ഫ്രെഡേ ഫിലിം ഹൗസ് പ്രൊഡക്ഷനിലെത്തിയ ചിത്രമായിരുന്നു മനു സ്വരാജ് സംവിധാനം ചെയ്ത പടക്കളം. ഒരു ഫാന്റസി കോമഡി ചിത്രമായി ഒരുങ്ങിയ പടക്കളത്തിന് മികച്ച പ്രതികരണമായിരുന്നു തിയേറ്ററിലും ഒടിടിയിലും ലഭിച്ചത്. സുരാജ് വെഞ്ഞാറമൂട്, ഷറഫുദ്ദീന്‍, സന്ദീപ് പ്രദീപ് എന്നിവരാണ് ചിത്രത്തില്‍ കേന്ദ്ര കഥാപാത്രങ്ങളെ അവതരിപ്പിച്ചത്.
സിനിമയില്‍ ലിജോ എന്ന കഥാപാത്രത്തെ അവതരിപ്പിച്ച ഇഷാന്‍ ശൗക്കത്ത് എന്ന യുവനടന് ഒരുപാട് ട്രോളുകള്‍ ലഭിച്ചിരുന്നു. ചിത്രത്തിലെ ക്ലൈമാക്സ് പോര്‍ഷനില്‍ ഇഷാന്‍ ക്ലാസിക്കല്‍ ഡാന്‍സ് ചെയ്യുന്നുണ്ട്. ഇതിനെതിരെയാണ് ട്രോളുകള്‍ ലഭിച്ചത്.
എന്നാല്‍ ഈ യുവനടന് ഒരു ക്ലാസിക്കല്‍ ഡാന്‍സറല്ലെന്നും എന്നാല്‍ കഥാപാത്രത്തിന്റെ പൂര്‍ണതക്ക് വേണ്ടി അദ്ദേഹം രണ്ട് ദിവസം പരിശീലിക്കുകയായിരുന്നുവെന്നും പ്രഡ്യൂസറും നടനുമായ വിജയ് ബാബു പറഞ്ഞു. 'അണ്‍പോപ്പുലര്‍ ഒപീനിയന്‍സ് മലയാളം' എന്ന ഗ്രൂപ്പിലാണ് അദ്ദേഹം പോസ്റ്റ് എഴുതിയത്. പടക്കളത്തെ സ്വകരിച്ച എല്ലാവര്‍ക്കും അദ്ദേഹം നന്ദിയും പറഞ്ഞു.
ഈ പേജ് ഞാന്‍ ഫോളോ ചെയ്യുന്നുണ്ട്. പടക്കളത്തെ കുറിച്ചുള്ള ഒരുപാട് കമന്റുകള്‍ ഞാന്‍ കണ്ട. സിനിമയെ സ്വീകരിച്ച എല്ലാവര്‍ക്കും നന്ദി. പോസീറ്റിവിനെയും നെഗറ്റീവിനെയും അതുപോലെയെടുക്കുന്നു. എന്നാല്‍ ചില കഥാപാത്രങ്ങളെ കാസ്റ്റ് ചെയ്തത് മോശമാണെന്നും അവരെ കളിയാക്കുന്നതിലും എനിക്ക് എതിര്‍പ്പുണ്ട്. അവരെ കാസ്റ്റ് ചെയ്യുന്നതിലെ പിന്നിലെ ചിന്തകള്‍ മനസിലാക്കാതെയാണ് ഇത്.
ഇഷാന്‍ ഷൗക്കത്തിനെ ടാര്‍ഗറ്റ് ചെയ്യുന്ന കുറച്ച് പോസ്റ്റുകള്‍ കാണിനിടയായി. ഒരുപാട് കഴിവുകളുള്ള ഒരു ചെറുപ്പക്കാരനാണ് അവന്‍, ആ കഥാപാത്രത്തിലേക്ക് അവനെ തിരഞ്ഞെടുത്തത് പല കാരണങ്ങളാലാണ്. അവന്‍ പരിശീലനം ലഭിച്ച ഒരു ഡാന്‍സറാണ്, പക്ഷേ ക്ലാസിക്കല്‍ നര്‍ത്തകനല്ല. ക്ലൈമാക്സ് രംഗങ്ങള്‍ ചിത്രീകരിച്ചതിനുശേഷം സംഗീതത്തിനനുസരിച്ച് അവസാന നിമിഷം ചില മാറ്റങ്ങള്‍ ഉണ്ടായിരുന്നു, രണ്ട് ദിവസത്തിനുള്ളില്‍ ക്ലാസിക്കല്‍ സ്റ്റെപ്പുകള്‍ പരിശീലിക്കാന്‍ ഇഷാന്‍ സമ്മതിച്ചു.
അത് അവനെ ബാധിക്കുമെന്ന് കരുതി വേണമെങ്കില്‍ എളുപ്പത്തില്‍ എതിര്‍ക്കാന്‍ കഴിയും. എന്നാല്‍ അതൊരു കോളേജ് പരിപാടിയാണെന്നും പെര്‍ഫെക്ട് ആകണമെന്നില്ല എന്നും ഞങ്ങള്‍ക്ക് തോന്നി. നല്ല വിമര്‍ശനങ്ങളെയെല്ലാം തന്നെ സ്വീകരിക്കുന്നു, അഭിനന്ദിക്കുന്നു എന്നാല്‍ യുവ നടന്‍മാരെ ടാര്‍ഗറ്റ് ചെയ്യരുതെന്ന് അഭ്യര്‍ത്ഥിക്കുന്നു. കാരണം അത് അവരുടെ മനോവീര്യത്തെ ബാധിക്കും. എല്ലാവര്‍ക്കും നന്ദി,' വിജയ് ബാബു കുറിച്ചു.
കഴിഞ്ഞ ദിവസമാണ് പടക്കളം ഒടിടിയില്‍ റിലീസ് ചെയ്തത്. തിയേറ്ററില്‍ മികച്ച അഭിപ്രായം നേടിയ ചിത്രത്തിന് ഒടിടിയിലും നല്ല പിന്തുണയാണ് ലഭിക്കുന്നത്.
Premium Lifestyle and Entertainment website
മുപ്പതിലും മുഖം തിളങ്ങാന്‍
മഴക്കാല രോഗങ്ങള്‍; ശ്രദ്ധിക്കേണ്ട കാര്യങ്ങള്‍
ആ അഞ്ച് മിനിറ്റുകള്‍ മണിക്കൂറുകളായി നിങ്ങളെ ചിരിപ്പിച്ച പ്രാങ്ക് കാളുകള്‍ ആയി; അവസാനം ഒരു നാക്ക് പിഴയില്‍ നിങ്ങള്‍ ഞങ്ങളെ ഒന്നിനും കൊള്ളാത്തവരാക്കി വലിച്ചെറിഞ്ഞു;അമ്മൂന് വേണ്ടി ചിലപ്പോ ഞാന്‍ കരഞ്ഞു മെഴുകും;ഒപ്പമുണ്ടായിരുന്ന നിരഞ്ജനയെ കുറിച്ച് കുറിപ്പുമായി ആര്‍ജെ അഞ്ജലി