ചുരുങ്ങിയ കാലങ്ങള്കൊണ്ട് തമിഴ് സിനിമാലോകത്ത് വ്യത്യസ്ത വേഷങ്ങള് ചെയ്ത് ശ്രദ്ധേയനായ യുവതാരം ഹരീഷ് കല്യാണ് വിവാഹിതനായി. സംരംഭകയായ നര്മദ ഉദയകുമാറാണ് വധു. ചെന്നൈക്കടുത്ത് തിരുവേര്ക്കാട് ജി.പി.എന് പാലസില് നടന്ന ചടങ്ങില് ബന്ധുക്കളും സുഹൃത്തുക്കളും സിനിമാരംഗത്തെ പ്രമുഖരും പങ്കെടുത്തു.
പ്രണയവിവാഹമാണ് ഇരുവരുടേയും എന്ന് നേരത്തെ വാര്ത്തകള് വന്നിരുന്നെങ്കിലും ഹരീഷ് കല്യാണ് ഇത് നിഷേധിച്ചിരുന്നു. ഇരുവരുടേയും വീട്ടുകാര് ആലോചിച്ച് ഉറപ്പിച്ച വിവാഹമാണിതെന്നാണ് താരം പറഞ്ഞത്. തന്നെ പിന്തുണച്ച മാധ്യമങ്ങള്ക്ക് ഹരീഷ് നന്ദിയും പറഞ്ഞു.
നടന് ചിമ്പുവായിരുന്നു വിവാഹച്ചടങ്ങിലെ മുഖ്യാതിഥി. ദസറ നാളില് ഇന്സ്റ്റാഗ്രാം വഴിയാണ് ഹരീഷ് കല്യാണ് നര്മദയെ പരിചയപ്പെടുത്തിയത്. തന്റെ ഭാവി വധു എന്നായിരുന്നു നടന് കുറിച്ചത്.
2010ല് സിനിമയില് എത്തിയ ഹരീഷ് ബി?ഗ് ബോസ് തമിഴില് മത്സരാര്ത്ഥിയായതോടെയാണ് കൂടുതല് ശ്രദ്ധിക്കപ്പെടുന്നത്. പ്യാര് പ്രേം കാഥല്, ധാരാള പ്രഭു, ഓ മനപ്പെണ്ണെ എന്നീ സിനിമകളില് അഭിനയിച്ചു. വേഴം എന്ന ചിത്രമാണ് ഹരീഷ് കല്യാണിന്റേതായി റിലീസിന് തയ്യാറെടുക്കുന്നത്. സന്ദീപ് ശ്യാമാണ് ചിത്രം സംവിധാനം ചെയ്യുന്നത്. സസ്പെന്സ് ത്രില്ലറായി ഒരുങ്ങിയിരിക്കുന്ന ചിത്രം ഉടന് തിയേറ്ററുകളിലെത്തും.
Premium Lifestyle and Entertainment website
താലി ചാര്ത്തും മുന്പ് മണ്ഡപത്തിലിരുന്ന് പൊട്ടിക്കരഞ്ഞ് വരന്, ചിരിയോടെ വധു; മകളുടെ കല്യാണച്ചിത്രങ്ങള് പങ്കുവെച്ച് ഖുശ്ബു; ഗോവന് ആഡംബര വേദിയിലെ ആ കാഴ്ച വൈറല് 
'ആര്ക്കും വേദനയുണ്ടാക്കാന് ഞാന് ഉദ്ദേശിച്ചിട്ടില്ല, ആത്മാര്ത്ഥമായി ക്ഷമ ചോദിക്കുന്നു!' ഒടുവില് നടി ഹണി റോസിനോട് പരസ്യമായി ക്ഷമ ചോദിച്ച് ബോബി ചെമ്മണ്ണൂര്; 'നല്ല രീതിയില് മുന്നോട്ട് പോകണം, കേസ് പിന്വലിക്കണം': അഭ്യര്ഥനയുമായി ബോചെയുടെ കുറിപ്പ്