്കാര്യം അറിയിച്ചത്. 

''കൗന്‍ ബനേഗ ക്രോര്‍പതിയുടെ ഒരു എപ്പിസോഡിന്റെ ഷൂട്ട് 3-4 മണിക്കൂര്‍ ഉണ്ടാകും. എന്നാല്‍ ഇപ്പോള്‍ വിശ്രമം ആവശ്യമാണ്. കൂടുതല്‍ ശക്തിയോടെ തിരിച്ചുവരും'' എന്നാണ് ബച്ചന്‍ സോഷ്യല്‍ മീഡിയയില്‍ കുറിച്ചിരിക്കുന്നത്. പ്രിയ താരത്തിന് വേഗം സുഖമാകട്ടെ എന്ന കമന്റുകളുമായി നിരവധി പേരാണ് എത്തിയിരിക്കുന്നത്.

ചോര വരാന്‍ തുടങ്ങി. ഉടന്‍ തന്നെ ഡോക്ടറിന്റെ സഹായത്തോടെ മുറിവ് തുന്നികെട്ടി, താരം പറഞ്ഞു.  സ്റ്റിച്ചിടേണ്ടി വന്നതിനാല്‍ കാലിന് അധികം ആയാസം കൊടുക്കരുതെന്നാണ് ഡോക്ടര്‍മാര്‍ നിര്‍ദേശം നല്‍കിയിരിക്കുന്നത്. ട്രെഡ്മില്ലിലൂടെ പോലും നടക്കരുതെന്ന് പറഞ്ഞിട്ടുണ്ട്.

താരത്തിന്റെ ഏറ്റവും പുതിയ ചിത്രമായ ഊന്‍ചായി നവംബര്‍ 11 ന് തിയറ്ററുകളിലെത്തും. അനുപം ഖേര്‍, നീന ഗുപ്ത, പരിനീതി ചോപ്ര തുടങ്ങിയവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നുണ്ട്.

അതേസമയം, 'ഗുഡ്‌ബൈ' ആണ് അമിതാഭ് ബച്ചന്റേതായി റിലീസ് ചെയ്ത ഒടുവില്‍ ചിത്രം. 'ബ്രഹ്‌മാസ്ത്ര'യിലും താരം പ്രധാന കഥാപാത്രത്തെ അവതരിപ്പിച്ചിരുന്നു. 'ഊഞ്ചൈ' ആണ് താരത്തിന്റെതായി ഇനി റിലീസിന് ഒരുങ്ങുന്നത്. സൂരജ് ബര്‍ജാത്യ ഒരുക്കുന്ന സിനിമ നവംബര്‍ 11ന് തിയേറ്ററുകളിലെത്തും