കുഞ്ഞിന് പെട്ടെന്ന് പനിയും ഛര്‍ദ്ദിയും തളര്‍ച്ചയും; തോളത്ത് കിടന്ന് ഉറങ്ങിയ കുട്ടി മരിച്ചതറിയാതെ മാതാപിതാക്കള്‍ ആശുപത്രിയിലേക്ക്; മരിച്ചത് അറിയുന്നത് പരിശോധനയ്ക്കായി മേശയില്‍ കിടത്തുമ്പോള്‍; കുഞ്ഞ് സനോമിയ മടങ്ങി.. അമ്മയറിയാതെ

കുട്ടികള്‍ക്ക് എന്തെങ്കിലും സംഭവിച്ചാല്‍ അതിന്റെ ആഘാതം ഏറ്റവും ആഴത്തില്‍ അനുഭവിക്കുന്നത് മാതാപിതാക്കളാണ്. കുഞ്ഞ് വേദനിക്കുമ്പോള്‍ അതിന്റെ ഓരോ നിമിഷവും അവരുടെ ഹൃദയം ദുഃഖിച്ചുകൊണ്ടേ ഇരിക്കും. കുഞ്ഞിന്റെ ഒരു ചെറു രോഗം പോലും അമ്മയെയും അച്ഛനെയും ഉറക്കം കെടുത്തും; അപ്പോള്‍ വലിയ അപകടമോ നഷ്ടമോ സംഭവിച്ചാല്‍ ആ വേദന എത്രത്തോളം ആയിരിക്കും എന്ന് നമ്മള്‍ക്ക് ആലോചിക്കാവുന്നതല്ലേ ഒള്ളു. കുട്ടികള്‍ മാതാപിതാക്കളുടെ ലോകത്തിന്റെ കേന്ദ്രമാണ് അവരുടെ ചിരിയിലാണ് ജീവിതത്തിന്റെ അര്‍ത്ഥം, അവരുടെ കണ്ണുനീരില്‍ ലോകം തന്നെ ഇരുണ്ടുപോകും. അസുഖം ബാധിച്ച് ചികിത്സക്കായി ആശുപത്രിയിലേക്ക് പോകും വഴി അമ്മയുടെ തോളില്‍ കിടന്നാണ് ആ മൂന്ന് വയസ്സുകാരി മരിക്കുന്നത്. 

പരിശോധനാമേശയില്‍ കിടത്തിയപ്പോള്‍ കുഞ്ഞ് സനോമിയയില്‍ ഒരു ചലനവുമുണ്ടായിരുന്നില്ല. രാവിലെമുതല്‍ കുഞ്ഞ് അല്പം തളര്‍ന്ന നിലയിലായിരുന്നതിനാല്‍ അമ്മ സൗമ്യ അതിനെ വലിയ പ്രശ്നമായി കരുതിയിരുന്നില്ല. കുഞ്ഞ് ഉറങ്ങുകയാണ് എന്നായിരുന്നു അമ്മയുടെ ധാരണ. പക്ഷേ ആശുപത്രിയിലെത്തി ഡോക്ടര്‍ മുജീബ് റഹ്‌മാന്‍ കുഞ്ഞിനെ പരിശോധിച്ചപ്പോള്‍ അവര്‍ ഞെട്ടിപ്പോയി. ഹൃദയമിടിപ്പ് ഇല്ല, ശ്വാസം ഇല്ല. ആ കുഞ്ഞ് മരിച്ചിരുന്നു. ഇത് ഡോക്ടര്‍ പറയുമ്പോള്‍ സൗമ്യയ്ക്ക് ആ വാക്കുകള്‍ കേള്‍ക്കാനായില്ല. അവള്‍ക്ക് എല്ലാം നഷ്ടമാകുന്നത്‌പോലെ തോന്നി. ഡോക്ടര്‍ ഇക്കാര്യം പറയുമ്പോള്‍ സൗമ്യ ആ ആശുപത്രി മുറിയില്‍ നിലവിളിച്ചുകൊണ്ട് തളര്‍ന്നുവീണു. കുഞ്ഞിനെ ഒരിക്കല്‍ കൂടി വിളിച്ച് ഉണര്‍ത്താന്‍ ശ്രമിച്ചു. പക്ഷേ എല്ലാം അപ്പോഴേക്കും വൈകിയിരുന്നു. ആശുപത്രി മുറിയിലെ നിശ്ശബ്ദത ആ കുടുംബത്തിന്റെ ദുരന്തത്തിന്റെ ഭാരം കൂട്ടുകയായിരുന്നു.

