വിവിധ അന്താരാഷ്ട്ര ചലച്ചിത്ര മേളകളില് പ്രദര്ശിപ്പിക്കുകയും ഏറെ ശ്രദ്ധിക്കപ്പെടുകയും ചെയ്ത സൂപ്പര് നാച്ചുറല് ത്രില്ലര് 'വടക്കന്' എന്ന സിനിമയുടെ ദുരൂഹതകള് ഒളിപ്പിച്ച ഫസ്റ്റ് ലുക്ക് പോസ്റ്റര് പുറത്ത്. ചിത്രത്തില് പ്രധാന കഥാപാത്രമായി എത്തുന്ന കിഷോറിന്റെ രണ്ട് ഗെറ്റപ്പുകളാണ് പോസ്റ്ററിലുള്ളത്. തലമുണ്ഡനം ചെയ്തുള്ളൊരു രൂപവും പ്രതീകാത്മകമായ മറ്റൊരു രൂപവുമാണ് പോസ്റ്ററില് ഉള്ക്കൊള്ളിച്ചിരിക്കുന്നത്.
പാരാനോര്മല് ഇന്വെസ്റ്റിഗേറ്ററായാണ് ചിത്രത്തില് അദ്ദേഹം എത്തുന്നത്. ഒട്ടേറെ രഹസ്യങ്ങളും നിഗൂഢതകളും ഒളിഞ്ഞിരിക്കുന്ന പോസ്റ്റര് ഒരേ സമയം പ്രേക്ഷകരില് കൗതുകവും ആകാംക്ഷയും ജനിപ്പിക്കുന്നതാണ്. സജീദ് എ. കഥയെഴുതി സംവിധാനം ചെയ്ത് കിഷോറും ശ്രുതി മേനോനും പ്രധാന വേഷങ്ങളിലെത്തിയിരിക്കുന്ന 'വടക്കന്' ഓഫ് ബീറ്റ് സ്റ്റുഡിയോസാണ് നിര്മ്മിച്ചിരിക്കുന്നത്. മാര്ച്ച് ഏഴിനാണ് സിനിമയുടെ റിലീസ്.
മലയാള സിനിമയില് ആദ്യമായി ഓഡിയോ ട്രെയിലര് 'വടക്കന്' സിനിമയുടേതായി അടുത്തിടെ ലോഞ്ച് ചെയ്തിരുന്നു. മലയാള സിനിമാലോകത്ത് തന്നെ വേറിട്ടൊരു പരീക്ഷണം ആയിരിക്കും ചിത്രമെന്നാണ് സൂചന. ഇറ്റലിയിലെ അഭിമാനകരമായ 78-ാമത് ഫെസ്റ്റിവല് ഇന്റര്നാഷണല് ഡെല് സിനിമ ഡി സലേര്നോ 2024 (78-ാമത് സലേര്നോ ഇന്റര്നാഷണല് ഫിലിം ഫെസ്റ്റിവല്) യില് ഒഫീഷ്യല് കോംപറ്റീഷനില് പ്രീമിയര് ചെയ്ത ചിത്രത്തിന്റെ എക്സ്ക്ലൂസീവ് പ്രീമിയര്, ഇന്വൈറ്റ് ഒണ്ലി മാര്ക്കറ്റ് പ്രീമിയര് ലോക പ്രശസ്ത കാന് ഫിലിം ഫെസ്റ്റിവലില് മാര്ഷെ ദു ഫിലിം 2024-ല് ഹൊറര്, ഫാന്റസി സിനിമകള്ക്കായുള്ള പ്രത്യേക വിഭാഗമായ ഫന്റാസ്റ്റിക് പവലിയനില് ഈ വര്ഷം ആദ്യം നടന്നിരുന്നു. സെലിബ്രിറ്റികളും ഹൊറര് സിനിമ പ്രേമികളും ബോളിവുഡ്, ഹോളിവുഡ് താരങ്ങളും പങ്കെടുത്ത ഗാല സ്ക്രീനിങ്ങില് 7 സിനിമകളില് ഒന്നായാണ് വടക്കന് തെരഞ്ഞെടുക്കപ്പെട്ടത്.
