തിരുവനന്തപുരം: പഠിക്കാന്‍ മിടുക്കരായ കുട്ടികള്‍ക്ക് ഇനി തുടര്‍പഠനത്തിന് പണം ഒരു പ്രശ്‌നമാകില്ല. സാമ്പത്തികമായി പിന്നോക്കം നില്‍ക്കുന്ന വിദ്യാര്‍ത്ഥികള്‍ക്ക് ഉപരിപഠനത്തിന് അവസരം ഒരുക്കുവാന്‍ മമ്മൂട്ടിയുടെ കെയര്‍ ആന്റ് ഷെയര്‍ ഇന്റര്‍നാഷണല്‍ ആവിഷ്‌കരിച്ച വിദ്യാമൃതം-5 സൗജന്യ വിദ്യാഭ്യാസ പദ്ധതിക്ക് തിരുവനന്തപുരത്ത് തുടക്കമായി. മമ്മൂട്ടിതന്നെയാണ് തന്റെ സോഷ്യല്‍ മീഡിയ അക്കൗണ്ടുളിലൂടെ വിദ്യാമൃതം 5 പദ്ധതിയുടെ ഉദ്ഘാടനവിവരം ആദ്യം പങ്ക് വച്ചത്
രാജ്ഭവനില്‍ നടന്ന ചടങ്ങില്‍ ഗവര്‍ണര്‍ രാജേന്ദ്ര വിശ്വനാഥ് അര്‍ലേക്കര്‍ പദ്ധതി ഉദ്ഘാടനം ചെയ്തു. എം.ജി.എം ഗ്രൂപ്പ് ചെയര്‍മാനും കെയര്‍ ആന്‍ഡ് ഷെയര്‍ ഇന്റര്‍നാഷണല്‍ ഫൗണ്ടേഷന്‍ ചെയര്‍മാനുമായ ഡോ. ഗീവര്‍ഗീസ് യോഹന്നാന്‍ ലോഗോ ഏറ്റുവാങ്ങി. എസ്.എസ്.എല്‍.സിക്കും പ്ലസ് ടുവിനും ഉന്നത വിജയം നേടിയ നിര്‍ധന വിദ്യാര്‍ത്ഥികള്‍ക്ക്, കേരളത്തില്‍ 27 വിദ്യാഭ്യാസ സ്ഥാപനങ്ങളുള്ള എം.ജി.എം. ഗ്രൂപ്പുമായി ചേര്‍ന്ന് തുടര്‍പഠനത്തിന് അവസരം ഒരുക്കുകയാണ് മമ്മൂട്ടി നേതൃത്വം നല്‍കുന്ന കെയര്‍ & ഷെയര്‍ ഇന്റര്‍നാഷണല്‍ ഫൗണ്ടേഷന്‍.
എസ്.എസ്.എല്‍.സിക്കും പ്ലസ് ടുവിനും ഉയര്‍ന്ന മാര്‍ക്ക് നേടിയിട്ടും സാമ്പത്തികമായി പിന്നോക്കാവസ്ഥ അനുഭവിക്കുന്നവര്‍, മാതാവോ പിതാവോ നഷ്ടപ്പെട്ടുപോയവര്‍, ക്യാന്‍സര്‍ മുതലായ രോഗങ്ങളാല്‍ ബുദ്ധിമുട്ട് അനുഭവിക്കുന്ന കുടുംബത്തിലെ വിദ്യാര്‍ത്ഥികള്‍ തുടങ്ങി പരിമിതമായ ജീവിത സാഹചര്യങ്ങള്‍ മൂലം മികച്ച പ്രൊഫഷണല്‍ വിദ്യാഭ്യാസ സ്ഥാപനങ്ങളില്‍ പഠിക്കാന്‍ സാധിക്കാത്തവര്‍ക്കാണ് വിദ്യാമൃതം-5 തുണയാകുന്നത്. അവര്‍ക്ക് ഒരു കൈത്താങ്ങായി ഉന്നതവിദ്യാഭ്യാസത്തിന് അവസരം നല്‍കി സാമൂഹിക പ്രതിബദ്ധതയുള്ള യുവതലമുറയെ വാര്‍ത്തെടുക്കുക എന്നതാണ് പദ്ധതിയുടെ ലക്ഷ്യം.