നിലമ്പൂരിനടുത്തുള്ള ചാലിയാര്‍ പഞ്ചായത്തിലെ പാലക്കയത്ത് എന്ന ചെറിയ ആദിവാസി നഗരത്തിലാണ് അജിത്തിന്റെയും സൗമ്യയുടെയും വീട്. ആ ദമ്പതിമാരുടെ മകളായിരുന്നു മൂന്ന് വയസ്സുകാരി സനോമിയ. എപ്പോഴും ചിരിച്ചും കളിച്ചും ഇരിക്കാറുള്ള സനോമിയയ്ക്ക് വ്യാഴാഴ്ച രാവിലെ പെട്ടെന്ന് ശരീരാസ്വാസ്ഥ്യം അനുഭവപ്പെട്ടത്. കുഞ്ഞ് തളര്‍ന്നുകിടക്കുന്നത് കണ്ട മാതാപിതാക്കള്‍ ഭയന്ന് അവളെ ഉടന്‍ നിലമ്പൂര്‍ ജില്ലാ ആശുപത്രിയിലേക്ക് കൊണ്ടുപോയി. ആശുപത്രിയിലെത്തിയപ്പോള്‍ പരിശോധനയ്ക്ക് ഏറെ തിരക്കുണ്ടായതിനാല്‍ കുറച്ച് നേരം കാത്തിരിക്കേണ്ടി വന്നു. അമ്മ സൗമ്യ കുഞ്ഞിനെ കയ്യില്‍ ചേര്‍ത്തുനിര്‍ത്തി, ഭയത്തോടെയും പ്രതീക്ഷയോടെയും ഡോക്ടറെ കാത്തുനിന്നു. ഒടുവില്‍ കുഞ്ഞിനെ പരിശോധനാമേശയില്‍ കിടത്തിയപ്പോഴാണ് കുഞ്ഞ് ജീവനോടെ ഇല്ല എന്ന കാര്യം അറിയുന്നത്. 

പനിയും ഛര്‍ദ്ദിയും കൂടിയ തളര്‍ച്ചയും അനുഭവപ്പെട്ടതോടെ മൂന്ന് വയസ്സുകാരി സനോമിയയെ ആശുപത്രിയിലേക്ക് കൊണ്ടുപോകാനാണ് അമ്മ സൗമ്യയും അച്ഛന്‍ അജിത്തും വ്യാഴാഴ്ച രാവിലെ എട്ടുമണിയോടെ തീരുമാനിച്ചത്. കുഞ്ഞിന് തലേദിവസംതന്നെ ശരീരാസ്വാസ്ഥ്യം തുടങ്ങിയത് കൊണ്ടു മാതാപിതാക്കള്‍ അല്പം ആശങ്കയിലായിരുന്നുവെങ്കിലും, അത്ര ഗുരുതരമാണെന്ന് കരുതിയില്ല. രാത്രി സമയത്ത് പാലക്കയത്ത് നിന്ന് വാഹനമൊന്നും ലഭിക്കാനിടയില്ലെന്നുറപ്പായതിനാല്‍ കുഞ്ഞിനെ അടുത്ത് ദിവസം രാവിലെ ആശുപത്രിയില്‍ എത്തിക്കാം എന്ന് അവര്‍ കരുതി. പക്ഷേ രാവിലെയോടെ സനോമിയയുടെ നില വഷളായി. കുഞ്ഞ് തളര്‍ന്ന് കിടക്കുന്നത് കണ്ടപ്പോഴാണ് സൗമ്യ ഭയന്ന് അജിത്തിനെ വിളിച്ചത്. അവര്‍ ഉടനെ കുഞ്ഞിനെ പൊതിഞ്ഞ് എടുക്കുകയും സമീപത്തെ ജീപ്പില്‍ ആശുപത്രിയിലേക്ക് പുറപ്പെടുകയും ചെയ്തു. വഴിയിലുടനീളം അമ്മയുടെ കയ്യിലായിരുന്നു കുഞ്ഞ്. 

