നവാഗതനായ ഡിനോ ഡെന്നീസ് രചനയും സംവിധാനവും ചെയ്യുന്ന ബസൂക്കയുടെ ഷൂട്ടിങ് തിരക്കുകളിലായിരുന്നു മമ്മൂക്ക. ബസൂക്കയില്‍ പോണി ടെയ്ല്‍ മുടിയുമായി കൂളിങ്ങ് ഗ്‌ളാസില്‍ മാസ് ലുക്കില്‍ മമ്മൂട്ടി പ്രത്യക്ഷപ്പെടുന്ന ഫസ്റ്റ് ലുക്ക് പോസ്റ്റര്‍ ഏറെ ശ്രദ്ധ നേടിയിരുന്നു. ഇപ്പോളിതാ ചിത്രത്തിന്റെ ഷെഡ്യൂള്‍ ബ്രേക്കപ്പ് ആയതിനെ തുടര്‍ന്ന്് നടന്‍ യു.എസിലേക്ക് പോകുന്ന വാര്‍ത്തയാണ് പുറത്ത് വരുന്നത്.
സ്വകാര്യ സന്ദര്‍ശനത്തിനായാണ് മമ്മൂട്ടി അമേരിക്കയിലേക്ക് പോകുന്നത്. ജൂണ്‍ 25ന് യു.എസിലേക്ക് പോകുന്ന മമ്മൂട്ടി ജൂലായ് 10ന് മടങ്ങിവരും. ഇതിനിടെ ആനന്ദ് ടിവി അവാര്‍ഡ് നിശയ്ക്കായി ലണ്ടനിലും നടനെത്തും. ജൂലായ് ആദ്യം ബസൂക്കയുടെ അടുത്ത ഷെഡ്യൂള്‍ കൊച്ചിയില്‍ ആരംഭിക്കാനാണ് തീരുമാനം . ജൂലായ് 15ന് ബസൂക്കയില്‍ വീണ്ടും ജോയിന്‍ ചെയ്യാനാണ് മമ്മൂട്ടിയുടെ തീരുമാനം.
ക്രെം ഡ്രാമ ജോണറില്‍ ഒരുങ്ങുന്ന ബസൂക്കയില്‍ മമ്മൂട്ടി വ്യത്യസ്ത ഗെറ്റപ്പുകളില്‍ പ്രത്യക്ഷപ്പെടുന്നുണ്ട്. തമിഴ് നടന്‍ ഗൗതം മേനോന്‍ പ്രധാന വേഷത്തില്‍ എത്തുന്നുണ്ട്. ജിയോ ബേബി സംവിധാനം ചെയ്യുന്ന കാതല്‍, റോബി വര്‍ഗീസ് രാജ് സംവിധാനം ചെയ്യുന്ന കണ്ണൂര്‍ സ്‌ക്വാഡ് എന്നിവയാണ് മമ്മൂട്ടി നായകനായി റിലീസിന് ഒരുങ്ങുന്ന ചിത്രങ്ങള്‍.
മമ്മൂട്ടി കമ്പനിയുടെ ബാനറില്‍ മമ്മൂട്ടി ആണ് രണ്ട് ചിത്രങ്ങളും നിര്‍മ്മിക്കുന്നത്. ജയറാമിനെ നായകനാക്കി മിഥുന്‍ മാനുവല്‍ തോമസ് സംവിധാനം ചെയ്യുന്ന അബ്രഹാം ഓസ്ലര്‍ എന്ന ചിത്രത്തില്‍ അതിഥി വേഷത്തില്‍ മമ്മൂട്ടി അഭിനയിക്കുന്നുണ്ട്. 15 മിനിട്ടു നീളുന്ന രംഗത്താണ് മമ്മൂട്ടി പ്രത്യക്ഷപ്പെടുന്നത്.രാഹുല്‍ സദാശിവന്‍, മഹേഷ് നാരായണന്‍ എന്നിവരുടെ ചിത്രങ്ങളില്‍ മമ്മൂട്ടി അഭിനയിക്കുന്നുണ്ട്.
Premium Lifestyle and Entertainment website
മരിച്ച് പോയ മനുഷ്യനെ മാനം കെടുത്താന്‍ വിചാരിച്ചിട്ടേയില്ല; സുചിത്രയുടെ വിഷയം കാരണമാണ് വീട്ടില്‍ നിന്ന് ഇറങ്ങിപ്പോയത്; പ്രൊഡക്ഷന്‍ കണ്‍ട്രോളര്‍ സജി സൂര്യയുടെ ആരോപണങ്ങള്‍ക്ക് മറുപടിയുമായി രോണു വീണ്ടും രംഗത്ത്; നിയമപരമായി നീങ്ങുന്നുവെന്ന കുറിപ്പുമായി സുചിത്ര നായരും
ദുല്‍ഖര്‍ സല്‍മാന്‍ - സെല്‍വമണി സെല്‍വരാജ് ചിത്രം 'കാന്ത;' ടീസര്‍ ഇന്നെത്തും; പുറത്ത് വിടുന്നത് ഡിക്യുവിന്റെ പിറന്നാള്‍ ദിനത്തില്‍