സിനിമാ അഭിനയ രംഗത്തേക്ക് ബാലതാരമായി എത്തി പിന്നീട് നായികയായി തെന്നിന്ത്യന്‍ ചിത്രങ്ങളില്‍ ഒഴിച്ചു കൂടാന്‍ ആകാത്ത സാന്നിധ്യമായി മാറിയ താരസുന്ദരിയാണ് നടി നിത്യാ മേനന്‍. വര്‍ഷങ്ങള്‍ നീണ്ട സിനിമാ ജീവിതത്തില്‍ നിരവധി മികച്ച കഥാപാത്രങ്ങളെ പ്രേക്ഷകര്‍ക്ക് സമ്മാനിക്കാന്‍ താരത്തിന് സാധിച്ചിരുന്നു.
മോഹന്‍ലാല്‍ നായകനായ ആകാശഗോപുരം എന്ന ചിത്രത്തിലൂടെ മലയാള സിനിമയില്‍ എത്തിയ നടി കേരള കഫേ, എയ്ഞ്ചല്‍ ജോണ്‍, അപൂര്‍വ്വ രാഗം, അന്‍വര്‍, ഉറുമി, തത്സമയം ഒരു പെണ്‍കുട്ടി, ഉസ്താദ് ഹോട്ടല്‍, ബാംഗ്ലൂര്‍ ഡെയ്സ് തുടങ്ങി നിരവധി ചിത്രങ്ങളിലൂടെ പ്രേക്ഷകര്‍ക്ക് മുമ്പിലെത്തിയിട്ടുണ്ട്.
കരിയറില്‍ വേറിട്ട ഒത്തിരി കഥാപാത്രങ്ങള്‍ ചെയ്തിട്ടുള്ള നടി ഹിന്ദിയിലും തമിഴിലും തെലുങ്കിലുമൊക്കെ ഒരുപോലെ സജീവമാണ്. സിനിമ ഇപ്പോള്‍ പാഷനായി മാറിയെങ്കിലും ഒട്ടും താല്‍പര്യം തോന്നാത്ത മേഖല ഇതായിരുന്നുവെന്ന് പറയുകയാണ് നടി.
മോഹന്‍ലാലിന്റെ കൂടെയാണ് ആദ്യമായി സിനിമയില്‍ അഭിനയിക്കുന്നത്. എന്നിട്ടും തന്റെ സ്വപ്നങ്ങളില്‍ പോലും സിനിമ ഇല്ലായിരുന്നു. വിധിയ്ക്ക് അനുസരിച്ച് മുന്നോട്ട് പോവുകയായിരുന്നു താനിത് വരെ ചെയ്തത്. മാത്രമല്ല വിവാദങ്ങളെ താന്‍ പേടിക്കുന്നില്ലെന്നും വനിതയ്ക്ക് നല്‍കിയ അഭിമുഖത്തിലൂടെ നിത്യ പറയുന്നു.
താന്‍ സിനിമയിലേക്ക് വന്നിട്ട് പതിനഞ്ച് വര്‍ഷത്തോളമായെന്നാണ് നിത്യ പറയുന്നത്. ആദ്യ സിനിമയില്‍ തനിക്കേറ്റവും പ്രിയനടനായ മോഹന്‍ലാലിനൊപ്പമാണ് അഭിനയിച്ചത്. അങ്ങനെ അഭിനയിക്കുമ്പോള്‍ പോലും തന്റെ സ്വപ്നങ്ങളില്‍ അഭിനയം ഇല്ലായിരുന്നു. പക്ഷേ ഇപ്പോള്‍ ആ ചിന്ത മാറി, മനസില്‍ സിനിമ മാത്രമേയുള്ളുവെന്ന് നിത്യ പറയുന്നു.
സ്‌കൂളില്‍ പഠിക്കുന്ന കാലത്താണ് ആകാശഗോപൂരം സിനിമയിലേക്ക് ഓഫര്‍ വന്നത്. നടിയാകണമെന്നല്ല, ക്യാമറ പഠിക്കണമെന്നായിരുന്നു അന്നത്തെ എന്റെ മോഹമെന്ന് നിത്യ പറയുന്നു. അത്ര താല്‍പര്യമില്ലാതെ അഭിനയിച്ചത് കൊണ്ടാകും ലാലേട്ടനൊപ്പം അഭിനയിക്കുന്നതിനെക്കാള്‍ ലണ്ടനിലേക്ക് ഷൂട്ടിങ്ങിനായി പോകാമെന്നതായിരുന്നു അന്നത്തെ എന്റെ സന്തോഷം.
