മലയാളത്തിലും തമിഴിലുമൊക്കെ ഇപ്പോള്‍ റീ റിലീസുകളുടെ കാലമാണ്. മോഹന്‍ലാല്‍ ചിത്രങ്ങളായ ഛോട്ടാ മുംബൈയും, ദേവദൂതനും മണിച്ചിത്രത്താഴുമെല്ലാം വീണ്ടും ബിഗ് സ്‌ക്രീനുകള്‍ ഇളക്കി മറിച്ചിരുന്നു. ഇപ്പോഴിതാ മറ്റൊരു സൂപ്പര്‍ ഹിറ്റ് മലയാളം സിനിമ കൂടി റീ റിലീസിന് ഒരുങ്ങുകയാണ്. സുരേഷ് ഗോപി നായകനായ കമ്മീഷണര്‍ ആണ് വീണ്ടും ബിഗ് സ്‌ക്രീനിലേക്ക് തിരിച്ചെത്തുന്നത്.
ഛോട്ടാ മുംബൈ, ദേവദൂതന്‍ തുടങ്ങിയ സിനിമകള്‍ റീമാസ്റ്റര്‍ ചെയ്ത ഹൈ സ്റ്റുഡിയോസ് തന്നെയാണ് കമ്മീഷണറിന്റെ റീമാസ്റ്റര്‍ വര്‍ക്കിന്റെ പിന്നിലും. 4K യില്‍ ഡോള്‍ബി അറ്റ്‌മോസിലാണ് കമ്മീഷണര്‍ വീണ്ടും ബിഗ് സ്‌ക്രീനിലേക്ക് തിരിച്ചെത്തുന്നത്. സുരേഷ് ഗോപിയുടെ സോഷ്യല്‍ മീഡിയിലൂടെയാണ് റീ മാസ്റ്ററിങ് ട്രൈലെര്‍ പുറത്തു വിട്ടിരിക്കുന്നത്.ചടുലമായ സംഭാഷണങ്ങളും, ഉദ്വേഗജനകമായ രംഗങ്ങളും, മികച്ച ആക്ഷന്‍ രംഗങ്ങളുമായി പ്രേക്ഷകരെ ആവേശം കൊള്ളിച്ച ചിത്രമായിരുന്നു കമ്മീഷണര്‍.
ആ ചിത്രത്തിനു വേണ്ടി ഒതുക്കിയ പശ്ചാത്തല സംഗീതം ഇന്നും പ്രേക്ഷകരുടെ ഇടയില്‍ കൗതുകവും ആവേശവും പകരുന്നത് ചിത്രത്തിന്റെ പ്രസക്തി വര്‍ദ്ധിപ്പിക്കുന്നു.ആ ചിത്രത്തോട് പ്രേക്ഷകര്‍ക്ക് ഇന്നും ഉള്ള ആഭിമുഖ്യം കണക്കിലെടുത്ത് ആധുനിക ശബ്ദ ദൃശ്യവിസ്മയങ്ങളു മായി 4K അറ്റ്‌മോസില്‍ എത്തുന്നു.
വളരെ വ്യത്യസ്ഥമായി ഫോര്‍ കെ. ആക്കുന്നതിന്റെ ബിഫോര്‍ ആഫ്റ്റര്‍ വെര്‍ഷന്‍ ആയിട്ടാണ് ടീസര്‍ ഇറങ്ങിയിരിക്കുന്നത്.31 വര്‍ഷത്തിന് ശേഷമാണ് ചിത്രം വീണ്ടും ബിഗ് സ്‌ക്രീനിലേക്ക് തിരിച്ചെത്തുന്നത്.