എം.ജി.എം. ഗ്രൂപ്പ് ഓഫ് ഇന്‍സ്റ്റിറ്റിയൂഷന്‍സിന്റെ തിരുവനന്തപുരം, എറണാകുളം, മലപ്പുറം, കണ്ണൂര്‍ എന്നീ ജില്ലകളില്‍ പ്രവര്‍ത്തിക്കുന്ന വിവിധ എന്‍ജിനീയറിങ്, പോളിടെക്നിക്, ഫാര്‍മസി, കോളേജുകളിലെ കോഴ്‌സുകളിലേക്കും ആര്‍ട്സ് ആന്റ് സയന്‍സ് കോളേജുകളിലു വിവിധകോഴ്സുകളിലേക്കുമാണ് പ്രവേശനത്തിന് അവസരം. കഴിഞ്ഞ മൂന്നു വര്‍ഷമായി 500 ഓളം വിദ്യാര്‍ത്ഥികള്‍ക്ക് പദ്ധതിയിലൂടെ തുടര്‍പഠനത്തിന് അവസരമൊരുങ്ങിയാതായി കെയര്‍ ആന്‍ഡ് ഷെയര്‍ ഇന്റര്‍നാഷണല്‍ ചെയര്‍മാന്‍ കെ മുരളീധരന്‍ എസ് എഫ് സി പറഞ്ഞു
എസ്.എസ്.എല്‍.സിയുടെയും പ്ലസ്ടു വിന്റെയും മാര്‍ക്കിന്റെ അടിസ്ഥാനത്തില്‍ തിരഞ്ഞെടുക്കപ്പെടുന്ന 250 വിദ്യാര്‍ത്ഥികള്‍ക്കാണ് ഈ വര്‍ഷം പദ്ധതിയിലൂടെ പ്രവേശനം ലഭിക്കുക. കൂടാതെ 200 വിദ്യാര്‍ത്ഥികള്‍ക്ക് എം.ജി.എം. ഗ്രൂപ്പിന്റെ വിവിധ സി.ബി.എസ്.ഇ. സ്‌കൂളുകളിലും ഈ പദ്ധതിയിലൂടെ പഠനത്തിന് അവസരമൊരുക്കും. ചടങ്ങില്‍ എം.ജി.എം. ഗ്രൂപ്പ് ഓഫ് കോളേജസ് എക്സിക്യൂട്ടീവ് ഡയറക്ടര്‍ എച്ച് അഹിനസ്, എം.ജി.എം. ഗ്രൂപ്പ് ചീഫ് എക്സിക്യൂട്ടീവ് സെക്രട്ടറി ഗോപിനാഥ് മഠത്തില്‍, നിധിന്‍ ചിറത്തിലാട്ട് എന്നിവര്‍ പങ്കെടുത്തു. പദ്ധതിയില്‍ പങ്കാളികള്‍ ആവനും കൂടുതല്‍ വിവരങ്ങള്‍ക്കുമായി 994648 5111, 994648 4111 നമ്പറുകളില്‍വിളിക്കുക
Premium Lifestyle and Entertainment website
'തുടരും' ഞാൻ കണ്ടു അത് എന്റെ സിനിമയിൽ നിന്ന് മോഷ്ടിച്ചത്; കുറെ വർഷങ്ങൾക്ക് മുമ്പ് മഞ്ജു വാര്യരും ടൊവിനോയും തിരക്കഥ വായിച്ചിരുന്നു; ചിലപ്പോൾ അവർ മറന്നുപോയതായിരിക്കാം..!; ഗുരുതര ആരോപണവുമായി സംവിധായകൻ സനൽ കുമാർ; പുതിയ വിവാദത്തിന് തിരികൊളുത്തിയെന്ന് ആരാധകർ
പുതിയ വീടിന്റെ പണി പൂര്‍ത്തയായി; പാലുകാച്ച് നിശ്ചയിച്ചിരുന്നത് ഈ മാസം 28ന്; പക്ഷേ വിധിച്ചത്; അച്ഛനുറങ്ങുന്ന മണ്ണില്‍ രഞ്ജിതയ്ക്കും അന്ത്യനിദ്ര; കണ്ണീരണിഞ്ഞ് നാട്ടുകാരും കുടുംബവും
എലിസബത്ത്; നീ സുരക്ഷിതയായിരിക്കൂ; വിമാന ദുരന്തത്തിനു പിന്നാലെ മുന്‍ ഭാര്യക്ക് മെസേജ് അയച്ച് ബാല; പിണക്കം മറന്ന് മുന്‍ ഭാര്യക്ക് സന്ദേശം