റസൂല് പൂക്കുട്ടി, കീക്കോ നകഹര, ബിജിബാല്, ഉണ്ണി ആര്. എന്നീ പ്രശസ്തര് അണിയറയില് ഒരുമിക്കുന്ന 'വടക്കന്' ഈ വിഭാഗത്തില് ഇടംനേടിയ ഏക മലയാളചിത്രവുമാണ്. അതുപോലെ അമേരിക്കയിലെ പ്രശസ്തമായ ഫ്രൈറ്റ് നൈറ്റ് ഫിലിം ഫെസ്റ്റിവലില് മികച്ച സൂപ്പര് നാച്വറല് ത്രില്ലര് ചിത്രമായി 'വടക്കന്' ചരിത്രം രചിച്ചിരുന്നു. ഫ്രാന്സിലെ റിംസ് അന്താരാഷ്ട്ര ചലച്ചിത്രോത്സവത്തില് ബെസ്റ്റ് ഫീച്ചര് ഫിലിം വിന്നറായിരുന്നു 'വടക്കന്'
ദ്രാവിഡ പുരാണങ്ങളും പഴങ്കഥകളും അടിസ്ഥാനമാക്കിക്കൊണ്ട് അത്യാധുനിക ഡിജിറ്റല് സാങ്കേതികവിദ്യയും ഗ്രാഫിക്സും ശബ്ദ, ദൃശ്യ വിന്യാസങ്ങളുമെല്ലാമായിട്ടാണ് 'വടക്കന്' ഒരുക്കിയിരിക്കുന്നത്. കേരളീയ പശ്ചാത്തലത്തിലാണെങ്കിലും ഹോളിവുഡിനെ വെല്ലുന്ന സാങ്കേതിക തികവാണ് നിര്മാതാക്കളായ ഓഫ്ബീറ്റ് സ്റ്റുഡിയോസ് ഉദ്ദേശിക്കുന്നത്. മലയാളികള്ക്കും കേരളത്തിന് പുറത്തുള്ളവര്ക്കും വിദേശികള്ക്കും ഒരുപോലെ ആസ്വദിക്കാന് കഴിയുന്ന ചിത്രമായിരിക്കും 'വടക്കന്' എന്നാണ് നിര്മ്മാതാക്കളായ ഓഫ്ബീറ്റ് സ്റ്റുഡിയോയിലെ ജയ്ദീപ് സിംഗ്, ഭവ്യ നിധി ശര്മ്മ എന്നിവരുടെ ആത്മവിശ്വാസം.
യുഎസ് പ്രീമിയര് ലീഗ് ക്രിക്കറ്റിന് ആരംഭം കുറിച്ച ഓഫ്ബീറ്റ് മീഡിയ ഗ്രൂപ്പ് ഇന്ത്യയില് നിന്നുള്ള ഏറെ വ്യത്യസ്തമായ കഥകള് പ്രദര്ശിപ്പിക്കുന്നതിനുള്ള പ്ലാറ്റ്ഫോമായ 101India.com-ന് പിന്നിലെ സര്ഗ്ഗാത്മക ശക്തിയാണ്. അവരുടെ ബാനറായ ഓഫ് ബീറ്റ് സ്റ്റുഡിയോസിന് കീഴില് മലയാള സിനിമാലോകത്ത് അത്യന്തം വേറിട്ടുനില്ക്കുന്ന സിനിമകളൊരുക്കാനൊരുങ്ങുകയാണ്. നേരത്തെ, കൊച്ചിയില് നടന്ന എന്എഫ്ടി എക്സിബിഷന് 'മിഥ്സ് ആന്ഡ് മീമ്സ്' പപ്പായ കഫേയുമായി സഹകരിച്ച് ഓഫ്ബീറ്റ് മീഡിയയുടെ 101India.com ക്യൂറേറ്റ് ചെയ്തിരുന്നു. മലയാളി സിനിമാ പ്രേക്ഷകര്ക്കായി ഓഫ് ബീറ്റ് സ്റ്റുഡിയോസ് സമാനതകളില്ലാത്ത കഥകളൊരുക്കുന്ന യൂണിവേഴ്സില് ആദ്യത്തേതായാണ് 'വടക്കന്' എത്തുന്നത്. പുരാതന വടക്കേ മലബാറിലെ നാടോടിക്കഥകളുടെ കഥാതന്തുവില് ഒരുങ്ങുന്ന ഒരു സൂപ്പര്നാച്ചുറല് ത്രില്ലറാണ് 'വടക്കന്'. മലയാളം കൂടാതെ കന്നഡയിലേക്ക് മൊഴിമാറ്റിയും റിലീസിനായി ഒരുങ്ങുന്നുണ്ട്.