1994 ലാണ് ഷാജി കൈലാസിന്റെ സംവിധാനത്തില്‍ സുരേഷ് ഗോപി നായകനായി കമ്മീഷണര്‍ റിലീസിനെത്തുന്നത്. സുരേഷ് ഗോപിയുടെ സൂപ്പര്‍ താര പദവിയില്‍ വലിയ പങ്കുവഹിച്ച സിനിമയാണ് ഇത്. ശോഭന, രതീഷ്, ഭീമന്‍ രഘു, വിജയരാഘവന്‍, ഗണേഷ് കുമാര്‍, രാജന്‍ പി ദേവ് തുടങ്ങിയവരായിരുന്നു സിനിമയിലെ പ്രധാന അഭിനേതാക്കള്‍. ഈ ചിത്രം തമിഴിലേക്കും തെലുങ്കിലേക്കും മൊഴിമാറ്റം ചെയ്യപ്പെട്ടിരുന്നു.
മികച്ച വിജയമായിരുന്നു സിനിമ അവിടെ നിന്നും നേടിയത്. ചിത്രം ആന്ധ്രാപ്രദേശില്‍ 100 ??ദിവസത്തിലധികം പ്രദര്‍ശിപ്പിച്ചിരുന്നു. ചിത്രത്തിന്റെ വിജയത്തിലൂടെ തെലുങ്കില്‍ സുരേഷ് ഗോപിക്ക് വലിയ ഫാന്‍ ബേസ് ഉണ്ടായി. രണ്‍ജി പണിക്കര്‍ തിരക്കഥയെഴുതിയ സിനിമ നിര്‍മിച്ചത് എം മണി ആയിരുന്നു.
4Kഅറ്റ്‌മോസില്‍ എത്തി മികച്ച അഭിപ്രായം നേടിയ ദേവദൂതന്‍, ഛോട്ടാ മുംബൈ എന്നീ ചിത്രങ്ങള്‍ക്ക് ശേഷം ഹൈ സ്റ്റുഡിയോസ് 4K റീ മാസ്റ്റര്‍ ചെയ്യുന്ന ചിത്രമാണ് കമ്മീഷണര്‍.സംഗീതം - രാജാമണി.
ഛായാഗ്രഹണം -ദിനേശ് ബാബു.എഡിറ്റിംഗ് -എല്‍. ഭൂമിനാഥന്‍'4k റീമാസ്റ്ററിങ് നിര്‍മ്മാണം
ഷൈന്‍ വി.എ. മെല്ലി വി.എ. , ലൈസണ്‍ ടി.ജെ.ഡിസ്ട്രിബ്യൂഷന്‍ ഹെഡ് -ഹര്‍ഷന്‍.ടി.,ക്രീയേറ്റീവ് വിഷനറി ഹെഡ് ബോണി അസ്സനാര്‍, കളറിങ് ഷാന്‍ ആഷിഫ്, അറ്റ്‌മോസ് മിക്‌സ് ഹരി നാരായണന്‍, മാര്‍ക്കറ്റിംഗ് ഹൈസിന്‍ ഗ്ലോബല്‍ വെഞ്ചേഴ്‌സ്,പ്രൊഡക്ഷന്‍ കണ്‍ട്രോളര്‍ - അരോമ മോഹന്‍. പി ആര്‍ ഓ.ഐശ്വര്യ രാജ്
ക്രീയേറ്റീവ് വിഷനറി ഹെഡ് ബോണി അസ്സനാര്‍, കളറിങ് ഷാന്‍ ആഷിഫ്, അറ്റ്‌മോസ് മിക്‌സ് ഹരി നാരായണന്‍, മാര്‍ക്കറ്റിംഗ് ഹൈസിന്‍ ഗ്ലോബല്‍ വെഞ്ചേഴ്‌സ്
വാഴൂര്‍ജോസ്
Premium Lifestyle and Entertainment website
റിമ കല്ലിങ്കല്‍ കേന്ദ്ര കഥാപാത്രമായ 'തീയേറ്റര്‍: ദ മിത്ത് ഓഫ് റിയാലിറ്റി' ട്രെയിലര്‍