ഒട്ടും തന്നെ സാമ്യതകളില്ലാത്ത രണ്ടുപേര്‍ ഒരുമിച്ച് ഒരു ജീവിതം കെട്ടിപ്പടുക്കാന്‍ ശ്രമം; സമാധാനപരമായ ദിവസങ്ങളെക്കാള്‍ എത്രയോ അധികമായിരുന്നു വഴക്കുകള്‍; ജീവിതത്തില്‍ നിന്ന് ഇറങ്ങിപ്പോകാന്‍ പോലും തോന്നിയ സമയം; വിവാഹവാര്‍ഷിക ദിനത്തില്‍ കുറിപ്പുമായി വീണ മുകുന്ദന്‍ 

അഭിമുഖങ്ങളിലൂടെയും, രസകരമായ അവതരണങ്ങളിലൂടെയും പ്രേക്ഷകഹൃദയത്തില്‍ ഇടംനേടിയ വീണാ മുകുന്ദന്‍ വിവാഹ വാര്‍ഷികദിനത്തില്‍ പങ്ക് വച്ച കുറിപ്പാണ് ശ്രദ്ധ നേടുന്നത്. അമ്മയാകാന്‍ പോകുകയാണ് എന്ന വിശേഷം കഴിഞ്ഞ ദിവസമാണ് വീണ യൂട്യൂബിലൂടെ പങ്കുവെച്ചത്. ഇപ്പോള്‍ ഇന്‍സ്റ്റഗ്രാമില്‍ വീണ പങ്കുവെച്ച പുതിയ പോസ്റ്റും ശ്രദ്ധ നേടുന്നത്. ആറാം വിവാഹവാര്‍ഷിക ദിനത്തോട് അനുബന്ധിച്ചാണ് വീണ കുറിപ്പ് പങ്കുവെച്ചത്. 

മെയ് 18 - ആറ് വര്‍ഷം മുന്‍പ് ഇതേ ദിവസമാണ് ഞങ്ങള്‍ വിവാഹിതരായത്! സത്യം പറഞ്ഞാല്‍, ഞങ്ങള്‍ എന്താണ് ചെയ്യാന്‍ പോകുന്നത് എന്നതിനെക്കുറിച്ച് ഞങ്ങള്‍ക്ക് ഒരു ധാരണയുമുണ്ടായിരുന്നില്ല. ഒട്ടും തന്നെ സാമ്യതകളില്ലാത്ത രണ്ടുപേര്‍ ഒരുമിച്ച് ഒരു ജീവിതം കെട്ടിപ്പടുക്കാന്‍ ശ്രമിക്കുകയായിരുന്നു! ആദ്യ വര്‍ഷങ്ങളിലെ കാര്യങ്ങള്‍ എനിക്കിപ്പോഴും ഓര്‍മ്മയുണ്ട്, സമാധാനപരമായ ദിവസങ്ങളെക്കാള്‍ എത്രയോ അധികമായിരുന്നു ഞങ്ങള്‍ക്കിടയിലെ വഴക്കുകള്‍. വിവാഹത്തെക്കുറിച്ചും പങ്കാളി എങ്ങനെയായിരിക്കണം എന്നതിനെ കുറിച്ചും വ്യത്യസ്തമായ പ്രതീക്ഷകളോടും സ്വപ്നങ്ങളോടുമാണ് ഞങ്ങള്‍ വന്നത്.

ഞാന്‍ എങ്ങനെ ഈ വിവാഹത്തില്‍ എത്തിച്ചേര്‍ന്നു എന്ന് ഗൗരവമായി ചിന്തിച്ച ദിവസങ്ങളുണ്ടായിരുന്ന. അത് മാത്രമല്ല, എല്ലാ പ്രതീക്ഷയും നഷ്ടപ്പെട്ട് ഈ ജീവിതത്തില്‍ നിന്ന് ഇറങ്ങിപ്പോകാന്‍ പോലും തോന്നിയ സമയം ഉണ്ടായിരുന്നു. പക്ഷേ ജീവിതത്തിന് മറ്റ് ചില പദ്ധതികളുണ്ടായിരുന്നു. അത് ഞങ്ങളെ ഒരുമിപ്പിച്ചു. പരസ്പരം കാണാന്‍ പഠിപ്പിച്ചു. പോരാടുന്നതിനു പകരം വ്യത്യാസങ്ങളെ അംഗീകരിക്കാന്‍ പഠിപ്പിച്ചു. പതിയെ, ഞങ്ങള്‍ അത് ചെയ്തു.

ഇതാ ഇപ്പോള്‍, ആറ് വര്‍ഷത്തിനു ശേഷം, ഞങ്ങളുടെ ഏറ്റവും വലിയ അനുഗ്രഹത്തിനായി ഞങ്ങള്‍ കാത്തിരിക്കുന്നു. ഒരു അമ്മയാകാന്‍ പോകുന്ന ഞാന്‍, ഞങ്ങള്‍ ഒരുമിച്ച് സൃഷ്ടിച്ച ഈ ചെറിയ അത്ഭുതത്തെ ഗര്‍ഭം ധരിച്ചിരിക്കുന്നു. എന്റെ എല്ലാ ഹൃദയത്തോടും കൂടി എനിക്ക് പറയാന്‍ കഴിയും, ഞങ്ങള്‍ കൊടുങ്കാറ്റ് തരണം ചെയ്തു. ഞങ്ങള്‍ ഈ കപ്പല്‍ തുഴഞ്ഞു, ചിലപ്പോള്‍ ഉലഞ്ഞും, ചിലപ്പോള്‍ ശക്തമായും - പക്ഷേ എപ്പോഴും ഒരുമിച്ച്.

ഒട്ടും സാമ്യതകളില്ലാതിരുന്നതില്‍ നിന്ന്, ഏറ്റവും പ്രധാനപ്പെട്ട ഒരുകാര്യം ഞങ്ങള്‍ കണ്ടെത്തി: ഞങ്ങളുടെ ആന്തരിക ശക്തി. ഇപ്പോള്‍, അതാണ് ഞങ്ങളെ ബന്ധിപ്പിക്കുന്നത്. അതും, പരസ്പരം ആഴത്തിലുള്ള ഒരു സംതൃപ്തി, അല്ലേ ജീവ. ഇനിയും കൂടുതല്‍ ചിരികള്‍ക്കും, കൂടുതല്‍ പാടിക്കുകയും, കൂടുതല്‍ സ്നേഹത്തിനും വേണ്ടി. വിവാഹ വാര്‍ഷിക ആശംസകള്‍- വിവാഹ ചിത്രങ്ങള്‍ക്കൊപ്പം വീണ കുറിച്ചു.