മെഗാസ്റ്റാര് മമ്മൂട്ടിയെയും തെന്നിന്ത്യന് താരം ജ്യോതികയെയും നായികാനായകന്മാരാക്കി ജിയോ ബേബി സംവിധാനം ചെയ്യുന്ന മലയാള ചിത്രമാണ് 'കാതല് ദി കോര്'. ചിത്രത്തിന്റെ അന്നൗണ്സ്മെന്റ് വന്നത് മുതല് പ്രേക്ഷകശ്രദ്ധ നേടിയ ഒരു സിനിമയാണിത്. പ്രേക്ഷകരുടെ കാത്തിരിപ്പിന് വിരാമമിട്ടുകൊണ്ട് ചിത്രത്തിന്റെ റിലീസ് ഡേറ്റ് പുറത്തുവിട്ടു. നവംബര് 23 മുതല് ചിത്രം തിയറ്ററുകളിലെത്തും. മമ്മൂട്ടി കമ്പനിയുടെ ബാനറില് നിര്മ്മിച്ച ഈ സിനിമ ദുല്ഖര് സല്മാന്ന്റെ ഉടമസ്ഥതയിലുള്ള വേഫേറെര് ഫിലിംസാണ് കേരളത്തില് വിതരണത്തിനെത്തിക്കുന്നത്.
'കണ്ണൂര് സ്ക്വാഡ്'ന്റെ വന് വിജയത്തിന് ശേഷം മമ്മൂട്ടി കമ്പനിയുടെ ബാനറില് എത്തുന്ന 'കാതല് ദി കോര്' വ്യത്യസ്തമായൊരു കാഴ്ചാനുഭവം പ്രേക്ഷകന് സമ്മാനിക്കും എന്നാണ് നിര്മ്മാതാക്കള് അവകാശപ്പെടുന്നത്. മമ്മൂട്ടി കമ്പനിയുടെ ബാനറില് ഒരുങ്ങുന്ന സിനിമകള് എല്ലായിപ്പോഴും പ്രേക്ഷകരെ വിസ്മയിപ്പിച്ചിട്ടേയൊള്ളൂ. റോഷാക്കും നന്പകന് നേരത്തെ മയക്കവും വലിയ രീതിയില് സ്വീകാര്യത നേടിയിരുന്നു. 100 കോടി ബിസിനസ്സുമായി 2023ലെ മികച്ച ചിത്രങ്ങളില് ഇടം നേടി 'കണ്ണൂര് സ്ക്വാഡ്' ആറാം വാരത്തിലും തിയറ്ററുകളില് മുന്നേറിക്കൊണ്ടിരിക്കുകയാണ്. അടുത്തിടെയാണ് 'ടര്ബോ'യുടെ ഫസ്റ്റ് ലുക്ക് പുറത്തുവിട്ടത്. മമ്മൂട്ടി കമ്പനിയുടെ ബാനറില് നിര്മ്മിക്കുന്ന അഞ്ചാമത്തെ സിനിമയാണ് 'ടര്ബോ'.
മമ്മൂട്ടിയോടൊപ്പം വീണ്ടും അഭിനയിച്ചുകൊണ്ട് വര്ഷങ്ങളുടെ ഇടവേളക്ക് ശേഷം 'കാതല് ദി കോര്'ലൂടെ മലയാളത്തിലേക്ക് തിരിച്ചെത്തുകയാണ് ജ്യോതിക. 2009-ല് പുറത്തിറങ്ങിയ 'സീതാകല്യാണം' ആണ് ജ്യോതിക ഒടുവിലായി അഭിനയിച്ച മലയാള ചിത്രം. ചിത്രത്തില് മാത്യു ദേവസി എന്ന കഥാപാത്രമായി മമ്മൂട്ടി എത്തിയപ്പോള് ദേവസിയുടെ ഭാര്യയായിട്ടാണ് ജ്യോതിക പ്രത്യക്ഷപ്പെട്ടത്.
