കോമ്പോയുടെ ചിത്രമാണ് എമ്പുരാന്‍. ബിഗ് ബഡ്ജറ്റില്‍ ഒരുക്കിയിരിക്കുന്ന ചിത്രം ലൈക്ക പ്രൊഡക്ഷന്‍സ്, ആശീര്‍വാദ് സിനിമാസ്, ശ്രീ ഗോകുലം മൂവീസ് എന്നിവര്‍ ചേര്‍ന്നാണ് നിര്‍മ്മിച്ചിരിക്കുന്നത്. മലയാളം കണ്ട ഏറ്റവും വലിയ കളക്ഷന്‍ നേടിയ സിനിമ എന്ന നേട്ടം സ്വന്തമാക്കിയിരുന്നു. റിലീസിന് മുന്‍പ് തന്നെ 50 കോടിയിലെത്തിയ ചിത്രത്തിന് സമ്മിശ്ര പ്രതികരണമാണ് ലഭിച്ചിരുന്നത്. എന്നാല്‍ റിലീസ് ചെയ്ത് പതിനഞ്ചാം ദിനത്തില്‍ കളക്ഷനില്‍ വലിയ ഇടിവാണ് സംഭവിച്ചിരിക്കുന്നത്.
ആദ്യമായി 1 കോടിയില്‍ താഴേ കളക്ഷന്‍ നേടിയിരിക്കുകയാണ് ചിത്രം. ഇന്ത്യയിലെ നെറ്റ് കളക്ഷനാണിത്. ബോക്‌സ് ഓഫീസ് സൈറ്റായ സാക്‌നില്‍ക്കാണ്.ആദ്യദിനം 21 കോടിയായിരുന്നു എമ്പുരാന്റെ ഇന്ത്യ നെറ്റ്. പിന്നീടുള്ള ദിവസങ്ങളും ചിത്രം മിന്നും പ്രകടനം കാഴ്ചവച്ചു. പതിനാല് ദിവസം വരെയും ഒരു കോടിയില്‍ കുറവ് കളക്ഷന്‍ എമ്പുരാന്‍ നേടിയിരുന്നില്ല. എന്നാല്‍ പതിനഞ്ചാം ദിനം കഥ മാറുകയായിരുന്നു. പുതിയ വിഷു റിലീസുകളാണ് എമ്പുരാന്‍ കളക്ഷനില്‍ വന്‍ ഇടിവ് സമ്മാനിച്ചത് എന്ന കാര്യത്തില്‍ തര്‍ക്കവുമില്ല. പതിനാലാം ദിവസം 1.15 കോടി ആയിരുന്നു എമ്പുരാന്റെ ഇന്ത്യ നെറ്റ് കളക്ഷന്‍.
മലയാളം, തമിഴ്, ഹിന്ദി, തെലുങ്ക്, കന്നഡ എന്നീ ഭാഷകളിലാണ് സിനിമ പ്രദര്‍ശനത്തിനെത്തിയത്. പൃഥ്വിരാജ്, മഞ്ജു വാര്യര്‍, ടൊവിനോ തോമസ്, ഇന്ദ്രജിത് സുകുമാരന്‍, സുരാജ് വെഞ്ഞാറമൂട്, ജെറോം ഫ്‌ലിന്‍, ബൈജു , സായ്കുമാര്‍, ആന്‍ഡ്രിയ ടിവാടര്‍, അഭിമന്യു സിങ്, സാനിയ ഇയ്യപ്പന്‍, ഫാസില്‍, സച്ചിന്‍ ഖഡ്കര്‍, നൈല ഉഷ, ജിജു ജോണ്‍, നന്ദു, മുരുകന്‍ മാര്‍ട്ടിന്‍, ശിവജി ഗുരുവായൂര്‍, മണിക്കുട്ടന്‍, അനീഷ് ജി മേനോന്‍, ശിവദ, അലക്‌സ് ഒനീല്‍, എറിക് എബണി, കാര്‍ത്തികേയ ദേവ്, മിഹയേല് നോവിക്കോവ്, കിഷോര്‍, സുകാന്ത്, ബെഹ്സാദ് ഖാന്‍, നിഖാത് ഖാന്‍, സത്യജിത് ശര്‍മ്മ, നയന്‍ ഭട്ട്, ശുഭാംഗി, ജൈസ് ജോസ് തുടങ്ങി വമ്പന്‍ താരനിരയാണ് അണിനിരക്കുന്നത്. ഗെയിം ഓഫ് ത്രോണ്‍സിലൂടെ ലോക പ്രശസ്തനായ ജെറോം ഫ്ളിന്നിന്റെ സാന്നിധ്യം ചിത്രത്തിന്റെ താരനിരക്ക് നല്‍കിയത് ഒരു ഇന്റര്‍നാഷണല്‍ അപ്പീലാണ്.
