ഒരു ഹാപ്പി ഫാമിലിയാണ് ഞങ്ങളുടേത്; മകൻ വേദുവിനെ വരദാനമായി ലഭിച്ചതാണ്; വിവാഹം കഴിഞ്ഞ് എട്ട് വർഷത്തിന് ശേഷമാണ് കുഞ്ഞ് ഉണ്ടാവുന്നത്; തുറന്ന് പറഞ്ഞ് നടി പ്രിയ

പൂര്‍ണിമയെ പോലെ തന്നെ ആരാധകര്‍ക്ക് പരിചിതയാണ് സഹോദരി പ്രിയ മോഹനും. മിനിസക്രീനില്‍ വില്ലത്തിയായി  തിളങ്ങിയ പ്രിയ  ഇപ്പോള്‍ സന്തുഷ്ട കുടുംബജീവിതം നയിക്കുകയാണ്. ഭര്‍ത്താവ് നിഹാലും സിനിമാതാരമാണ്.  മുംബൈ പോലീസുള്‍പ്പടെയുള്ള സിനിമകളില്‍ വേഷമിട്ടിട്ടുണ്ട് നിഹാല്‍.  പൂര്‍ണിമയ്ക്കും ഇന്ദ്രജ്ജിത്തിനും ഒപ്പം യാത്രകളില്‍ ഈ താര കുടുംബവും ഉണ്ടാകാറുണ്ട്. ഒരു ഹാപ്പി ഫാമിലി എന്ന യൂട്യൂബ് ചാനലിലൂടെ തങ്ങളുടെ കുടുംബ വിശേഷങ്ങള്‍ പങ്കുവച്ച് ഇവര്‍ എത്താറുണ്ട്. മെഡിക്കല്‍ ഡിസ്്ട്രിബ്യൂഷന്‍ ഫേമുണ്ട്. കോഴിക്കോട് കണ്ണൂര്‍ കേന്ദ്രമായാണ് ഇത് പ്രവര്‍ത്തിക്കുന്നത്. അഞ്ചാറ് സിനിമകളില്‍ അഭിനയിച്ചിട്ടുണ്ട്. അവസരം കിട്ടാത്തത് കൊണ്ടാണ് ഇപ്പോള്‍ അഭിനയിക്കാത്തത്. മോഡലിംഗും ചെയ്യാറുണ്ട്.

 ആദ്യം  തന്നെ മിനിസ്‌ക്രീൻ പ്രേക്ഷകരുടെ മനസ്സിൽ ഓടിയെത്തുന്നതും വില്ലത്തി കഥാപാത്രങ്ങളാണ്. മികച്ച സ്വീകാര്യയായിരുന്നു താരത്തിന് ലഭിച്ചത്. ചേച്ചിക്കൊപ്പം മോഡലിംഗിൽ ഇടയ്ക്ക്  പ്രിയയും സജീവമായിരുന്നു. നിഹാൽ പിള്ളയുമായുള്ള വിവാഹത്തിന് ശേഷം പ്രിയയെ പിന്നീട് അധികം കണ്ടിരുന്നില്ല.പൂർണ്ണിമയും കുടുംബവുമായി നല്ല ബന്ധമാണ് പ്രിയക്കുള്ളത്. പ്രീയക്കും നിഹാലിനും കുഞ്ഞ് ജനിച്ചകാര്യമൊക്കെ പൂർണ്ണിമയാണ് ആരാധകരെ അറിയിച്ചത്. എന്നാൽ ഇപ്പോൾ  പണം തരും പടം എന്ന പരിപാടിയിൽ പങ്കെടുക്കാൻ പ്രിയയും നിഹാലും ഒരുമിച്ചെത്തി. അവതാരകന്റെ ചോദ്യങ്ങൾക്ക് മറുപടി പറയവേ മകന്റെ ജനനത്തെ കുറച്ചും വിവാഹത്തെ കുറിച്ചുമൊക്കെ താരങ്ങൾ സംസാരിച്ചു. വാക്കുകളിങ്ങനെ

ഒരു ഹാപ്പി ഫാമിലിയാണ് ഞങ്ങളുടേത്. മകൻ വേദു. വർദാൻ എന്നാണ് ശരിക്കും പേര്. അവനെ വരദാനമായി ലഭിച്ചത്. വിവാഹം കഴിഞ്ഞ് എട്ട് വർഷത്തിന് ശേഷമാണ് കുഞ്ഞ് ഉണ്ടാവുന്നത്. അതിന് മുൻപ് പ്രിയ ഗർഭിണിയായെങ്കിലും അത് അബോർഷനായി പോയി. അതിന് ശേഷമാണ് വേദു ഉണ്ടാവുന്നത്. അങ്ങനെ അവൻ വന്നത് ഒരു വരദാനമായിട്ടാണ്. ജനിച്ചതിന് ശേഷം വേദുവിന്റെ മുടി മുറിച്ചിട്ടില്ല. മൂന്ന് വയസായി. അടുത്തിടെയാണ് ചെറുതായിട്ടൊന്ന് മുറിച്ചത്. മകനെ ഗർഭിണിയായിരിക്കുന്ന സമയത്ത് സ്‌കാനിങ്ങിന് പോയപ്പോഴെ ഡോക്ടർ പറഞ്ഞിരുന്നു എന്തൊരു മുടിയാണെന്ന്.