വിജയും എ.ആര്‍ മുരുകദോസും വീണ്ടും ഒന്നിക്കുന്ന ചിത്രം സര്‍ക്കാരിന്റെ ടീസറെത്തി. വിജയ്യുടെ ഗംഭീര ആക്ഷന്‍ രംഗങ്ങളടങ്ങിയ 1.33 മിനുട്ട് നീണ്ട് നില്‍ക്കുന്ന ടീസറാണ് പുറത്തിറങ്ങിയത്.വിജയുടെ മാസ് ഡയലോഗും കിടിലന്‍ നൃത്തച്ചുവടുകളും ആക്ഷനും കോര്‍ത്തിണക്കിയതാണ് ടീസര്‍. സ്റ്റൈലിഷ് ലുക്കിലാണ് വിജയ് ടീസറില്‍ പ്രത്യക്ഷപ്പെടുന്നത്. ചിത്രം ഒരു പൊളിറ്റിക്കല്‍ ത്രില്ലറാണ്.സുന്ദര്‍ എന്ന മള്‍ട്ടി മില്യണയര്‍ ടെക്കി ആയാണ് വിജയ് എത്തുന്നത്. വോട്ടിങ്ങിനുള്ള പ്രാധാന്യവും മാതൃകാ സര്‍ക്കാര്‍ എങ്ങനെയായിരിക്കണമെന്നുമാണ് ചിത്രത്തില്‍ പ്രധാനമായും പ്രതിപാദിക്കുന്നത്.
സര്‍ക്കാരിലെ പുറത്തുവിട്ട ഗാനങ്ങള്‍ക്കെല്ലാം മികച്ച സ്വീകാര്യത ലഭിച്ചപോലെ ടീസറും ഇപ്പോള്‍ ട്രെന്റിങില്‍ ലിസ്റ്റില്‍ ഒന്നാമതെത്തിയിരിക്കുകയാണ്. കീര്‍ത്തി സുരേഷാണ് സര്‍ക്കാരില്‍ നായികയായെത്തുന്നത്. വരലക്ഷ്മി ശരത്കുമാറും പ്രധാന വേഷം കൈകാര്യം ചെയ്യുന്നുണ്ട് ചിത്രത്തില്‍. രാധാ രവി, പാലാ കുറുപ്പയ്യ, ലിവിങ്സ്റ്റണ്‍, യോഗി ബാബു, പ്രേം എന്നിവരും പ്രധാന വേഷങ്ങളിലെത്തുന്നുണ്ട്. നവംബര്‍ 6 ദീപാവലി റിലീസായാണ് ചിത്രം റിലീസിനെത്തുക. സണ്‍ പിക്‌ചേഴ്‌സാണ് ചിത്രം നിര്‍മ്മിക്കുന്നത്
Premium Lifestyle and Entertainment website
ജന്മദിനത്തില്‍ കിമോണോ അണിഞ്ഞ് മഞ്ജു വാരിയര്‍; വൈറലായി ജപ്പാനില്‍ നിന്നുള്ള ചിത്രങ്ങള്‍; 'നിങ്ങളുടെ സ്‌നേഹത്തിന് നന്ദിയെന്നും താരത്തിന്റെ കുറിപ്പ്
വനിതകള്‍ വന്നാല്‍ ഒറ്റരാത്രിക്കൊണ്ട് അത്ഭുതങ്ങള്‍ പ്രതീക്ഷിക്കരുത്; എന്തൊക്കെ മാറ്റം ഉണ്ടാകുമെന്ന് പറയാന്‍ സാധിക്കില്ല; ശ്വേതാ മേനോന്‍