പാർവ്വതിയുടെ പുതിയ ചിത്രമായ 'ഉയരെ'യിലെ പുത്തൻ ഗാനം പുറത്തിറങ്ങി. 'നീ മുകിലോ' എന്നു തുടങ്ങുന്ന പ്രണയം തുളുമ്പുന്ന ഗാനമാണ് അണിയറ പ്രവർത്തകർ റിലീസ് ചെയ്തത്. റഫീഖ് അഹമ്മദാണ് ഗാന രചന നിർവ്വഹിച്ചിരിക്കുന്നത്. വിജയ് യേശുദാസും സിത്താരയും ചേർന്ന് ഗാനം ആലപിച്ചിരിക്കുന്നു. ഗോപി സുന്ദറിന്റേതാണ് സംഗീതം. നവാഗതനായ മനു അശോകനാണ് ഉയരെയുടെ സംവിധായകൻ. ബോബി-സഞ്ജയ് കൂട്ടുകെട്ടിന്റെയാണ് തിരക്കഥ.
ആസിഫ് അലിയും പാർവ്വതിയുമാണ് ഗാനരംഗത്തുള്ളത്. ഇരുവരുടേയും പ്രണയമാണ് മനോഹരമായ ഗാനത്തിൽ അവതരിപ്പിച്ചിരിക്കുന്നത്.നീണ്ട 13 വർഷങ്ങൾക്ക് ശേഷം ഗൃഹലക്ഷ്മി പ്രൊഡക്ഷൻസ് സിനിമാ നിർമ്മാണ രംഗത്തേക്ക് തിരിച്ചു വരികയാണ് 'ഉയരെ'യിലൂടെ. എസ് ക്യൂബ് പ്രൊഡക്ഷൻസ് എന്ന പേരിൽ പി.വി ഗംഗാധരന്റെ പെൺമക്കൾ ഷെനുഗയും ഷെഗ്നയും ഷെർഗയും ചേർന്നാണ് പുതിയ തുടക്കത്തിന് ചുക്കാൻ പിടിക്കുന്നത്. ഏപ്രിൽ 26ന് ചിത്രം തിയേറ്ററുകളിൽ എത്തും.
Premium Lifestyle and Entertainment website
എന്റെ പ്രിയപ്പെട്ടവര്‍ അവളുടെ പ്രിയപ്പെട്ടവരായി മാറുന്നത് കാണുന്നതിനേക്കാള്‍ വലിയ സന്തോഷം മറ്റൊന്നില്ല ; സുരേഷേട്ടനും മാമ്മാട്ടിയും ആദ്യമായി കണ്ടുമുട്ടിയ ചിത്രങ്ങള്‍ പങ്കുവെച്ച് കാവ്യ
വേഗത്തില്‍ 25 കോടി കടന്ന് 'അരണ്‍മനൈ 4'; നാല് ദിവസത്തെ കളക്ഷന്‍ റിപ്പോര്‍ട്ട് പുറത്ത്