പിന്നീട് അഭിനയം ഹോബി പോലെയായി. ഓരോ സിനിമ വരുമ്പോഴും വിചാരിക്കും, ഇതൂടി ചെയ്തിട്ട് നിര്‍ത്തണമെന്ന്. വിധി കാത്തുവച്ച നിയോഗം മറ്റൊന്നാണ്. ഇതാണ് കരിയറെന്ന് ഒരു പോയിന്റില്‍ വച്ച് തിരിച്ചറിഞ്ഞു. അത് സംഭവിച്ചിട്ട് കുറച്ച് വര്‍ഷമേ ആയിട്ടുള്ളു. എപ്പോഴാണ് അതെന്ന് പറഞ്ഞാല്‍ അബദ്ധമാകും. എന്നാല്‍ അതുണ്ടാക്കിയ മാറ്റം എന്താണെന്ന് പറയാമെന്നും നിത്യ കൂട്ടിച്ചേര്‍ത്തു.കരിയറില്‍ ഇപ്പോള്‍ വലിയൊരു സ്വപ്നമുണ്ട്. പല ഭാഷകളില്‍ പലതരം കഥാപാത്രങ്ങള്‍ ചെയ്യണം, നല്ല സിനിമകളുടെ ഭാഗമാവണം. എല്ലാ കഥാപാത്രങ്ങളിലും എന്റെ കുറച്ച് രീതികള്‍ ചേര്‍ക്കണം, ഉസ്താദ് ഹോട്ടലിലെ സുലൈമാനിയില്‍ മുഹബത്ത് ചേരുന്നത് പോലെയുള്ള സുഖമാണപ്പോള്‍'- നിത്യ പറയുന്നു.മറ്റുള്ളവര്‍ എങ്ങനെ ചിന്തിക്കുമെന്ന് കരുതി ടെന്‍ഷനടിച്ച് ജോലി ചെയ്യാന്‍ എനിക്കാകില്ലെന്ന് നടി ഉറപ്പിച്ച് പറയുന്നു.
എന്റെ കാര്യം തീരുമാനിക്കുന്നത് ഞാനാണ്. മനസില്‍ തോന്നുന്നത് പോലെ ജീവിക്കാനാണ് താന്‍ ആഗ്രഹിക്കുന്നതെന്നും ഞാന്‍ പറയുന്നതും പ്രവര്‍ത്തിക്കുന്നതുമെല്ലാം എന്റെ മനസ് പറയുന്നത് പോലെയാണെന്നും നിത്യ മേനോന്‍ പറയുന്നു. പുറത്ത് ഉണ്ടാവുന്നതായ കാര്യങ്ങളൊന്നും തന്റെ തീരുമാനങ്ങളെയോ സന്തോഷത്തെയോ ബാധിക്കാറില്ലെന്നും നടി വ്യക്തമാക്കുന്നു.
ഗ്ലാമറസ് വേഷങ്ങള്‍ ചെയ്യുന്നതില്‍ യാതൊരു എതിര്‍പ്പും തനിക്കില്ല. ബോളിവുഡിലെ ബ്രീത്ത് എന്ന ചിത്രത്തില്‍ ലിപ്ലോക് ചെയ്തതിന്റെ പേരില്‍ കമന്റുകള്‍ വന്നിരുന്നു. തിരക്കഥ ആവശ്യപ്പെടുന്ന തരത്തില്‍ ഇന്റിമേറ്റ് സീനുകള്‍ ചെയ്യാന്‍ യാതൊരു മടിയും തനിക്കില്ല. ഇനിയും സിനിമകളില്‍ അത് ചെയ്യും. വിവാദങ്ങളെ തനിക്ക് പേടിയില്ലെന്ന് കൂടി നിത്യ പറയുകയാണ്.
