അമ്മയായതിന് ശേഷം തന്റെ ശരീരത്തോടുള്ള കാഴ്ചപ്പാടില് വന്ന മാറ്റത്തെക്കുറിച്ച് മനസ്സ് തുറന്ന് ബോളിവുഡ് താരം കിയാര അദ്വാനി. ഹൃത്വിക് റോഷനും ജൂനിയര് എന്ടിആറും ഒന്നിച്ചെത്തിയ 'വാര് 2' (War 2) എന്ന ചിത്രത്തിലെ തന്റെ വൈറലായ ബിക്കിനി രംഗത്തെക്കുറിച്ചും അതിനായി നടത്തിയ കഠിനാധ്വാനത്തെക്കുറിച്ചുമാണ് കിയാര സംസാരിച്ചത്. വോഗ് ഇന്ത്യയ്ക്ക് (Vogue India) നല്കിയ അഭിമുഖത്തിലാണ് താരം ഈ കാര്യങ്ങള് പങ്കുവെച്ചത്.
മാറ്റങ്ങളെക്കുറിച്ച് കിയാര: 2025 ജൂലൈയിലാണ് കിയാരയ്ക്കും സിദ്ധാര്ത്ഥ് മല്ഹോത്രയ്ക്കും പെണ്കുഞ്ഞ് (സാരായ) ജനിച്ചത്. കുഞ്ഞ് ജനിച്ചതിന് പിന്നാലെ ഓഗസ്റ്റിലാണ് 'വാര് 2' റിലീസ് ചെയ്തത്. 'പ്രസവത്തിന് ശേഷം ഒരു നിമിഷം ഞാന് ചിന്തിച്ചു, 'ഞാന് ഇത് മുന്പും ചെയ്തിട്ടുണ്ട്, ഇനിയും എനിക്കിത് ചെയ്യാന് സാധിക്കും'. പക്ഷേ പിന്നീട് എനിക്ക് മനസ്സിലായി, ഇത് വെറുമൊരു മികച്ച ശരീരം ഉണ്ടാക്കിയെടുക്കുന്നതിനെക്കുറിച്ചല്ല,' കിയാര പറഞ്ഞു.
'വാര് 2' വില് കണ്ട തന്റെ ശരീരവും പ്രസവത്തിന് ശേഷമുള്ള ശരീരവും തമ്മിലുള്ള വ്യത്യാസം ആദ്യം ഉള്ക്കൊള്ളാന് പ്രയാസമായിരുന്നുവെന്ന് താരം വെളിപ്പെടുത്തി. 'ഇപ്പോള് എന്റെ ശരീരത്തെ നോക്കുമ്പോള് ഞാന് ചിന്തിക്കുന്നത്, 'നീ ഒരു ജീവന് ജന്മം നല്കി' എന്നാണ്. അതിനോളം വരില്ല മറ്റൊന്നും. ഇപ്പോള് ഏത് ആകൃതിയിലായാലും ഞാന് എന്റെ ശരീരത്തെ ബഹുമാനിക്കുന്നു,' കിയാര വ്യക്തമാക്കി. 'വാര് 2'വിലെ കിയാരയുടെ ബിക്കിനി ലുക്ക് സോഷ്യല് മീഡിയയില് വലിയ ചര്ച്ചയായിരുന്നു. ആ വേഷത്തിനായി വലിയ അച്ചടക്കത്തോടെയുള്ള തയ്യാറെടുപ്പുകള് താരം നടത്തിയിരുന്നു.
Premium Lifestyle and Entertainment website
ആങ്സൈറ്റി, ട്രോമ, ഉറക്കമില്ലാത്ത രാത്രികള് എന്നിവ നേരിടുന്നു; വികാരങ്ങള് മനസിലാക്കുന്ന കുറവുകള് അംഗീകരിക്കുന്ന ഉള്ളിലെ കുട്ടിയെ സുരക്ഷിതമായും സന്തോഷത്തോടെയും നിലനിര്ത്തുന്ന ആളെ കണ്ടുമുട്ടുമ്പോള് മാത്രം വിവാഹം; ആരാധകരുടെ ചോദ്യങ്ങള്ക്ക് മറുപടിയുമായി ജാസ്മിന്