കടുവക്കൂട്ടില്‍ കയറി കടുവകളോട് സംസാരിക്കുന്ന നടന്‍ ഷറഫുദീന്റെ വീഡിയോ സമൂഹമാധ്യമങ്ങളില്‍ വൈറലാകുന്നു. 'പെറ്റ് ഡിറ്റക്ടീവ്' എന്ന പുതിയ ചിത്രത്തിന്റെ ഭാഗമായി പുറത്തിറങ്ങിയ ഈ വീഡിയോ ആരാധകര്‍ ഏറ്റെടുത്തിരിക്കുകയാണ്. ഷറഫുദ്ദീന്‍ തന്നെയാണ് തന്റെ ഇന്‍സ്റ്റാഗ്രാം പേജിലൂടെ ഈ രസകരമായ വീഡിയോ പങ്കുവെച്ചത്.
വീഡിയോയില്‍, രണ്ട് കടുവകളോടാണ് താരം സംസാരിക്കുന്നത്. 'ടാ ചെറുക്കാ, ഇനി മേലാല്‍ ചാടിപ്പോവരുത്. എനിക്ക് എപ്പോഴും പിടിച്ചുകൊടുക്കാനാവില്ല,' എന്ന് ഒരു കടുവയുടെ നേര്‍ക്ക് തിരിഞ്ഞ് ഷറഫുദ്ദീന്‍ പറയുന്നത് കേള്‍ക്കാം. മറ്റ് കടുവയോടും ഇതേ രീതിയിലുള്ള താക്കീതുകള്‍ക്ക് ശേഷം അവയെ തലോടി 'നന്നായിട്ടിരിക്ക്' എന്ന് പറഞ്ഞുകൊണ്ടാണ് താരം കൂട്ടില്‍ നിന്ന് പുറത്തിറങ്ങുന്നത്. കടുവകളെ സുരക്ഷിതമായി ബന്ധിച്ചിട്ടുണ്ടെന്ന് ഉറപ്പുവരുത്തിയ ശേഷമാണ് താരം ഈ പ്രകടനം നടത്തിയതെന്ന് വ്യക്തമാണ്. വിഡിയോക്ക് താഴെ നിരവധി ആരാധകരാണ് രസകരമായ കമന്റുകളുമായി രംഗത്തെത്തിയിരിക്കുന്നത്.
'അതൊന്ന് ഗര്‍ജിച്ചാല്‍ ഇപ്പോള്‍ കാണാം ഓട്ടം' എന്ന തരത്തിലുള്ള പ്രതികരണങ്ങള്‍ വീഡിയോയുടെ തമാശ സ്വഭാവത്തെ അടിവരയിടുന്നു. 'പ്രേമം' സിനിമയിലെ ഷറഫുദ്ദീന്റെ പ്രശസ്തമായ സംഭാഷണങ്ങളും ചില ആരാധകര്‍ വീഡിയോക്ക് കമന്റായി കുറിച്ചിട്ടുണ്ട്. 'എടാ ഗിരിരാജന്‍ കോഴി നീയാണോ' എന്നായിരുന്നു ഒരാളുടെ കമന്റ്.
അതേസമയം, ഷറഫുദ്ദീനും അനുപമ പരമേശ്വരനും പ്രധാന വേഷങ്ങളില്‍ എത്തുന്ന 'പെറ്റ് ഡിറ്റക്ടീവ്' എന്ന ചിത്രം പ്രേക്ഷക പ്രശംസ നേടി പ്രദര്‍ശനം തുടരുകയാണ്. അഡ്വഞ്ചര്‍, ഫണ്‍, ഫാമിലി കോമഡി ഗണത്തില്‍ പെടുന്ന ചിത്രം ഷറഫുദ്ദീന്‍ പ്രൊഡക്ഷന്‍സിന്റെയും ശ്രീ ഗോകുലം മൂവീസിന്റെയും ബാനറില്‍ നിര്‍മ്മിച്ചിരിക്കുന്നു. പ്രനീഷ് വിജയനാണ് ചിത്രത്തിന്റെ സംവിധായകന്‍.
Premium Lifestyle and Entertainment website
ആത്മവിശ്വാസമില്ലായ്മ തുടക്കത്തില്‍ നന്നായി ബാധിച്ചിരുന്നു; പേളിയുടെ കൂടെ നില്‍ക്കുമ്പോള്‍ ടെന്‍ഷനുണ്ടായിരുന്നു; ആദ്യ ഷെഡ്യൂളില്‍ നിര്‍ത്തേണ്ടി വരുമെന്ന് ഉറപ്പിച്ചിരുന്നെങ്കിലും പേളി എഫേര്‍ട്ട് ഇട്ടു; പ്രിയപ്പെട്ട കോ ഹോസ്റ്റ് മീനാക്ഷി; പ്രിയ താരം ഡെയിന്‍ ഡേവിസ് പങ്ക് വച്ചത്
വിസ്മയ തുടക്കത്തിന് താര കുടുംബം ഒരുമിച്ച് കൊച്ചിയില്‍; സഹോദരിയുടെ സിനിമയ്ക്ക് ആദ്യ ക്ലാപ്പടിച് പ്രണവ്; സംഭവിക്കുന്നതെല്ലാം വിസ്മയമെന്നും ആന്റണിയുടെ ആഗ്രഹമാണ് അപ്പുവും മായയും സിനിമയില്‍ വരണമെന്നും മോഹന്‍ലാല്‍; അഭിമാന നിമിഷമെന്ന് സുചിത്ര; ജൂഡ് ആന്റണി ചിത്രത്തിന് തുടക്കമാകുമ്പോള്‍