വനമേഖലയായ പാലക്കയം നഗറില്‍നിന്ന് അകമ്പാടം ടൗണിലേക്ക് 12 കിലോമീറ്റളോളം വനം ഇറങ്ങിയെത്തണം. ഏറെ നേരം കാത്തുനിന്നിട്ടും വാഹനം കിട്ടിയില്ല. പലരെയും വിളിച്ചുനോക്കി. ഒടുവിലൊരു ജീപ്പ് കിട്ടിയെങ്കിലും അത് അകമ്പാടം വരെയേ പോയുള്ളൂ. അവിടെനിന്ന് മറ്റൊരു ജീപ്പ് പിടിച്ചു. അകമ്പാടത്തുനിന്ന് 10 കിലോമീറ്ററോളമുണ്ട് നിലമ്പൂരേക്ക്. ജില്ലാ ആശുപത്രിയിലെത്തി ഒപിയില്‍ ഡോക്ടറെ കാണാനായി നിന്നു. അപ്പോള്‍ മണി പത്തരയോളമായി. ആശുപത്രിയില്‍ വലിയ തിരക്കൊന്നുമുണ്ടായിരുന്നില്ല. അധികം കാത്തുനില്‍ക്കാതെത്തന്നെ ശിശുരോഗവിദഗ്ധന്റെ അടുത്തെത്തി. പക്ഷേ, അപ്പോഴേക്കും എല്ലാം കഴിഞ്ഞിരുന്നു. ആശുപത്രിയിലെത്തുന്നതിനു മൂന്നു മണിക്കൂര്‍ മുമ്പെങ്കിലും കുഞ്ഞ് മരിച്ചിട്ടുണ്ടാകാമെന്നാണ് ഡോക്ടര്‍മാര്‍ പറഞ്ഞത്. സമയം കണക്കാക്കുമ്പോള്‍ കുഞ്ഞ് വീട്ടില്‍നിന്നുതന്നെ മരിച്ചിരുന്നു.

സനോമിയയുടെ സഹോദരങ്ങളായ രണ്ടു കുട്ടികള്‍ക്കും അസുഖമുണ്ടായിരുന്നതിനാല്‍ അവരെയും ഡോക്ടറെ കാണിക്കേണ്ടതുണ്ടായിരുന്നു. വ്യാഴാഴ്ച രാവിലെ എട്ടുമണിയോടെ പുറപ്പെട്ടെങ്കിലും സമയത്തിന് വാഹനം ലഭിച്ചിരുന്നില്ല. പലരെയും വിളിച്ചിട്ട് വന്നില്ലെന്ന് കുഞ്ഞിന്റെ അച്ഛന്റെ അമ്മ ശാന്ത പറഞ്ഞു. ഡ്രൈവര്‍മാരാരും നഗറിലേക്ക് വരാറില്ലെന്ന് ബന്ധുക്കളും പറയുന്നു. വാഹനസൗകര്യത്തിലെ ബുദ്ധിമുട്ടും ആശുപത്രിയിലെത്തുന്നതിലെ താമസവും മരണത്തിനു കാരണമായിട്ടുണ്ടാകാമെന്നാണ് കരുതുന്നത്. പോലീസ് നടപടിക്രമങ്ങള്‍ പൂര്‍ത്തിയാക്കി മൃതദേഹം വിട്ടുകൊടുത്തു. സഹോദരങ്ങള്‍: അളക, അമിത്, സജിത്, അനഘ. മൃതദേഹം മഞ്ചേരി മെഡിക്കല്‍ കോളേജ് ആശുപത്രി മോര്‍ച്ചറിയില്‍. സംസ്‌കാരം ഇന്ന് നടക്കും.