തെലുങ്ക് സൂപ്പര്താരം നാനിയുടെ 32 മത് ചിത്രം 'ഹിറ്റ് 3' ടീസര് പുറത്ത്. നാനിയുടെ ജന്മദിനം പ്രമാണിച്ചാണ് ഈ ടീസര് റിലീസ് ചെയ്തിരിക്കുന്നത്. നാനി അവതരിപ്പിക്കുന്ന അര്ജുന് സര്ക്കാര് എന്ന കഥാപാത്രത്തെ അവതരിപ്പിക്കുന്ന ടീസറിനു സര്ക്കാരിന്റെ ലാത്തി എന്ന ടൈറ്റില് ആണ് നല്കിയിരിക്കുന്നത്. ഡോക്ടര് ശൈലേഷ് കോലാനു സംവിധാനം ചെയ്യുന്ന ഈ ചിത്രം നിര്മിക്കുന്നത് വാള് പോസ്റ്റര് സിനിമയുടെ ബാനറില് പ്രശാന്തി തിപിര്നേനിക്കൊപ്പം നാനിയുടെ യുനാനിമസ് പ്രൊഡക്ഷന്സും ചേര്ന്നാണ്. 2025 മെയ് ഒന്നിന് ചിത്രം ആഗോള റിലീസായെത്തും. ശ്രീനിധി ഷെട്ടിയാണ് ചിത്രത്തിലെ നായിക.
അതിശക്തമായ പോലീസ് കഥാപാത്രമായാണ് നാനിയെ ടീസറില് അവതരിപ്പിച്ചിരിക്കുന്നത്. അര്ജുന് സര്ക്കാര് എന്ന നായക കഥാപാത്രത്തിന്റെ പരുഷമായ സ്വഭാവം പ്രതിഫലിപ്പിക്കുന്ന രീതിയില് ആക്ഷനും പഞ്ച് ഡയലോഗുകളും രക്തരൂക്ഷിതമായ രംഗങ്ങളും നിറഞ്ഞ ടീസര് ആണ് അണിയറ പ്രവര്ത്തകര് പുറത്ത് വിട്ടിരിക്കുന്നത്. ഒരു സാധാരണ ആക്ഷന് ഹീറോ എന്നതിലും കൂടുതല് ആഴമുള്ള കഥാപാത്രമാണ് അര്ജുന് സര്ക്കാര് എന്ന സൂചനയാണ് ചിത്രത്തിന്റെ പോസ്റ്ററുകളും ഇപ്പൊള് വന്ന ടീസറും നല്കുന്നത്. പോലീസ് ഫോഴ്സിനെ ഒന്നാകെ അലട്ടുന്ന ഒരു കൊലപാതക പരമ്പര അന്വേഷിക്കാന് എത്തുന്ന നായക കഥാപാത്രമായാണ് നാനി അഭിനയിക്കുന്നത്. നാനിയുടെ കരിയറിലെ തന്നെ ഏറ്റവും വയലന്സ് ഉള്ള ചിത്രവും കഥാപാത്രവും ആയിരിക്കും ഇതെന്നും ടീസര് സൂചിപ്പിക്കുന്നുണ്ട്.
ഗംഭീരമായ സാങ്കേതിക സംഘത്തിന്റെ പിന്തുണയോടെ ഒരു വമ്പന് സിനിമാ അനുഭവം നല്കാനുള്ള ഒരുക്കത്തിലാണ് അണിയറ പ്രവര്ത്തകര്. ഛായാഗ്രഹണം - സാനു ജോണ് വര്ഗീസ്, സംഗീതം - മിക്കി ജെ മേയര്, എഡിറ്റര് - കാര്ത്തിക ശ്രീനിവാസ് ആര്, പ്രൊഡക്ഷന് ഡിസൈനര് - ശ്രീ നാഗേന്ദ്ര തങ്കാല, രചന - ശൈലേഷ് കോലാനു, എക്സിക്യൂട്ടീവ് പ്രൊഡ്യൂസര് - എസ് വെങ്കിട്ടരത്നം (വെങ്കട്ട്), ശബ്ദമിശ്രണം: സുരന് ജി, ലൈന് പ്രൊഡ്യൂസര് - അഭിലാഷ് മന്ദധ്പു, ചീഫ് കോ-ഡയറക്ടര് -വെങ്കട്ട് മദ്ദിരാല, കോസ്റ്റ്യൂം ഡിസൈനര് - നാനി കമരുസു, SFX- സിങ്ക് സിനിമ, വിഎഫ്എക്സ് സൂപ്പര്വൈസര്: VFX DTM, ഡിഐ: B2h സ്റ്റുഡിയോസ്, കളറിസ്റ്റ് - എസ് രഘുനാഥ് വര്മ്മ, മാര്ക്കറ്റിംഗ് - ഫസ്റ്റ് ഷോ, പിആര്ഒ - ശബരി.'
Premium Lifestyle and Entertainment website
വായില് തോന്നിയത് വിളിച്ച് പറയുകയാണ്; തെളിയിച്ചാല് നിങ്ങള്ക്ക് എന്നെ കല്ലെറിഞ്ഞ് കൊല്ലാം; കുഞ്ഞിനെ എനിക്ക് തിരിച്ചു തരണം; സജ്നയുടെ ആരോപണങ്ങള്ക്ക് പിന്നാലെ ഫിറോസ് രംഗത്ത്; ദിയ സനയ്ക്കും ആന് മരിയയ്ക്കും എതിരെ ഗുരുതര ആരോപണങ്ങളുമായി സജ്ന
ചികില്സയ്ക്കായി പണം പിരിക്കണമെന്ന് താന് ആരോടും പറഞ്ഞിട്ടില്ല; ഒരിക്കലും ഒരു പിരിവ് ആവശ്യപ്പെടുന്ന വ്യക്തിയല്ല;കാന്സറിന്റെ പേരില് പണപ്പിരിവ് ; വ്യാജ പ്രചാരണങ്ങള്ക്കെതിരെ വീഡിയോയുമായി രേണു സുധി; രേണുവിന്റെ പേരില് ചെയ്ത വീഡിയോയില് നിന്ന് കിട്ടിയ വരുമാനത്തിന്റെ ഒരു വിഹിതം നല്കുമെന്ന് യുട്യൂബര് സായ് കൃഷ്ണ
മരണം പുല്കുമ്പോള് തന്നെ ചാരമാക്കി മാറ്റണം; മക്കള് പോലും അറിയരുത്; ബന്ധുക്കള് പിന്നെ അറിഞ്ഞാല് മതി; ഒരു റീത്തും വേണ്ട; അവര് കാരണം ഗതികേട് മാത്രമേ ഉണ്ടായിട്ടുള്ളൂ; തന്റെ മരണാനന്തര ചടങ്ങുകളെക്കുറിച്ച് കുറിപ്പുമായി മഹേഷ് നായര്; സോഷ്യല് മീഡിയയില് ചര്ച്ച