വിവാദമായപ്പോള്‍ അമ്മയ്ക്ക് വളരെ സങ്കടമായി; ആളുകള്‍ക്കു പെട്ടെന്നു മനസ്സിലാകാന്‍ വേണ്ടി ഒരു ഉദാഹരണമാണ് പറഞ്ഞത്; പക്ഷേ അത് ഈ രീതിയില്‍ വൈറല്‍ ആകുമെന്ന് ഞാനും വിചാരിച്ചില്ല;പൊരിച്ച മീന്‍  വിവാദത്തെക്കുറിച്ച് റിമ കല്ലിങ്കലിന്റെ പ്രതികരണം ഇപ്പോള്‍

പെണ്‍കുട്ടികള്‍ നേരിടുന്ന വിവേചനത്തിന് പൊരിച്ച മീന്‍ ഉദാഹരണം പറഞ്ഞ നടി റിമ കല്ലിങ്കല്‍ ഒരിക്കല്‍ ട്രോള്‍ ചെയ്യുപ്പെട്ടിരുന്നു. ഒരു പൊതുവേദിയില്‍ വെച്ചാണ് തന്റെ ഫെമിനിസം തുടങ്ങുന്നത് ഒരു മീന്‍ വറുത്തതില്‍ നിന്നുമാണെന്ന് റിമ പറഞ്ഞത്. തന്റെ വീട്ടില്‍ അമ്മയുടെ പക്കല്‍ നിന്നും ഒരിക്കല്‍ പൊരിച്ച മീന്‍ തനിക്ക് മാത്രം കിട്ടിയില്ല. എന്നാല്‍, തന്റെ സഹോദരനും അച്ഛനും അമ്മ നല്‍കിയെന്നും ആ ഒരു സംഭവത്തില്‍ നിന്നാണ് ഉള്ളിലെ ഫെമിനിസം വളര്‍ന്നതെന്നും റിമ പറഞ്ഞിരുന്നു.

ഇപ്പോഴിതാ പൊരിച്ച മീന്‍ വിവാദം വീട്ടുകാരെ എങ്ങനെയാണ് ബാധിച്ചതെന്ന് ഒരു മാധ്യമവുമായുള്ള അഭിമുഖത്തില്‍ പങ്കുവെച്ചിരിക്കുകയാണ് നടി. നന്നേ ചെറുപ്പം മുതല്‍ക്കു തന്നെ എന്റെ വീട്ടില്‍ കലഹിക്കാനും എല്ലാം തുറന്നു പറയാനും ഉള്ള സ്വാതന്ത്ര്യം എനിക്കുണ്ട്. ആ തലത്തില്‍ നിന്നുകൊണ്ടാണ് പൊരിച്ച മീനിനെക്കുറിച്ച് പൊതുവേദിയില്‍ സംസാരിച്ചത്, ചേട്ടന് കൊടുത്ത മീനിനെ പകുതി എനിക്ക് കൂടി ഉള്ളതാണ് എന്ന് അവകാശം ബോധമായിരുന്നു ഞാന്‍ അവിടെ പറഞ്ഞത്.

എന്നാല്‍ അത് വലിയ വിവാദമായപ്പോള്‍ അമ്മയ്ക്ക് വലിയ വിഷമമായി, അതു വിവാദമായപ്പോള്‍ അമ്മയ്ക്ക് വളരെ സങ്കടമായി. ആളുകള്‍ക്കു പെട്ടെന്നു മനസ്സിലാകാന്‍ വേണ്ടി ഒരു ഉദാഹരണമാണ് അന്ന് പറഞ്ഞത്, പക്ഷേ അത് ഈ രീതിയില്‍ വൈറല്‍ ആകുമെന്ന് ഞാനും വിചാരിച്ചില്ല, വേദനിച്ചത് എന്റെ വീട്ടുകാര്‍ക്ക് ആയിരുന്നു, പക്ഷേ അന്ന് കുട്ടികാലത്ത് എനിക്ക് എത്രമാത്രം വേദനയുണ്ടായി എന്ന് അവര്‍ തിരിച്ചറിയുകയും ചെയ്തു, ഇപ്പോള്‍ അവര്‍ അത് തിരുത്തുകയും ചെയ്തു' റിമ കൂട്ടിച്ചേര്‍ത്തു.