2023 ഒക്ടോബര്‍ 5 ന് ഫരീദാബാദില്‍ ചിത്രീകരണം ആരംഭിച്ച എമ്പുരാന്‍, യുണൈറ്റഡ് സ്റ്റേറ്റ്‌സ്, യു കെ, യുഎഇ , ചെന്നൈ, മുംബൈ, ഗുജറാത്ത്, ലഡാക്ക്, കേരളം, ഹൈദരാബാദ്, ഷിംല, ലേ എന്നിവയുള്‍പ്പെടെ വിവിധ സ്ഥലങ്ങളില്‍ ആയാണ് ഒരുക്കിയത്. ദീപക് ദേവ് സംഗീത സംവിധാനം നിര്‍വഹിച്ച ചിത്രത്തിന് കാമറ ചലിപ്പിച്ചത് സുജിത് വാസുദേവും, എഡിറ്റിംഗ് നിര്‍വഹിച്ചത് അഖിലേഷ് മോഹനുമാണ്. മോഹന്‍ദാസ് കലാസംവിധാനം നിര്‍വഹിച്ച ചിത്രത്തിന് ആക്ഷന്‍ ഒരുക്കിയത് സ്റ്റണ്ട് സില്‍വയാണ്. നിര്‍മ്മല്‍ സഹദേവ് ആണ് ചിത്രത്തിന്റെ ക്രീയേറ്റീവ് ഡയറക്ടര്‍. പൂര്‍ണ്ണമായും അനാമോര്‍ഫിക് ഫോര്‍മാറ്റില്‍ ഷൂട്ട് ചെയ്ത ചിത്രത്തിന്റെ മൂന്നാം ഭാഗവും ഇതേ ഫോര്‍മാറ്റില്‍ തന്നെയാവും ഒരുക്കുക എന്നും സംവിധായകന്‍ പൃഥ്വിരാജ് വെളിപ്പെടുത്തുകയും ചെയ്തിരുന്നു.
Premium Lifestyle and Entertainment website
കണ്ണൂരൂകാരിയായ ഡിവൈഎസ്പിയുടെ ഭാര്യ; കുടുംബവിളക്കിലെ നിലീനയായി പ്രേക്ഷക ഹൃദയം കീഴടക്കിയ നിലീനയുടെ മകളും വെള്ളിത്തിരയില്‍; നടി ബിന്ദു പങ്കജിന്റെ വിശേഷമിങ്ങനെ
ബാംഗ്ലൂരില്‍ സുഹൃത്തുക്കള്‍ക്കൊപ്പം കേക്ക് മുറിച്ച് ആഘോഷം; ദിയ ഒപ്പമില്ലെങ്കിലും ആഘോഷമൊരുക്കി അമ്മ സിന്ധുവും; കണ്ണമ്മക്ക് പതിവ് തെറ്റാതെ സമ്മാനവുമായി അശ്വിനും; ബര്‍ത്ത് ഡേ വ്‌ളോഗിലൂടെ ദിയ കൃഷ്ണ പങ്ക് വച്ചത്