മണിരത്‌നം സംവിധാനം ചെയ്ത പൊന്നിയിന്‍ സെല്‍വന്‍ ബജറ്റിന്റെ കാര്യത്തിലും മേക്കിങിന്റെ കാര്യത്തിലും സിനിമാ ലോകത്തു അടക്കം ചര്‍ച്ചയായിക്കഴിഞ്ഞു. കല്‍ക്കി കൃഷ്ണൂര്‍ത്തിയുടെ ചരിത്രനോവലിനെ ആസ്പദമാക്കി മണിരത്‌നം സംവിധാനം ചെയ്ത പൊന്നിയിന്‍ സെല്‍വന്‍ 1 റെക്കാഡ് കളക്ഷനുമായി മുന്നേറുകയാണ്. റിലീസിന്റെ രണ്ടാംദിവസം തന്നെ ചിത്രം 150 കോടി കളക്ഷന്‍ നേടിക്കഴിഞ്ഞു.
500 കോടി ബഡ്ജറ്റില്‍ നിര്‍മ്മിച്ച ചിത്രത്തിലെ താരങ്ങളുടെ വേഷവിധാനങ്ങളും ആഭരണങ്ങളും റിലീസിന് മുന്‍പ് തന്നെ ചര്‍ച്ചയായിരുന്നു.500 കോടി രൂപാ മുതല്‍മുടക്കില്‍ നിര്‍മ്മിച്ച ചിത്രത്തിന്റെ നടിമാര്‍ അടക്കം ഉപയോഗിച്ചത് ഒറിജിനല്‍ സ്വര്‍ണാഭരണങ്ങള്‍ തന്നെയായിരുന്നു.
ഹൈദരബാാദിലെ 150 വര്‍ഷത്തെ പാരമ്പര്യമുള്ള കിഷന്‍ദാസ് ജൂവലേഴ്സ് ആണ് സിനിമയിലെ കഥാപാത്രങ്ങള്‍ക്കായി സ്വര്‍ണ്ണാഭരണങ്ങള്‍ തീര്‍ത്തത്. മൊത്തം 450 ആഭരണങ്ങളാണ് നായികമാര്‍ക്ക് ഉള്‍പ്പെടെ വേണ്ടി അണിയിച്ചൊരുക്കിയത്
ഹൈദരബാദ് നിസാമിന് വേണ്ടി ആഭരണങ്ങള്‍ ചെയ്തു നല്‍കിയ പാരമ്പര്യമുള്ള സ്വര്‍ണ്ണപ്പണിക്കാരാണ് സിനിമയ്ക്ക് വേണ്ടിയും ആഭരണങ്ങള്‍ ചെയ്തു നല്കിയത്. മുഴുവനും പണികഴിപ്പിക്കാന്‍ ആറ് മാസമെടുത്തു. ചോള കാലഘട്ടത്തിലെ ശൈലികളും ഡിസൈനുകളും അടിസ്ഥാനമാക്കിയുള്ള ആഭരണങ്ങളില്‍, വങ്കി വളകള്‍, ജുംകകള്‍, ഹെയര്‍ ആക്‌സസറികള്‍, ഉഡ്യാണം തുടങ്ങിയവയുണ്ട്. ആഭരണങ്ങളില്‍ മാണിക്യം, മരതകം, മഞ്ഞ, നീലക്കല്ലുകള്‍ എന്നിവ പതിച്ചിട്ടുണ്ട് സിനിമ റിലീസ് ചെയ്ത ശേഷം അവ വില്‍പ്പനയ്ക്ക് വയ്ക്കും എന്ന് കിഷന്‍ദാസ് ആന്‍ഡ് കോയെ ഉദ്ധരിച്ച് ക്രീയേറ്റീവ് ഡയറക്ടര്‍ പ്രതീക്ഷ പ്രശാന്ത് നേരത്തെ വ്യക്തമാക്കിയിരുന്നു.
എത്രത്തോളം സ്വര്‍ണ്ണം വേണ്ടി വന്നുവെന്നോ ഇതിന്റെ മൂല്യം എത്രയെന്നോ അവര്‍ വെളിപ്പെടുത്തിയില്ല. വില്‍പ്പന വഴി ലഭിക്കാവുന്ന ലാഭത്തെക്കുറിച്ചും വിവരങ്ങള്‍ പുറത്തുവിട്ടിട്ടില്ല, 50 കരകൗശല വിദഗ്ധര്‍ ചേര്‍ന്നാണ് ആഭരണങ്ങള്‍ പണിതീര്‍ത്തത്. നോവലില്‍ പരാമര്‍ശിച്ച കാലത്തിനും ചരിത്രത്തിനും ചേരും വിധമാണ് ഓരോ ആഭരണവും നിര്‍മ്മിക്കപ്പെട്ടത്.
ഐശ്വര്യ റായ് ബച്ചന്‍, വിക്രം, ജയം രവി, കാര്‍ത്തി, തൃഷ, ഐശ്വര്യ ലക്ഷ്മി, ശോഭിത ധൂലിപാല, പ്രഭു, ആര്‍. ശരത്കുമാര്‍, വിക്രം പ്രഭു, പ്രകാശ് പ്രഭു, ജയറാം, ആര്‍. പാര്‍ത്ഥിബന്‍ എന്നിവരാണ് ചിത്രത്തില്‍ പ്രധാന വേഷങ്ങളിലെത്തിയത്.
Premium Lifestyle and Entertainment website
ദിവ്യാ.. താന്‍ വാടോ.. എനിക്ക് വളയിട്ട് താ; ആ മൂവര്‍ സംഘത്തിന്റെ ചതി തിരിച്ചറിയാതെ ദിയ ചെയ്തത്; ഒടുവില്‍ സത്യം തിരിച്ചറിഞ്ഞപ്പോള്‍
വൈദ്യുതി മോഷ്ടിച്ച് പന്നിക്കെണി ഒരുക്കി; അപകടം അറിയാതെ മീന്‍ പിടിക്കാന്‍ എത്തി അനന്തുവും കൂട്ടകാരും; കേബിള്‍വഴി ബന്ധിപ്പിച്ച കമ്പി വേലിയില്‍ തട്ടി അപകടം; അനന്തുവിന്റെ ജീവനെടുത്ത അപകടമരണം ഇങ്ങനെ
ആ ക്ലാസ്മുറിയില്‍ ഇനി അനന്തുവിന്റെ പാട്ടില്ല; പാട്ടില്‍ മാത്രമല്ല പഠനത്തിലും മിടുക്കന്‍; വിങ്ങലായി അനന്തു; കണ്ണീരോടെ വിട നല്‍കി നാട്; വേര്‍പാട് താങ്ങാനാകാതെ ഉറ്റവരും ഉടയവരും
ഇപ്പോഴും ഡിപ്രഷന് മരുന്ന് കഴിക്കുന്ന വ്യക്തി; മരുന്ന് നിര്‍ത്തിക്കഴിഞ്ഞാല്‍ ഭൂമിക്കേ ആവശ്യമില്ലാത്ത ജീവിതമാണ്, എന്തിനാണ് ജീവിച്ചിരിക്കുന്നതെന്ന് എന്ന തരത്തിലുള്ള ചിന്തകള്‍;ആത്മഹത്യാ പ്രേരണ ഉണ്ടായിരുന്നു; മിഥുന് സ്‌ട്രോക്ക് ആണെന്നാണ് ആദ്യം കരുതിയത്; ലക്ഷ്മി മേനോന്‍ പങ്ക് വച്ചത്