ദിലീപ് നായകനാകുന്ന മാസ് കോമഡി എന്റര്ടെയ്നര് 'ഭഭബ' ടീസര് എത്തി. ദിലീപിന്റെ പിറന്നാളിനോടനുബന്ധിച്ചാണ് ടീസര് റിലീസ് ചെയ്തത്. മോഹന്ലാലിന്റെ ശബ്ദത്തിലുള്ള ഡയലോഗിലാണ് ടീസര് അവസാനിക്കുന്നതും. ചിത്രം ഡിസംബര് 18ന് തിയറ്ററുകളിലെത്തും.
നവാഗതനായ ധനഞ്ജയ് ശങ്കറാണ് 'ഭഭബ'യുടെ സംവിധായകന്. ശ്രീ ഗോകുലം മൂവീസിന്റെ ബാനറില് ഗോകുലം ഗോപാലന് നിര്മിക്കുന്ന ഏറ്റവും പുതിയ ചിത്രമാണ് 'ഭ.ഭ.ബ'- ഭയം, ഭക്തി, ബഹുമാനം'. താരദമ്പതികളായ ഫാഹിം സഫര്, നൂറിന് ഷെരീഫ് എന്നിവര് ചേര്ന്നാണ് തിരക്കഥ. ചിത്രത്തില് മോഹന്ലാല് അതിഥി വേഷത്തിലെത്തുന്നു.
ദിലീപിന് പിറന്നാള് ആശംസിച്ച് ഫഹീം സഫര് സമൂഹമാധ്യമത്തില് പങ്കുവെച്ച കുറിപ്പും ശ്രദ്ധ നേടുകയാണ്. എന്റെ എക്കാലത്തെയും പ്രിയപ്പെട്ട സൂപ്പര്സ്റ്റാറിന് ജന്മദിനാശംസകള് എന്നാണ് ഫഹീം കുറിച്ചത്. ഒപ്പം ദിലീപിനൊപ്പമുളള ചിത്രങ്ങളും താരം പങ്കുവെച്ചിട്ടുണ്ട്.
കുട്ടിക്കാലത്ത് അദ്ദേഹത്തിന്റെ സിനിമകള് കാണുകയും ആസ്വദിക്കുകയും ചെയ്തതില് നിന്ന്, ഒടുവില് അദ്ദേഹത്തോടൊപ്പം ഒരു സിനിമ ചെയ്യുന്നതു വരെ. ഈ യാത്ര അതിശയകരമാണ്. ഞങ്ങള് നിമിഷങ്ങള് പങ്കിട്ടു, ഞങ്ങള് സ്ക്രീന് പങ്കിട്ടു. എന്റെ എക്കാലത്തെയും പ്രിയപ്പെട്ട സൂപ്പര്സ്റ്റാറിന് ജന്മദിനാശംസകള് 'ഫഹീം കുറിച്ചു. ദീലിന്റെ മകള് മീനാക്ഷി ഉള്പ്പെടെ നിരവധിപ്പേരാണ് പോസ്റ്റിന് ലൈക്ക് ചെയ്തിരിക്കുന്നത്.
ദിലീപിന് പിറന്നാള് ആശംസകള് നേര്ന്ന് മകള് മീനാക്ഷി പങ്ക് വച്ച ഫോട്ടോയും സോഷ്യലിടത്തില് വൈറലാണ്. ഹാപ്പി ബര്ത്ത് ഡേ അച്ഛാ' എന്ന അടിക്കുറിപ്പോടെയാണ് മീനാക്ഷി ചിത്രം പങ്കുവച്ചത്. വിദേശരാജ്യത്ത് വച്ച് എടുത്ത ഇരുവരുടെയും സ്റ്റൈലിഷ് ചിത്രമാണ് മീനാക്ഷി പോസ്റ്റ് ചെയ്തത്. മീനാക്ഷിയുടെ പോസ്റ്റിന് താഴെയായി നിരവധി പേരാണ് ദിലീപിന് പിറന്നാള് ആശംസകളുമായി എത്തുന്നത്.
കഴിഞ്ഞ വര്ഷത്തെ പിറന്നാള് ദിനത്തില് അച്ഛനോടൊപ്പമുള്ള കുട്ടിക്കാല ചിത്രമായിരുന്നു മീനാക്ഷി പോസ്റ്റ് ചെയ്തിരുന്നത്. ജീവിതത്തില് പ്രതിസന്ധി ഘട്ടങ്ങളുണ്ടായപ്പോഴും അച്ഛന് ശക്തമായ പിന്തുണയുമായി മീനാക്ഷി കൂടെ നിന്നിരുന്നു. പ്രതിസന്ധി സമയങ്ങളില് പതറാതെ കുടുംബത്തിനൊപ്പം ഉറച്ചുനില്ക്കുന്ന താരപുത്രിയുടെ നിലപാട് ശ്രദ്ധേയമായിരുന്നു.
Premium Lifestyle and Entertainment website
വൈറ്റമിന് ഡിയുടെ അഭാവം മൂലം വലയുന്നവരാണോ? ഇക്കാര്യങ്ങള് ശ്രദ്ധിയ്ക്കാം
വിഷു 2026: കണി ഒരുക്കും മുന്പ് അറിയേണ്ട കാര്യങ്ങള്
ഫോട്ടോഷൂട്ട് ചെയ്യുന്നതും വിവാഹ മോചനവുമായി യാതൊരു ബന്ധവുമില്ല; വേര്പിരിഞ്ഞെന്ന് കരുതി എനിക്ക് ഇങ്ങനെ നടന്നൂടെ; അതൊന്നും നമ്മുടെ കയ്യിലുള്ള കാര്യങ്ങളല്ല; പി എസ് സി പഠനം തുടരുകയാണ്;സീരിയലിലേക്ക് തിരിച്ചുവരുന്നുണ്ട്; ആരാധകരുടെ ചോദ്യങ്ങള്ക്ക് മറുപടി നല്കി ഗൗരി കൃഷ്ണന് 
ഞങ്ങള് അഞ്ച് പേരും സീരിയലില് കാണുന്നതുപോലെ തന്നെ നല്ല സുഹൃത്തുക്കളായിരുന്നു;ആ അഞ്ച് പേരില് ഒരാള് ഇല്ലാതാവുക എന്ന് പറയുന്നത് സഹിക്കാവുന്നതിലും അപ്പുറം;ആ വീട്ടിലെ ഓരോ മുറിയിലും അവന്റെ സാമീപ്യം; കൊച്ചനുജനായി ശരത്ത് എന്നും എന്റെ മനസിലുണ്ടാകും' ; സോണിയാ മോഹന്ദാസ് ശരതിന്റെ വീട്ടിലെത്തിയപ്പോള്