പ്രമുഖ വ്യവസായിയും ലുലു ഗ്രൂപ്പ് ചെയര്‍മാനുമായ എം എ യൂസഫലിയുടെ അതിഥിയായി സൂപ്പര്‍ സ്റ്റാര്‍ രജനികാന്ത്. യൂസഫലിയുടെ അബുദാബിയിലെ വസതിയിലാണ് രജനികാന്ത് അതിഥിയായെത്തിയത്. യൂസഫലിയുടെ ബിസിനസ് ആസ്ഥാനവും രജനി സന്ദര്‍ശിച്ചു.
ലുലു ഗ്രൂപ്പ് ഇന്റര്‍നാഷനലിന്റെ ഗ്ലോബല്‍ ഹെഡ് ക്വാര്‍ട്ടേഴ്‌സിലാണ് രജനികാന്ത് ആദ്യം എത്തിയത്. അവിടെ നിന്നും റോള്‍സ് റോയ്‌സില്‍ ഡ്രൈവ് ചെയ്താണ് യൂസഫലി അദ്ദേഹത്തെ തന്റെ വീട്ടിലേക്കു കൊണ്ട് പോയത്. യൂസഫലിയുടെ വീട്ടില്‍ ഏറെ നേരം ചെലവഴിച്ച ശേഷമാണ് രജനികാന്ത് മടങ്ങിയത്. രജനിയുടേയും യൂസഫലിയുടേയും കാര്‍ യാത്രയുടെ വീഡിയോ സമൂഹമാധ്യമങ്ങളില്‍ വൈറലാണ്. രജനികാന്തിനെ അരികിലിരുത്തി റോള്‍സ് റോയ്‌സ് കാര്‍ ഡ്രൈവ് ചെയ്യുന്ന യൂസഫലിയാണ് വീഡിയോയിലുള്ളത്.
വേട്ടയ്യനാണ് രജനികാന്തിന്റെ അടുത്ത ചിത്രം. ടി ജെ ജ്ഞാനവേലാണ് ചിത്രത്തിന്റെ തിരക്കഥയും സംവിധാനവും നിര്‍വഹിക്കുന്നത്. ചിത്രത്തിന്റെ ചിത്രീകരണം പുരോഗമിക്കുകയാണ്. ബിഗ് ബജറ്റിലൊരുങ്ങുന്ന എന്റര്‍ടെയ്നര്‍ വിഭാഗത്തിലുള്ള ചിത്രത്തില്‍ അമിതാഭ് ബച്ചന്‍, മഞ്ജു വാര്യര്‍, ദുഷാര വിജയന്‍, കിഷോര്‍, റിതിക സിങ്, ജി എം സുന്ദര്‍, രോഹിണി, റാവൊ രമേശ്, രമേശ് തിലക്, രക്ഷന്‍ തുടങ്ങി വമ്പന്‍ താരനിര സിനിമയുടെ ഭാഗമാണ്.
Premium Lifestyle and Entertainment website
സീ രി യല്‍ പ്രവര്‍ത്തകര്‍ക്കു ള്ള ഗ്രൂപ്പ് ഇന്‍ഷു റന്‍സ് പദ്ധതി യുടെ ഉദ്ഘാ ടനം നടന്നു
മദ്യലഹരിയില്‍ അമിതവേഗതയില്‍ കാറോടിച്ച് സ്ത്രീകളെ അക്രമിച്ചെന്ന വാര്‍ത്ത;വ്യാജ വാര്‍ത്ത പ്രചരിപ്പിച്ചതിന് 100 കോടി രൂപയുടെ മാനനഷ്ടക്കേസ് ഫയല്‍ ചെയ്ത് നടി രവീണ ടണ്ടന്‍