ഓസ്കര് ജേതാവ് റസൂല് പൂക്കുട്ടിയാണ് സൗണ്ട് ഡിസൈന് നിര്വഹിക്കുന്നത്. ജാപ്പനീസ് ഛായാഗ്രഹക കെയ്കോ നകഹാര ഛായാഗ്രഹണം ഒരുക്കുന്നു. ഉണ്ണി ആറിന്റേതാണ് തിരക്കഥയും സംഭാഷണങ്ങളും. ബിജിപാല് സംഗീതം നല്കുന്നു. ആഗോളതലത്തില് ശ്രദ്ധേയയായ പാക് ഗായിക സെബ് ബംഗാഷ് ബിജിബാലിനും ബോളിവുഡിലെ പ്രശസ്ത ഗാനരചയിതാവായ ഷെല്ലെയ്ക്കുമൊപ്പം ഒരുക്കിയ ഒരു പ്രണയ ഗാനം 'വടക്കനി'ല് ആലപിച്ചിട്ടുണ്ട്. ഇന്ത്യയിലും വിദേശത്തുമുള്ള ഏറ്റവും മികച്ച സിജിഐ ടീമാണ് ചിത്രത്തിന്റെ വിഎഫ്എക്സ് ഒരുക്കുന്നത്.
കിഷോറിനേയും ശ്രുതിയേയും കൂടാതെ മെറിന് ഫിലിപ്പ്, മാലാ പാര്വ്വതി, രവി വെങ്കട്ടരാമന്, ഗാര്ഗി ആനന്ദന്, ഗ്രീഷ്മ അലക്സ്, കലേഷ് രാമാനന്ദ്, കൃഷ്ണ ശങ്കര്, ആര്യന് കതൂരിയ, മീനാക്ഷി ഉണ്ണികൃഷ്ണന്, സിറാജ് നാസര്, രേവതി തുടങ്ങി നിരവധി താരങ്ങള് ചിത്രത്തില് ഒരുമിക്കുന്നുണ്ട്. എഡിറ്റര് സൂരജ് ഇ.എസ്, കളറിസ്റ്റ് ആന്ഡ്രിയാസ് ബ്രുക്കേല്, പ്രൊഡക്ഷന് ഡിസൈനര് എം ബാവ, പ്രൊഡക്ഷന് കണ്ട്രോളര് സിന്ജോ എബ്രഹാം, ഡിജിറ്റല് മാര്ക്കറ്റിംഗ്: ഒബ്സ്ക്യൂറ എന്റര്ടെയ്ന്മെന്റ്സ്, മാര്ക്കറ്റിങ് ആന്ഡ് പ്രൊമോഷന്സ് കണ്സള്ട്ടന്റ് : ശിവകുമാര് രാഘവ്, പിആര്ഒ: ആതിര ദില്ജിത്ത്.
Premium Lifestyle and Entertainment website
രണ്ട് വര്ഷമായി വിവാഹമോചിതനാണ്; വിവാഹ മോചനത്തിന് ശേഷം മാതാപിതാക്കള്ക്കൊപ്പമാണ് താമസം; മാതാപിതാക്കളില്ലാതെ ജീവിക്കാനാകില്ല; അവര്ക്കൊപ്പമുള്ള ജീവിതം എന്ജോയ് ചെയ്യുകയാണ്; തുറന്നുപറഞ്ഞ് ശ്രീനാഥ് ഭാസി 
300 കോടി ക്ലബ്ബിലെത്തിയ 'ലോക'യുടെ നിര്മാണച്ചെലവ് എത്ര? യഥാര്ഥ ബജറ്റ് വെളിപ്പെടുത്തി ദുല്ഖര്; അഭിമുഖത്തിനിടെ ബജറ്റ് സ്ഥിരീകരിച്ച് ഡിക്യു