ടെലിവിഷന്‍ പ്രേക്ഷകരുടെ പ്രിയതാരമായ നിഷാ സാരംഗ്, 'ഉപ്പും മുളകും' പരമ്പരയുമായി ബന്ധപ്പെട്ട വിവാദങ്ങളെക്കുറിച്ചും തന്റെ അഭിനയ ജീവിതത്തെക്കുറിച്ചും മനസ്സ് തുറന്നു സംസാരിക്കുന്നു. ''ഉപ്പും മുളകിന് മുന്‍പ് എങ്ങനെയായിരുന്നോ, അതുപോലെ തന്നെയാണ് ഇപ്പോഴും എന്റെ ജീവിതം മുന്നോട്ട് പോകുന്നത്. അവിടെയുണ്ടായ ചില വിവാദങ്ങളെക്കുറിച്ച് ഞാന്‍ ഉത്തരം പറഞ്ഞ് കൂടുതല്‍ കഥകള്‍ ഉണ്ടാക്കാന്‍ ആഗ്രഹിക്കുന്നില്ല. എനിക്ക് ജീവിക്കാന്‍ വേണ്ടിയാണ് ഞാന്‍ പ്രവര്‍ത്തിക്കുന്നത്, അനാവശ്യ വിവാദങ്ങള്‍ക്ക് മറുപടി പറഞ്ഞ് സമയം കളയാന്‍ എനിക്ക് കഴിയില്ല.
ഇത്തരം കാര്യങ്ങള്‍ എന്നെ ബാധിക്കുന്നതേയില്ല, അതുപോലെ, പണ്ട് ഷൂട്ടോക്കെ ആയിട്ട് നല്ല തിരക്കായിരുന്നപ്പോള്‍ ബ്രേക്ക് എടുത്ത് വെറുതെ ഇരിക്കാന്‍ കൊതിച്ച നിമിഷങ്ങള്‍ വരെ ഉണ്ടായിട്ടുണ്ട്'' നിഷ പറഞ്ഞു. കഴിഞ്ഞ 26 വര്‍ഷമായി താന്‍ അഭിനയരംഗത്തുണ്ടെന്നും, അതില്‍ ഒന്‍പത് വര്‍ഷം മാത്രമാണ് 'ഉപ്പും മുളകില്‍' ഉണ്ടായിരുന്നതെന്നും നിഷ വ്യക്തമാക്കി. ഇതിനു മുന്‍പും താന്‍ സിനിമകളിലും സീരിയലുകളിലുമായി തിരക്കിലായിരുന്നു. ഏകദേശം നൂറോളം സിനിമകളും അമ്പതോളം സീരിയലുകളും ചെയ്തിട്ടുണ്ട്. ഓരോ കലാകാരനും എപ്പോഴെങ്കിലും നല്ലൊരു ബ്രേക്ക് ലഭിക്കും.
അതുപോലെ തനിക്ക് ലഭിച്ച ഒന്നാണ് 'ഉപ്പും മുളകും'. സ്വാഭാവികമായ അഭിനയത്തിനുള്ള ഒരു പ്ലാറ്റ്ഫോം അതായിരുന്നു. അത് തന്റെ അഭിനയ ജീവിതത്തിന് ഒരുപാട് ഗുണം ചെയ്തു. ഇപ്പോഴും സിനിമകളും ടെലിവിഷന്‍ പരമ്പരകളും ഒരുപോലെ കൊണ്ടുപോകുന്നുണ്ടെന്നും, പുതിയ സീരിയല്‍ ഉടന്‍ സംപ്രേക്ഷണം ചെയ്യുമെന്നും നിഷാ സാരംഗ് ഒരു അഭിമുഖത്തില്‍ വെളിപ്പെടുത്തി.
Premium Lifestyle and Entertainment website
56-ാമത് ഗോവ രാജ്യാന്തര ചലച്ചിത്രമേളയില്‍ രജിനികാന്തിന് ആദരം; സമാപന ചടങ്ങിനെത്തിയത് മകള്‍ ഐശ്വര്യയ്ക്കൊപ്പം; പ്രേക്ഷകരുമായി സംവദിച്ച് സൂപ്പര്‍സ്റ്റാര്‍