സ്‌ക്രീനില്‍ മമ്മൂട്ടിയുടെ രാജകീയ മറ്റൊരു വരവിനായി ആശിച്ചിരിക്കുന്ന ആരാധകര്‍ക്ക് പ്രതീക്ഷ നല്‍കി സസ്പെന്‍സും ഭയവും നിറച്ച കളങ്കാവല്‍ ടീസര്‍. മമ്മൂട്ടി കമ്പനി നിര്‍മിക്കുന്ന ജിതിന്‍ കെ ജോസ് ചിത്രത്തിലൂടെ മമ്മൂട്ടി മറ്റൊരു രാക്ഷസ നടനം കാഴ്ച വയ്ക്കുമെന്ന് ഉറപ്പിക്കുന്ന വിധത്തിലുള്ള ടീസറാണ് പുറത്തെത്തിയിരിക്കുന്നത്.
മമ്മൂട്ടിയുടെ കൊല്ലുന്ന നോട്ടത്തോടെ അവസാനിക്കുന്ന ടീസര്‍ മഹാനടന്റെ മറ്റൊരു കിടിലന്‍ വില്ലന്‍ വേഷം പ്രേക്ഷകര്‍ക്ക് പ്രതീക്ഷിക്കാമെന്ന് ഉറപ്പുനല്‍കുന്നുണ്ട്. മമ്മൂട്ടിയെക്കൂടാതെ വിനായകന്‍, അസീസ് നെടുമങ്ങാട് എന്നിവരേയും ടീസറില്‍ കാണാം. വേറിട്ട ഗെറ്റപ്പിലെത്തുന്ന വിനായകനും തകര്‍ക്കുമെന്ന് ടീസര്‍ പ്രതീക്ഷ നല്‍കുന്നുണ്ട്.
ദുല്‍ഖര്‍ സല്‍മാന്‍ നായകനായെത്തിയ സൂപ്പര്‍ഹിറ്റ് ചിത്രം 'കുറുപ്പ്'ന്റെ കഥ ഒരുക്കി ശ്രദ്ധ നേടിയ ജിതിന്‍ കെ ജോസ് ആദ്യമായ് സംവിധാനം ചെയ്യുന്ന ഈ ചിത്രം മമ്മൂട്ടി കമ്പനിയുടെ ബാനറില്‍ നിര്‍മ്മിക്കുന്ന ഏഴാമത്തെ ചിത്രം കൂടിയാണ്. നേരത്തെ പുറത്ത് വന്ന, ചിത്രത്തിന്റെ ഫസ്റ്റ് ലുക്ക്, സെക്കന്റ് ലുക്ക് പോസ്റ്ററുകള്‍ സോഷ്യല്‍ മീഡിയയില്‍ വൈറലായി മാറിയിരുന്നു. അധികം വൈകാതെ തന്നെ ചിത്രത്തിന്റെ റിലീസ് അപ്ഡേറ്റും പുറത്ത് വരുമെന്നാണ് സൂചന.
ഫൈസല്‍ അലി ഛായാഗ്രഹണം നിര്‍വഹിച്ചിരിക്കുന്ന ചിത്രത്തിന്റെ സംഗീത സംവിധാനം കൈകാര്യം ചെയ്തിരിക്കുന്നത് മുജീബ് മജീദാണ്. പ്രവീണ്‍ പ്രഭാകര്‍ എഡിറ്റിങ് നിര്‍വഹിക്കുന്ന കളങ്കാവലില്‍ മമ്മൂട്ടി ഗ്രേ ഷെഡിലുള്ള കഥാപാത്രത്തെയാണ് അവതരിപ്പിക്കുന്നതെന്നാണ് റിപ്പോര്‍ട്ടുകള്‍
Premium Lifestyle and Entertainment website
ബിഎഡ് ചെയ്തോണ്ടിരിക്കുന്ന സമയത്ത് ആദ്യ വിവാഹം; ആറ് മാസം മുതല്‍ ചെറിയ പ്രശ്‌നങ്ങള്‍ തുടങ്ങി; പ്രഗ്‌നന്റായ സമയത്ത് കൃത്യമായ ഭക്ഷണം പോലും കിട്ടുന്നില്ലായിരുന്നു; മോള്‍ക്ക് ഒരു വയസും മൂന്ന് മാസവും ആയപ്പോള്‍ നില്‍ക്കാന്‍ പറ്റാത്ത അവസ്ഥയായി;വിദ്യാഭ്യാസമുള്ളത് കൊണ്ട് ആരുടെ മുന്നിലും തല താഴ്ത്താതെ ജീവിക്കാന്‍ കഴിഞ്ഞു; അര്‍ജ്ജുന്റെ ചേട്ടന്റെ ഭാര്യായി എത്തിയ വിദ്യക്ക് പറയാനുള്ളത്
മോളിവുഡ് നടി ദുസരാ വിജയന്‍ കാട്ടാളനിലൂടെ മലയാളത്തിലേക്ക്; പോസ്റ്റര്‍ പുറത്ത്