ബോളിവുഡില്‍ ഏറെ ആരാധകരുള്ള താരദമ്പതികളാണ് ദീപിക പദുകോണും രണ്‍വീര്‍ സിംഗും. ഇവരുടെ പ്രണയവും വിവാഹവും എല്ലാം ആരാധകര്‍ വലിയ രീതിയില്‍ ആഘോഷിച്ചിരുന്നു. അടുത്തിടെയാണ് ദീപിക ഗര്‍ഭിണിയാണെന്നുള്ള വിവരം പുറത്തുവന്നത്. താരദമ്പതികള്‍ കുഞ്ഞിനെ വരവേല്‍ക്കാന്‍ ഒരുങ്ങുന്നതിനിടെ ഇപ്പോള്‍ രണ്‍വീറിന്റെ ഭാഗത്ത് നിന്നുണ്ടായ ഒരു നീക്കമാണ് എല്ലാവരെയും സംശയത്തിലാക്കിയത്.
തന്റെ ഇന്‍സ്റ്റാഗ്രാം പേജില്‍ നിന്ന് ദീപികയുമായുള്ള വിവാഹ ചിത്രങ്ങള്‍ നീക്കിയിരിക്കുകയാണ് രണ്‍വീര്‍ സിംഗ്. 2018 നവംബറിലാണ് ഇരുവരും വിവാഹിതരായത്. അഞ്ച് വര്‍ഷത്തിലേറെയായി വിവാഹത്തിന്റെ ഫോട്ടോകള്‍ രണ്‍വീറിന്റെ പേജില്‍ ഉണ്ടായിരുന്നു. എന്നാല്‍ ഇപ്പോള്‍ അത് നീക്കിയിരിക്കുകയാണ്. എന്തിനാണ് താരം ഇങ്ങനെ ചെയ്തതെന്ന് വ്യക്തമല്ല. എന്നാല്‍ ഇതിന് പിന്നാലെ ഇരുവരുടെയും ദാമ്പത്യ ജീവിതത്തെക്കുറിച്ച് പല അഭ്യൂഹങ്ങളും ഇപ്പോള്‍ പ്രചരിക്കുന്നു. ഇരുവരും വേര്‍പിരിയുകയാണോ അതോ മറ്റ് എന്തെങ്കിലും കാരണമാണോ ഇതിന് പിന്നിലെന്ന് ആരാധകര്‍ ചോദിക്കുന്നു.
എന്നാല്‍ ദീപികയുമായി എടുത്ത മറ്റ് ചില ചിത്രങ്ങള്‍ രണ്‍വീറിന്റെ പേജിലുണ്ട്. കൂടാതെ അടുത്തിടെ രണ്‍വീറിനൊപ്പം വിമാനത്തില്‍ നിന്ന് ഇറങ്ങുന്ന ദീപികയുടെ ചിത്രങ്ങള്‍ വൈറലായിരുന്നു. അതിനാല്‍ തന്നെ ഇവരുടെയും വിവാഹബന്ധത്തില്‍ പ്രശ്‌നങ്ങളെന്നും ഇല്ലെന്നാണ് ആരാധകര്‍ അഭിപ്രായപ്പെടുന്നത്. ഇക്കഴിഞ്ഞ ഫെബ്രുവരിയിലാണ് ദീപിക ഗര്‍ഭിണിയാണെന്ന വിവരം പുറംലോകം അറിഞ്ഞത്. അതേസമയം ദീപികയുടെ ഇന്‍സ്റ്റാഗ്രാം പേജില്‍ വിവാഹ ചിത്രങ്ങള്‍ ഇപ്പോഴും ഉണ്ട്.
Premium Lifestyle and Entertainment website
ഷെയ്ന്‍ സ്വന്തമാക്കിത് മേഴ്‌സിഡസിന്റെ ആഡംബര മോഡലായ മെയ്ബ ജിഎല്‍ എസ് 600; മമ്മൂട്ടിക്കും യൂസഫലിക്കും പിന്നാലെ നടന്‍ സ്വന്തമാക്കിയത് 3.80 കോടിയുടെ സ്വപ്‌ന വാഹനം; കുടുംബത്തൊടൊപ്പം എത്തിയ വാഹനം സ്വന്തമാക്കുന്ന വീഡിയോ സോഷ്യല്‍ മീഡിയയില്‍
ഞാന്‍ പ്രധാനമന്ത്രി നരേന്ദ്ര മോദിയുടെ വേഷം ചെയ്യുന്നു എന്ന വാര്‍ത്ത എനിക്ക് പുതിയത്; നരേന്ദ്രമോദിയായി സത്യരാജ് എത്തുമെന്ന് വാര്‍ത്തയോട് പ്രതികരിച്ച് നടന്‍