ഒരു നടനെ സംബന്ധിച്ചിടത്തോളം വളരുക എന്നതാണ് ലക്ഷ്യം; മലയാള സിനിമയിൽ സജീവമല്ലാത്തിന്റെ കാരണം വെളിപ്പെടുത്തി നടൻ നീരജ് മാധവൻ

മലയാള സിനിമയിലെ ശ്രദ്ധേയനായ യുവതാരമാണ് നീരജ് മാധവ്. നിരവധി സിനിമകളിൽ ശ്രദ്ധേയമായ കഥാപാത്രങ്ങളെ അവതരിപ്പിച്ച  താരം മലയാള സിനിമാ മേഖലയില്‍ ഗൂഢസംഘമുണ്ടെന്ന വെളിപ്പെടുത്തലും നടത്തിയിരുന്നു. എന്നാൽ ഇതിനെല്ലാം പിന്നാലെ  ഒരു അടിപൊളി റാപ്പ് സോങുമായി നടന്‍ നീരജ് മാധവ് എത്തിയിരുന്നു. എന്നാൽ ഇപ്പോൾ സിനിമകളില്‍ താനെന്തുകൊണ്ടാണ് അഭിനയിക്കാത്തതെന്ന് തുറന്നുപറഞ്ഞ് നീരജ് മാധവ്. 

മലയാളത്തില്‍ ഒരിടക്ക് തനിക്ക് ലഭിച്ചത് മുഴുവന്‍ ഒരേ തരത്തിലുള്ള കഥാപാത്രങ്ങളായിരുന്നു എന്നും, ഒരു നടനെന്ന നിലയില്‍ തനിക്കു വളരാന്‍ സാധിക്കുന്നതോ തന്റെ പ്രതിഭ പുറത്തു കൊണ്ട് വരാന്‍ സാധിക്കുന്നതോ ആയ കഥാപാത്രങ്ങള്‍ തന്നെ തേടി വന്നില്ല.അപ്പോള്‍ താന്‍ കുറേ ചിത്രങ്ങള്‍ മനപ്പൂര്‍വം ഒഴിവാക്കിയത് ചിലര്‍ക്കൊന്നും ഇഷ്ടപ്പെട്ടു കാണില്ല എന്നും അങ്ങനെയാവാം തന്നെ ഒഴിവാക്കാന്‍ പലരും തീരുമാനിച്ചതെന്നും നീരജ് സൂചിപ്പിക്കുന്നു. 

എന്നാല്‍ അന്യ ഭാഷകളില്‍ നിന്ന് തന്നെ തേടി ഒട്ടേറെ വ്യത്യസ്തമായ കഥാപാത്രങ്ങള്‍ വന്നെന്നും, ഒരു നടനെ സംബന്ധിച്ചിടത്തോളം വളരുക എന്നതാണ് ലക്ഷ്യമെന്നും അത് എവിടെ നിന്ന് കൊണ്ടായാലും പ്രശ്നമില്ലെന്നും നീരജ് വിശദീകരിച്ചു. ഇപ്പോഴും വ്യത്യസ്തമായ കഥാപാത്രങ്ങളുമായി തന്നെ സമീപിച്ചാല്‍ മലയാളത്തില്‍ സിനിമകള്‍ ചെയ്യുമെന്നും നീരജ് കൂട്ടിച്ചേര്‍ത്തു.ഞാന്‍ മലയാള സിനിമയില്‍ അഭിനയിക്കാത്തതിന്റെ കാരണം ഇത്; തുറന്ന് പറഞ്ഞ് നീരജ് മാധവ്