നിത്യാ മേനോന്‍ പ്രണയത്തിലാണെന്ന രീതിയില്‍ അടുത്തിടെ ധാരാളം വാര്‍ത്തകള്‍ പ്രചരിച്ചിരുന്നു. എന്നാല്‍ അതിന്റെ സത്യാവസ്ഥയെക്കുറിച്ച് അടുത്തിടെ നടി വ്യക്തമാക്കുകയുണ്ടായി.പ്രണയമുണ്ടായിരുന്നുവെന്നും പ്രായവും പക്വതയുമാകും മുമ്പാണതെന്നും നടി പറഞ്ഞു.18ാം വയസില്‍ പ്രണയിച്ച ആള്‍ ജീവിതത്തിലും കരിയറിലും കൂടെ ഉണ്ടാകും എന്നു കരുതി. എന്നാല്‍ പൊരുത്തക്കേടുകള്‍ വന്നപ്പോള്‍ ആ ബന്ധം അവസാനിപ്പിച്ചു. നിത്യ മോനോന്‍ പറയുന്നു. ഇപ്പോള്‍ വിവാഹം കഴിക്കണമെന്ന് തനിക്ക് നിര്‍ബന്ധമൊന്നുമില്ല.
അനുയോജ്യനല്ലാത്ത ഒരാള്‍ക്കൊപ്പം ജീവിച്ച് തീര്‍ക്കാനുള്ളതല്ല തന്റെ ജീവിതമെന്നും നിത്യ പറഞ്ഞു. ശരിക്കും മനസിലാകുന്ന പുരുഷനെ ലഭിച്ചെങ്കിലേ വിവാഹ ജീവിതം സന്തോഷകരമാകൂ. പൊരുത്തമില്ലാത്ത ഒരാളെ വിവാഹം ചെയ്ത് ജീവിക്കുന്നതിനേക്കാള്‍ വിവാഹം കഴിക്കാതിരിക്കുന്നതാണ് നല്ലത്. ഒരാളെ താന്‍ പ്രണയിച്ചിരുന്നു, അത് ആരാണെന്നു വെളിപ്പെടുത്തേണ്ട അവസരമല്ല ഇതെന്നും നടി പറയുന്നു.
ഓരോ സിനിമ ചെയ്യുമ്പോഴും നായകനുമായി ചേര്‍ത്ത് കഥകള്‍ പ്രചരിക്കാറുണ്ട്. ഇത് പതിവായതിനാല്‍ ഇതിനോടൊന്നും പ്രതികരിക്കാറില്ല. മറുഭാഷയില്‍ അഭിനയിച്ചപ്പോള്‍ വിവാഹിതരായ നായകന്‍മാരുമായി ചേര്‍ത്തുവെച്ചുള്ള പ്രണയ കഥകള്‍ എനിക്ക് അസ്വസ്ഥത ഉണ്ടാക്കിയിരുന്നു. മറ്റൊരാളുടെ കുടുംബജീവിതത്തിലേയ്ക്ക് എന്നെ വലിച്ചിഴയ്ക്കുന്നത് ആര്‍ക്കായാലും വലിയ പ്രയാസം ഉണ്ടാക്കും എന്നും നടി പറയുന്നു.
Premium Lifestyle and Entertainment website
മാഷ് ഓവര്‍ പവര്‍ ചെയ്യുന്നതുകൊണ്ട് താന്‍ ഒതുങ്ങിപ്പോയി എന്നാണ് ആളുകള്‍ വിചാരിക്കുന്നത്; എല്ലാ കാര്യങ്ങളും ഡിസ്‌കസ് ചെയ്യുന്നവരാണ് ഞങ്ങള്‍; രണ്ടുപേര്‍ക്കും പരസ്പരം നന്നായി അറിയാം; കുടുംബത്തിലുള്ളവര്‍ക്ക് പോലും തെറ്റിദ്ധാരണകള്‍; ദേവികയ്ക്കും വിജയ്ക്കും പറയാനുള്ളത്
റിയാലിറ്റി ഷോ മത്സരാര്‍ത്ഥിയായി തുടക്കം; അവതാരകയായെത്തി പിന്നീട് കാര്യസ്ഥനിലൂടെ ദിലിപിന്റെ നായികയായി; നൃത്തമടക്കം ഷോകളില്‍ സജീവമായിരുന്നപ്പോള്‍ സിനിമയില്‍ ഇടവേള; വിവാഹ കഴിക്കാത്തതിനും കാരണങ്ങള്‍ നിരവധി; മുംബൈയില്‍ താമസമാക്കിയ നടി അഖില ശശിധരന്റെ വിശേഷങ്ങള്‍ ഇങ്ങനെ