തന്റെ പുതിയ സിനിമയുടെ പൂജാ വിശേഷം അറിയിച്ച് നടന് ഉണ്ണി മുകുന്ദന്. അഭിലാഷ് പിള്ളയുടെ തിരക്കഥയില് നവാഗതനായ വിഷ്ണു ശശിശങ്കര് സംവിധാനം ചെയ്യുന്ന ചിത്രത്തിന്റെ ഈ വരുന്ന 12ന് എരുമേലിയില് വച്ച് നടക്കും. ഉണ്ണി മുകുന്ദന് തന്നെയാണ് ഇക്കാര്യം തന്റെ സാമൂഹിക മാധ്യമത്തിലൂടെ അറിയിച്ചത്.
പുതിയ വിശേഷം അറിയിച്ചുകൊണ്ടുള്ള ഉണ്ണി മുകുന്ദന്റെ ഫേസ്ബുക്ക് കുറിപ്പും ശ്രദ്ധേയമാകുന്നുണ്ട്. തൃശൂര് അകമല ധര്മ്മശാസ്ത്ര ക്ഷേത്രവും ഉണ്ണിയും തമ്മിലുള്ള ബന്ധത്തെ കുറിച്ചു പറഞ്ഞുകൊണ്ടാണ് നടന്റെ ഫേസ്ബുക്ക് പോസ്റ്റ്. അകമല ക്ഷേത്രത്തില് നിന്നുള്ള ചിത്രങ്ങളും ഉണ്ണി മുകുന്ദന് പങ്കുവെച്ചിട്ടുണ്ട്.
ഫേസ്ബുക്ക് പോസ്റ്റിന്റെ പൂര്ണരൂപം-
'ചില നിയോഗങ്ങള് അങ്ങനെ ആണ് നമ്മളെ തേടി എത്തും...
ഗുജറാത്തില് നിന്ന് സിനിമ മോഹവുമായി കേരളത്തില് എത്തിയ കാലം മുതല് തുടങ്ങിയതാണ് ഞാനും ഈ ഫോട്ടോയില് കാണുന്ന അകമല ധര്മ്മ ശാസ്താ ക്ഷേത്രവും തമ്മിലുള്ള ബന്ധം, മറ്റൊരുവിധത്തില് പറഞ്ഞാല് ഞാനും അയ്യനും തമ്മിലുള്ള ബന്ധം
തൃശ്ശൂരില് നിന്ന് ഷൊര്ണുരില് എന്റെ അമ്മാവന്റെ വീട്ടിലേക്കുള്ള യാത്രയിലാണ് ഞാന് ഇവിടെ ദര്ശനം തുടങ്ങിയത് കഴിഞ്ഞ 15 വര്ഷമായി അത് തുടരുന്നു. ആദ്യ കാലങ്ങളില് ബസില് യാത്ര ചെയ്യുമ്പോള് ബസിനുള്ളില് നിന്ന് പ്രാര്ത്ഥിക്കുമായിരുന്നു.
ഞാന് ആദ്യം വരുമ്പോള് ഒരു പ്രതിഷ്ഠ മാത്രം ആണ് ഉണ്ടായിരുന്നത്. എന്റെ സ്വപ്നങ്ങളും ,ആഗ്രഹങ്ങളും, ദുഖങ്ങളും എല്ലാം പങ്കുവച്ചിരുന്നത് ഇവിടെ ആണ് കാലക്രമേണ ഇത് വലിയ ക്ഷേത്രമായി മാറി എന്റെ അയ്യനോടൊപ്പം ഞാനും വളര്ന്നു എന്റെ യാത്ര അതുവഴി ബസില് നിന്നും പിന്നീട് ബൈക്കിലും കാറിലും ഒക്കെ ആയി മാറി.അത്യാവശ്യം അറിയപ്പെടുന്ന നടനും നിര്മ്മാതാവുമൊക്കെയായി ഇന്നും യാത്ര തുടരുന്നു.!
ഇന്ന് ഈ ഓര്മ്മകള് എന്റെ മനസിലേക്കു വരാന് കാര്യം എന്നെ തേടി മറ്റൊരു ഭാഗ്യം കൂടി എത്തിയിരിക്കുന്നു എന്റെ പുതിയ സിനിമയുടെ പൂജ എരുമേലി ശ്രീധര്മ ശാസ്താ ക്ഷേത്രത്തില് വച്ച് 12 ആം തീയതി നടക്കുകയാണ് എന്റെ കരിയറിലെ തന്നെ ഏറ്റവും വലിയ രണ്ടു ചിത്രങ്ങള് ആയ മല്ലുസിംഗ് നിര്മിച്ച ആന്റോ ചേട്ടനും മാമാങ്കം സിനിമ നിര്മ്മിച്ച വേണു ചേട്ടനും ചേര്ന്ന് ആണ് നിര്മ്മാണം. അഭിലാഷ് പിള്ളയുടെ തിരക്കഥയില് നവാഗതനായ വിഷ്ണു ശശിശങ്കര് സംവിധാനം ചെയ്യുന്നു.
എന്നെ തേടി എത്തിയ ആ നിയോഗം എന്താണ് എന്ന് അറിയണമെങ്കില് ചിത്രത്തിന്റെ ടൈറ്റില് നിങ്ങള് അറിയണം അതിനു 12 ആം തീയതി വരെ കാത്തിരിക്കണം.
എല്ലാവരുടെയും പ്രാര്ത്ഥനയും അനുഗ്രഹവും ഉണ്ടാകും എന്ന പ്രതീക്ഷയോടെ....'
ചില നിയോഗങ്ങള് അങ്ങനെ ആണ് നമ്മളെ തേടി എത്തും... ഗുജറാത്തില് നിന്ന് സിനിമ മോഹവുമായി കേരളത്തില് എത്തിയ കാലം മുതല് തുടങ്ങിയതാണ്...
Premium Lifestyle and Entertainment website
ചേച്ചി ജീവിതാവസാന കാലത്ത് ദുഖിതയായിരുന്നു; പൂജാമുറിയില് വച്ച് വസ്ത്രത്തിനു തീ പിടിച്ചു മരിച്ചു എന്ന വാര്ത്ത ശരിയാണോ..? അതോ ചേച്ചിയും എന്തെങ്കിലും തീരുമാനിച്ചിരുന്നുവോ? വിനയന്റെ കുറിപ്പിന് പിന്നാലെ നടി സുകുമാരിയുടെ മരണം ചര്ച്ചയാകുമ്പോള്
കൊച്ചിന് ഹനീഫയുടെ മക്കളെ ചേര്ത്ത് പിടിച്ച് കാര്ത്തിക; നടന്റെ കൊച്ചിയിലെ പുതിയ വീട്ടിലെത്തി കുടുംബത്തോടൊപ്പം ചിലവഴിച്ച് നടി; വൈറലായി വീഡിയോ