എനിക്കു പ്രണയമായിരുന്നു രാധികയോട്;വിവാഹം കഴിക്കാമെന്ന് രണ്ടാളും ഒരുമിച്ച്‌ തീരുമാനിച്ചു; ആ ബന്ധം തകര്‍ന്നതില്‍ ഞങ്ങള്‍ രണ്ടുപേരും കുറ്റക്കാരാണ്; ദാമ്പത്യ പരാജയങ്ങളെക്കുറിച്ച്‌ അന്ന് പ്രതാപ് പോത്തന്‍ പറഞ്ഞത്

കഴിഞ്ഞ ദിവസമായിരുന്നു മലയാളിപ്രേക്ഷകരുടെ പ്രിയ നടൻ ദിലീഷ് പോത്തൻ വിടവാങ്ങിയത്. നിരവധി ശ്രദ്ധേയമാറ്റ കഥാപാത്രങ്ങളായിരുന്നു അദ്ദേഹം ആരാധകർക്കായി സമ്മാനിച്ചതും. എന്നാൽ അദ്ദേഹത്തിന്റെ വിവാഹ ജീവിതം പരാജയമായിരുന്നു. രണ്ടു വട്ടം പരീക്ഷണം നടത്തിയെങ്കിലും പരാജയപ്പെടുകയായിരുന്നു.വിവാഹം വെറുമൊരു അഡ്ജസ്റ്റ്മെന്റ് മാത്രമാണ്. അതില്‍ സ്നേഹവും പ്രണയവുമില്ലെന്നും ഒരു റൂട്ട് തയ്യാറാക്കി ആ വഴിയിലൂടെ മാത്രം പോകണം എന്നുപറഞ്ഞാല്‍ എന്തൊരു ബോറാണ് എന്നുമാണ് ഒരിക്കല്‍ അദ്ദേഹം തുറന്ന് പറഞ്ഞത്. 

 പ്രതാപ് പോത്തന്‍ ആദ്യം വിവാഹം കഴിച്ചത് നടി രാധികയെയാണ്. വീട്ടുകാരുടെ എതിര്‍പ്പു വകവയ്ക്കാതെ നടത്തിയ പ്രണയ വിവാഹത്തിന് ആയുസ്സ്  രണ്ടു വര്‍ഷം മാത്രമായിരുന്നു. വിവാഹമോചനത്തിന് രണ്ടുപേരും കാരണക്കാരാണെന്നും അദ്ദേഹം വ്യക്തമാക്കി.

 "എനിക്കു പ്രണയമായിരുന്നു രാധികയോട്. വിവാഹം കഴിക്കാമെന്ന് രണ്ടാളും ഒരുമിച്ച്‌ തീരുമാനിച്ചു. ഞാനത് എല്ലാവരേയും അറിയിച്ചു. വീട്ടുകാര്‍ സഹകരിച്ചില്ല. ഞാനൊരു തെറ്റാണ് ചെയ്‌തതെന്ന് അവര്‍ എന്നെ കുറ്റപ്പെടുത്തി. രാധികയുടെ ആള്‍ക്കാരും സഹകരിച്ചില്ല. ഞങ്ങള്‍ ഒറ്റയ്‌ക്ക് മുന്നോട്ടു പോയി. ഞങ്ങള്‍ക്കു കുട്ടികളുണ്ടായില്ല. രണ്ടു വര്‍ഷം ഒന്നിച്ചു കഴിഞ്ഞു. പിന്നീട് ബന്ധം ഡ്രൈ ആയി. പ്രശ്നങ്ങളായി. ഒടുവില്‍ വേര്‍പിരിഞ്ഞു. ആ ബന്ധം തകര്‍ന്നതില്‍ ഞങ്ങള്‍ രണ്ടുപേരും കുറ്റക്കാരാണ്. നിങ്ങള്‍ക്കൊരാളെ മാത്രമായി കുറ്റപ്പെടുത്താനാകില്ല,"

പ്രതാപ് പോത്തന്‍ ആദ്യമായി സംവിധാനം ചെയ്ത മീണ്ടും ഒരു കാതല്‍ കഥൈ എന്ന ചിത്രത്തിലെ നായികയായിരുന്നു രാധിക. ചിത്രത്തിന്റെ നിര്‍മാണ സമയത്തായിരുന്നു ഇരുവരും പ്രണയത്തിലായത്. 1985ലല്‍ വിവാഹിതരായ ഇവര്‍ 1986ല്‍ വിവാഹമോചിതരായി. അതിനു ശേഷം നടന്‍ ശരത് കുമാറിനെയാണ് രാധിക വിവാഹം ചെയ്തത്. പ്രതാപും മറ്റൊരു വിവാഹം കഴിച്ചു. 1990ല്‍ അമല സത്യനാഥുമായി വിവാഹം കഴിച്ചെങ്കിലും 22 വര്‍ഷത്തെ ദാമ്ബത്യം 2012 ല്‍ അവസാനിപ്പിക്കുകയായിരുന്നു.

"രണ്ടു വ്യത്യസ്‌ത വ്യക്‌തികള്‍ ഒന്നിക്കുന്നു. പക്ഷേ പലപ്പോഴും അവര്‍ ഒന്നിക്കുകയല്ല. ഒന്നാകാത്തിടത്തോളം ആ ബന്ധം തകരുകയല്ലാതെ മറ്റ് മാര്‍ഗ്ഗമില്ലല്ലോ. ഒന്നിക്കുവാനുള്ള പരീക്ഷണങ്ങളായിരുന്നു എന്റെ ബന്ധങ്ങള്‍ എല്ലാം. അതിലൊക്കെ പരാജയപ്പെടുകയും ചെയ്‌തു," എന്നായിരുന്നു വിവാഹപരാജയത്തെക്കുറിച്ച്‌ ഒരിക്കല്‍ പ്രതാപ് പോത്തന്‍ പറഞ്ഞത്. മരണശേഷം അദ്ദേഹത്തിന്റെ സുഹൃത്തുക്കള്‍ പങ്കുവച്ച ഓര്‍മകളിലും പ്രതാപ് പോത്തന്റെ വിവാഹജീവിതത്തിലെ പ്രശ്നങ്ങള്ക്കുറിച്ച്‌ പറയുന്നുണ്ട്.