റഹ്മാന്‍, നീന ഗുപ്ത എന്നിവരെ പ്രധാന കഥാപാത്രങ്ങളാക്കി നജീം കോയ സംവിധാനം ചെയ്യുന്ന മലയാളം ത്രില്ലര്‍ സീരിസ് '1000 ബേബീസി'ന്റെ ട്രെയ്‌ലര്‍ പുറത്തുവിട്ടു. ഭീതി നിറഞ്ഞ കാഴ്ചകളാണ് സീരിസിന്റെ ട്രെയ്‌ലറില്‍ ഉടനീളം കാണാന്‍ കഴിയുന്നത്. കുഞ്ഞുങ്ങളുടെ കൂട്ടമരണവും അതിനെ തുടര്‍ന്നുള്ള കേസ് അന്വേഷണവുമാണ് സീരിസിന്റെ പ്രമേയമെന്ന് ട്രെയ്‌ലര്‍ സൂചന നല്‍കുന്നു.
ഡിസ്‌നി പ്ലസ് ഹോട്ട്സ്റ്റാറിന്റെ അഞ്ചാമത്തെ മലയാളം ഒറിജിനല്‍ സീരീസാണ് '1000 ബേബീസ്'. സസ്‌പെന്‍സും ത്രില്ലും നിറഞ്ഞ സീരിസ് ഒക്ടോബര്‍ 18ന് പ്ലാറ്റ്ഫോമില്‍ സ്ട്രീമിങ് ആരംഭിക്കും. മലയാളം, തമിഴ്, തെലുഗു, കന്നഡ, മറാത്തി, ഹിന്ദി, ബംഗാളി എന്നീ ഭാഷകളിലാണ് സീരീസ് സ്ട്രീം ചെയ്യുന്നത്.
വ്യത്യസ്തമായ അവതരണവുമായി എത്തിയ ട്രൈലെര്‍ പ്രേക്ഷകര്‍ക്കിടയില്‍ ശ്രദ്ധ നേടുകയാണ്.
നീന ഗുപ്തയും റഹ്മാനും പ്രധാന കഥാപാത്രങ്ങളെ അവതരിപ്പിക്കുമ്പോള്‍, 1000 Babies എന്ന സീരീസില്‍ മലയാളികളുടെ പ്രിയപ്പെട്ട താരനിര തന്നെ അണിനിരക്കുന്നു. സഞ്ജു ശിവറാം, അശ്വിന്‍ കുമാര്‍, ആദില്‍ ഇബ്രാഹിം, ഷാജു ശ്രീധര്‍, ഇര്‍ഷാദ് അലി, ജോയ് മാത്യു, വികെപി, മനു എം ലാല്‍, ഷാലു റഹീം, സിറാജുദ്ധീന്‍ നാസര്‍, ഡെയിന്‍ ഡേവിസ്, രാധിക രാധാകൃഷ്ണന്‍, വിവിയ ശാന്ത്, നസ്ലിന്‍, ദിലീപ് മേനോന്‍, ധനേഷ് ആനന്ദ്, ശ്രീകാന്ത് മുരളി, ശ്രീകാന്ത് ബാലചന്ദ്രന്‍ എന്നിവരുടെ അമ്പരപ്പിക്കുന്ന പ്രകടനം ആസ്വദിക്കാനുള്ള അവസരവുമുണ്ട്.
നജീം കോയ സംവിധാനം ചെയ്തിരിക്കുന്ന ഈ ത്രില്ലര്‍ സീരീസ്, നജീം കോയയും അറൗസ് ഇര്‍ഫാനും ചേര്‍ന്നാണ് രചിച്ചിരിക്കുന്നത്.August Cinema-യുടെ ബാനറില്‍ ഷാജി നടേശനും ആര്യയും ചേര്‍ന്ന് ഈ ക്രൈം ത്രില്ലര്‍ നിര്‍മിച്ചിരിക്കുന്നു.
ഈ സീരീസിന്റെ അതിമനോഹരമായ ദൃശ്യങ്ങള്‍ പകര്‍ത്തിയത് ഫെയ്സ് സിദ്ദിക്കാണ്. ശങ്കര്‍ ശര്‍മ്മ സംഗീതം നിര്‍വഹിച്ചിരിക്കുന്ന ഈ ത്രില്ലര്‍ സീരീസിന്റെ സൗണ്ട് ഡിസൈനിംഗ് ധനുഷ് നായനാരും, എഡിറ്റിംഗ് ജോണ്‍കുട്ടിയുമാണ്. കലാസംവിധാനം ആഷിക് എസ്, ശബ്ദമിശ്രണം ഫസല്‍ എ. ബാക്കര്‍, സ്റ്റില്‍ ഫോട്ടോഗ്രാഫി സന്തോഷ് പട്ടാമ്പിയുമാണ്. അസോസിയേറ്റ് ഡയറക്ടോര്‍സ് ജോമാന്‍ ജോഷി തിട്ടയില്‍, നിയാസ് നിസാര്‍ സുനില്‍ കാര്യാട്ടുകര ചീഫ് അസോസിയേറ്റ് ഡയറക്ടറായ ഈ സൈക്കോളജിക്കല്‍ ത്രില്ലര്‍ സീരീസിന്റെ മേക്കപ്പ് അമല്‍ ചന്ദ്രനും വസ്ത്രാലങ്കാരം അരുണ്‍ മനോഹറുമാണ്.
മലയാളം, തമിഴ്, തെലുങ്ക്, കന്നഡ, മറാത്തി, ഹിന്ദി, ബംഗാളി എന്നീ ഏഴ് ഭാഷകളില്‍ 1000 Babies സ്ട്രീം ചെയ്യും
Premium Lifestyle and Entertainment website
ജീവിതം എവിടെക്കെത്തിച്ചാലും, നിനക്കായി മാത്രം തുടിക്കുന്ന ഒരു ഹൃദയം ഇവിടെയുണ്ട്; സ്വപ്നങ്ങളെ പിന്തുടര്‍ന്നും സ്വന്തം ചിറകുകളില്‍ പറന്നുയര്‍ന്നും എന്നില്‍ നിന്നും ഒരുപാട് അകലെ നീ നിന്റെതായ ഒരു ലോകം തീര്‍ക്കുകയാണ്; മകളുടെ 20-ാം ജന്മദിനത്തില്‍ ഹൃദ്യമായ കുറിപ്പ് പങ്കിട്ട് ഇന്ദുലേഖ
'മീന്‍ ഭയങ്കര ഇഷ്ടമാണ്, ഒരു പ്ലേറ്റ് നിറയെ മത്തി വറുത്തത് കഴിക്കും'; 100 കിലോയില്‍ കൂടുതല്‍ ഭാരമുണ്ടായിരുന്നു; ഫിഷ് റോക്ക് ശരിക്കുമൊരു ലവ് സോങ്; 96 സിനിമയ്ക്ക് മുന്‍പ് ഗോവിന്ദ് വസന്ത ഇല്ല; സംഗീതസംവിധായകനും ഗായകനുമായ ഗോവിന്ദ് പങ്ക് വച്ചത്