അമ്മയുടെ എക്സിക്യൂട്ടീവ് കമ്മിറ്റി അംഗത്വത്തില് നിന്ന് രാജിവച്ച് നടി ആശ അരവിന്ദ്. സംഘടനയുടെ ജനാധിപത്യപരമായ തീരുമാനങ്ങളെ മാനിക്കുന്നുവെന്നും സംഘടനയുടെ അന്തസ്സും ഐക്യവും കാത്തുസൂക്ഷിക്കേണ്ടത് ഓരോ അംഗത്തിന്റെയും കടമയാണെന്നും ആ ബോധ്യത്തിന്റെ അടിസ്ഥാനത്തില് വ്യക്തിപരമായ കാരണങ്ങളാല് രാജിവയ്ക്കുന്നുവെന്ന് കത്തില് പറയുന്നു.
താരസംഘടന അമ്മയില് ശ്വേതേ മേനോനെതിരെ ഒരു വിഭാഗം വനിതാ അംഗങ്ങള് പടയൊരുക്കും നടത്തുന്നതിനിടെയാണ് ആശ അരവിന്ദിന്റെ രാജി. വ്യക്തിപരമായ കാരണങ്ങളാല് രാജിവയ്ക്കുന്നുവെന്നാണ് രാജി സമര്പ്പിച്ചുകൊണ്ടുള്ള കത്തില് പറയുന്നത്.
ജനറല് ബോഡി കൈക്കൊണ്ട തീരുമാനത്തിനെതിരായി നില്ക്കുന്നത് ശരിയല്ല എന്ന ബോധ്യം തനിക്കുണ്ടെന്ന് പറഞ്ഞുകൊണ്ടാണ് രാജിക്കത്ത് സംഘടനയ്ക്ക് കൈമാറിയത്. സംഘടനയുടെ ജനാധിപത്യപരമായ തീരുമാനങ്ങളെ മാനിക്കുമെന്നും അന്തസും ഐക്യവും കാത്തുസൂക്ഷിക്കുമെന്നും സഞ്ജീവനി ഉള്പ്പെടെയുള്ള പദ്ധതികളില് ആത്മാര്ത്ഥതയോടെ പ്രവര്ത്തിച്ചിട്ടുണ്ടെന്നും അവര് വ്യക്തമാക്കി. നേരത്തെ അഡ്ഹോക് കമ്മറ്റിയില് നിന്നും ആശ രാജിവെച്ചിരുന്നു.
അതേസമയം, നടിയും അമ്മ സംഘടനാ പ്രസിഡന്റുമായ ശ്വേതാ മേനോനെതിരെ താര സംഘടനയില് അഭിപ്രായ വ്യത്യാസങ്ങള് ഉയരുകയാണ്. തെരഞ്ഞെടുപ്പ് വേണോ, ശ്വേത തുടരണോ എന്ന ചോദ്യവുമായി വാട്ട്സ്ആപ്പ് ഗ്രൂപ്പില് പോള് നടത്തിയിരുന്നു. അമ്മ 'പെണ്മക്കള്' വാട്സ്ആപ്പ് ഗ്രൂപ്പിലാണ് അഭിപ്രായ രൂപീകരണത്തിന് ശ്രമം നടന്നത്. ഇതുവ്യക്തമാക്കുന്ന വാട്സ്ആപ്പ് ചാറ്റുകള് പുറത്തുവന്നിട്ടുണ്ട്. തെരഞ്ഞെടുപ്പ് നടത്തണമെന്നാണ് ഭൂരിപക്ഷ അംഗങ്ങളും അഭിപ്രായപ്പെട്ടത്. 32 പേര് തെരഞ്ഞെടുപ്പ് വേണമെന്ന് അഭിപ്രായപ്പെട്ടപ്പോള് ശ്വേതാ മേനോന്റെ സമിതി തുടരണം എന്ന് ഒരാള് പോലും വോട്ട് ചെയ്തില്ല. ശ്വേതയെ നേരത്തെ വാട്ട്സ്ആപ്പ് ഗ്രൂപ്പില് നിന്ന് പുറത്താക്കിയിരുന്നു.
Premium Lifestyle and Entertainment website
രാജ്യത്തെ ഒറ്റാന് എത്ര കിട്ടി? ഫണ്ട് ഇപ്പോള് ആണോ ക്രെഡിറ്റ് ആയത്; പിഎസ്സി ഉദ്യോഗാര്ഥികള് 'മണ്ണ്' വാരി തിന്നപ്പോള് ഇവിടെ ഒന്നും ഇല്ലായിരുന്നോ? മക്കള്ക്ക് ഭയമല്ല, പ്രതീക്ഷയാണ് സമ്മാനിക്കേണ്ടതെന്ന് കുറിച്ച മഞ്ജുവിനെ വിടാതെ സൈബര് ലോകം