71-ാമത് നെഹ്റു ട്രോഫി വള്ളംകളിയുടെ ഔദ്യോഗിക ഗാനമായി പുറത്തിറങ്ങിയ 'ഓളപ്പോര്‍' നിരവധി പ്രത്യേകതകള്‍ക്ക് വേദിയായി. ഏഴ് പതിറ്റാണ്ട് നീണ്ട വള്ളംകളി ചരിത്രത്തില്‍ ആദ്യമായാണ് ഒരു സ്ത്രീ ഔദ്യോഗിക ഗാനം ആലപിച്ചത്. ഗായിക അമൃത സുരേഷിന്റെ ശബ്ദത്തിലൂടെയാണ് ഇത്തവണത്തെ ഗാനത്തിന് ജീവന്‍ ലഭിച്ചത്. എം.ജി. ശ്രീകുമാര്‍, സുദീപ് വാര്യര്‍, സച്ചിന്‍ വാര്യര്‍ എന്നിവരുടെ ശബ്ദത്തില്‍ നിറഞ്ഞിരുന്ന വേദിയിലേക്കുള്ള അമൃതയുടെ പ്രവേശനം, ശ്രദ്ധേയമായ സംഭവമായി.
വള്ളംകളി ഗാനങ്ങള്‍ക്ക് കഴിഞ്ഞ നാല് വര്‍ഷമായി സംഗീതം ഒരുക്കുന്ന ഗൗതം വിന്‍സന്റാണ് ഇത്തവണയും സംഗീത സംവിധാനം നിര്‍വഹിച്ചത്. ''ഒരു സ്ത്രീ ശബ്ദം ഉപയോഗിക്കാമെന്ന ആശയം തന്നെ ഒരു റിസ്‌ക് ആയിരുന്നു. എന്നാല്‍ അത് സ്വീകരിക്കപ്പെട്ടത് ഏറെ സന്തോഷകരമാണ്'' എന്ന് അമൃത സുരേഷ് പ്രതികരിച്ചു. വിശ്വല്‍ അവതരണത്തിലും ഇത്തവണ മാറ്റം കൊണ്ടുവന്നിട്ടുണ്ട്. മുന്‍ വര്‍ഷങ്ങളില്‍ പോലെ സ്റ്റുഡിയോ വിസ്വല്‍സും വള്ളംകളി ദൃശ്യങ്ങളും മാത്രമല്ല, ആലപ്പുഴയുടെ മുഴുവന്‍ സൗന്ദര്യവും വിഡിയോയില്‍ പകര്‍ത്തിയിട്ടുണ്ട്. അരുണ്‍ തിലകനും ലിയോ ജോഷിയും ചേര്‍ന്നാണ് ദൃശ്യാവിഷ്‌ക്കാരം ഒരുക്കിയത്.
വിടുതല്‍ നേടിയ മൂന്ന് ദിവസത്തിനുള്ളില്‍ തന്നെ ഗാനത്തിന് മൂന്ന് ലക്ഷത്തോളം പ്രേക്ഷകരെ സ്വന്തമാക്കാന്‍ കഴിഞ്ഞു. വരികള്‍ ഒരുക്കിയത് ജയന്‍ തോമസാണ്. ''വള്ളംകളിയുടെ മുഴുവന്‍ ആവേശവും പാട്ടില്‍ നിറഞ്ഞിട്ടുണ്ട്'' എന്നതാണ് ആരാധകരുടെ പ്രതികരണം. പലരും ''വീണ്ടും വീണ്ടും കേള്‍ക്കാന്‍ തോന്നുന്ന പാട്ട്'' എന്ന് അഭിപ്രായപ്പെട്ടിട്ടുണ്ട്.
Premium Lifestyle and Entertainment website
കണ്ണുകള്‍ക്ക് ഒരു മാറ്റവും പുതുമയും നല്‍കാന്‍ ചില വഴികള്‍ പരീക്ഷിക്കാം
ഫ്രീസറില്‍ ഭക്ഷണം സൂക്ഷിക്കാറുണ്ടോ? എങ്കില്‍ ഇക്കാര്യങ്ങള്‍ ശ്രദ്ധിക്കുക
പീലിക്കുന്നിലെ ഓണവെയില്‍ (കഥ ):
ഓണത്തിന് സദ്യക്കൊപ്പം വിളമ്പാന്‍ പരിപ്പ് പ്രഥമന്‍
കണ്ണുകളുടെ ആരോഗ്യം ഉറക്കവുമായി നേരിട്ട് ബന്ധപ്പെട്ടിരിക്കുന്നു; വിദഗ്ധരുടെ മുന്നറിയിപ്പ്