ശ്രീ ഗോകുലം മൂവീസിന്റെ ബാനറില് ശ്രീ ഗോകുലം ഗോപാലന് നിര്മ്മിച്ച, ഇന്ദ്രന്സ്, ധ്യാന് ശ്രീനിവാസന്, ദുര്ഗ കൃഷ്ണ എന്നിവര് കേന്ദ്ര കഥാപാത്രങ്ങളായെത്തിയ 'ഉടല്' ഒടിടി റിലീസിനൊരുങ്ങുന്നു. ക്രിസ്തുമസ് കഴിഞ്ഞയുടന് ഒടിടി പ്രദര്ശനം ആരംഭിക്കുമെന്ന് നിര്മ്മാതാക്കള് അറിയിച്ചിട്ടുണ്ട്. പ്രേക്ഷകരെ ആകാംക്ഷയുടെ മുള്മുനയില് നിര്ത്തി തിയറ്ററുകളിലാകെ ഭീതി പടര്ത്തിയ 'ഉടല്' രതീഷ് രഘുനന്ദനാണ് തിരക്കഥയെഴുതി സംവിധാനം ചെയ്തത്. 2022 മെയ് 20ന് തിയറ്റര് റിലീസ് ചെയ്ത ഈ ചിത്രം പ്രമേയം, ദൃശ്യാവിഷ്ക്കാരം, കഥാപശ്ചാത്തലം, ഭാവപ്രകടനം എന്നിവയാല് പ്രേക്ഷകശ്രദ്ധ ആകര്ഷിച്ചിരുന്നു. സിനിമ കണ്ടവരെല്ലാം ഗംഭീര അഭിപ്രായങ്ങളാണ് രേഖപ്പെടുത്തിയത്. ദിലീപ് നായകനായെത്തുന്ന 'തങ്കമണി'യാണ് രതീഷ് രഘുനന്ദന്റെ സംവിധാനത്തില് റിലീസിനൊരുങ്ങി നില്ക്കുന്ന പുതിയ ചിത്രം.
റിലീസ് ചെയ്ത് ഒരു വര്ഷം പിന്നിട്ടിട്ടും ഒടിടിയിലേക്ക് എത്താത്ത ചിത്രങ്ങളുടെ പട്ടികയിലായിരുന്ന 'ഉടല്'നെ പ്രേക്ഷകരുടെ കാത്തിരിപ്പിന് വിരാമമിട്ടുകൊണ്ട് റെക്കോര്ഡ് തുകക്കാണ് സൈന പ്ലേ സ്വന്തമാക്കിയത്. ചിത്രത്തിന്റെ ഹിന്ദി റീമേക്കിന്റെ ചര്ച്ചകള് നടക്കുന്ന സാഹചര്യത്തെ തുടര്ന്നാണ് ഒടിടി റിലീസ് വൈകിയതെന്നും നിര്മ്മാതാക്കള് അറിയിച്ചിട്ടുണ്ട്. പ്രവീണും ബൈജു ഗോപാലനുമാണ് 'ഉടല്'ന്റെ സഹനിര്മ്മാതാക്കള്. എക്സികുട്ടീവ് പ്രൊഡ്യൂസര്: കൃഷ്ണമൂര്ത്തി. ഡിസ്ട്രിബ്യൂഷന് പാര്ട്ണര് ഡ്രീം ബിഗ് ഫിലിംസാണ്.
കുട്ടിച്ചായനായ് ഇന്ദ്രന്സ് അസാമാന്യ പ്രകടനം കാഴ്ചവെച്ച ചിത്രത്തില് കിരണ് എന്ന കഥാപാത്രത്തെയാണ് ധ്യാന് ശ്രീനിവാസന് അവതരിപ്പിച്ചത്. ഷൈനി ചാക്കോയായ് ദുര്ഗ കൃഷ്ണ വേഷമിട്ടു. മനോജ് പിള്ള ഛായാഗ്രഹണം നിര്വഹിച്ച ചിത്രത്തിന്റെ ചിത്രസംയോജനം നിഷാദ് യൂസഫ് കൈകാര്യം ചെയ്തു. വില്യം ഫ്രാന്സിസിന്റെതാണ് സംഗീതം.
Premium Lifestyle and Entertainment website
എന്നില് നാര്സിസ്റ്റിക് പ്രവണതകളുണ്ട്; തെറാപ്പി ആരംഭിച്ചു;യാഥാര്ത്ഥ്യം മനസ്സിലാക്കി പൂര്ണ്ണ ഉത്തരവാദിത്തം ഏറ്റെടുക്കുന്നു;ഒരിടവേള എടുക്കുന്നു: കൂടുതല് കരുത്തോടെയും, ശാന്തതയോടെയും, മികച്ചൊരു വ്യക്തിത്വത്തോടെയും തിരികെ വരും;ഡോ. റോബിന് രാധാകൃഷ്ണന്റെ കുറിപ്പ്
കൊളംബിയന് ഡ്രഡ് മാഫിയയുടെ ഇടനാഴികളിലൂടെ; ആമസോണ് ഉള്ക്കാടുകളിലൂടെ; ലിഫ്റ്റ് ചോദിച്ചും സൈക്കിള് ചവിട്ടിയും ഒരു പെണ്കുട്ടി ഒറ്റക്ക് കണ്ടത് 70 രാജ്യങ്ങള്; പെപ്പര്സ്പ്രേയും മൊബൈലും ആയുധം; പീഡനശ്രമങ്ങള് അതിജീവിച്ചു; ഇപ്പോള് താലിബാന്റെ തോക്കിന് മുനയില് നിന്നും അതിജീവിതം; സാഹസികതയുടെ പെണ്വഴി; ബാക്ക്പാക്കര് അരുണിമയുടെ അത്ഭുത യാത്രാജീവിതം! 
ആദ്യം കണ്ടുമുട്ടിയത് കോയമ്പത്തൂരില്; പ്രപ്പോസ് ചെയ്തത് ഭുവനേഷ്; വിവാഹത്തിന് വേണ്ടി 15 ദിവസത്തെ അവധി മാത്രമുള്ളതിനാല് ഹണിമൂണ് പ്ലാന് ഒന്നും ഉണ്ടാക്കിയിട്ടില്ല; ചോദ്യങ്ങള്ക്ക് മറുപടിയുമായി അനുമോള്