'കാതല് ദി കോര്'ന്റെ ഫസ്റ്റ് ലുക്കും സെക്കന്ഡ് ലുക്കും രണ്ട് വികാരങ്ങളാണ് പ്രതിഫലിപ്പിക്കുന്നത്. ഫസ്റ്റ് ലുക്ക് പോസ്റ്ററില് വളരെ സന്തോഷപ്പെട്ട കുടുംബാങ്ങളെപോലെ പ്രത്യക്ഷപ്പെട്ട മമ്മൂട്ടിയുടേയും ജ്യോതികയുടെയും കഥാപാത്രങ്ങള് സെക്കന്ഡ് ലുക്കില് അല്പം ഗൗരവത്തിലാണ്. കാതലിന്റെ പ്രമേയം തന്നെ ഏറെ ആകര്ഷിച്ച ഒന്നാണെന്ന് തെന്നിന്ത്യന് താരവും ജ്യോതികയുടെ ഭര്ത്താവുമായ സൂര്യ അഭിപ്രായപ്പെട്ടിരുന്നു. ആദര്ശ് സുകുമാരനും പോള്സണ് സക്കറിയയും ചേര്ന്നാണ് 'കാതല് ദി കോര്'ന്റെ തിരക്കഥ തയ്യാറാക്കിയിരിക്കുന്നത്.
മുത്തുമണി, ചിന്നു ചാന്ദിനി, സുധി കോഴിക്കോട്, അലിസ്റ്റര് അലക്സ്, അനഘ അക്കു, ജോസി സിജോ, ആദര്ശ് സുകുമാരന് തുടങ്ങിയവര് പ്രധാന വേഷങ്ങളിലെത്തുന്ന ചിത്രത്തിന്റെ ഛായാഗ്രാഹണം സാലു കെ തോമസ്സാണ് നിര്വ്വഹിക്കുന്നത്. എക്സിക്യൂട്ടീവ് പ്രൊഡ്യൂസര് എസ്. ജോര്ജ്.
എഡിറ്റിംങ്: ഫ്രാന്സിസ് ലൂയിസ്, സംഗീതം: മാത്യൂസ് പുളിക്കന്, ഗാനരചന: അന്വര് അലി, ജാക്വിലിന് മാത്യു, കലാസംവിധാനം: ഷാജി നടുവില്, ലൈന് പ്രൊഡ്യൂസര്: സുനില് സിംഗ്, പ്രൊഡക്ഷന് കണ്ട്രോളര്: ഡിക്സണ് പൊടുത്താസ്, സൗണ്ട് ഡിസൈന്: ടോണി ബാബു, വസ്ത്രാലങ്കാരം: സമീറാ സനീഷ്, മേക്കപ്പ്: അമല് ചന്ദ്രന്, കോ ഡയറക്ടര്: അഖില് ആനന്ദന്, ചീഫ് അസോസിയേറ്റ് ഡയറക്ടര്: മാര്ട്ടിന് എന്. ജോസഫ്, കുഞ്ഞില മാസിലാമണി, പ്രൊഡക്ഷന് എക്സിക്യുട്ടീവ്: അസ്ലാം പുല്ലേപ്പടി, സ്റ്റില്സ്: ലെബിസണ് ഗോപി, ഓവര്സീസ് വിതരണം ട്രൂത്ത് ഗ്ലോബല് ഫിലിംസ്, ഡിജിറ്റല് മാര്ക്കറ്റിംഗ് വിഷ്ണു സുഗതന്, പബ്ലിസിറ്റി ഡിസൈനര്: ആന്റണി സ്റ്റീഫന്, പിആര്ഒ: ശബരി.
Premium Lifestyle and Entertainment website
നിന്റെ ആക്ഷന് രംഗങ്ങളൊക്കെ 'വേറെ ലെവല്; ഫ്ലെക്സിബിലിറ്റിയും ചടുലതയും സ്ക്രീന് പ്രസന്സും ശരിക്കും അസാധ്യമായിരുന്നു; ഒരു നായിക എങ്ങനെയായിരിക്കണം എന്നതിനെക്കുറിച്ചുള്ള സ്റ്റീരിയോടൈപ്പ് സങ്കല്പ്പങ്ങളെല്ലാം നീ തിരുത്തിക്കുറിച്ചിച്ചു; പുലിക്ക് ജനിച്ചത് പൂച്ചയാവില്ലല്ലോ? വിസ്മയയെ പ്രശംസിച്ച് ലിസിയുടെ കുറിപ്പ് ഇങ്ങനെ
സെന്റ് തെരേസാസിനെ 'ഇളക്കിമറിച്ച്' ഫഹദിന്റെ ഡാന്സ്; ഫഹദ് ഫാസില് ചിത്രം 'ഡോണ്ട് ട്രബിള് ദി ട്രബിള്' ലെ 'കേക്ക് യു വാക്ക് യു' ഗാനത്തിന് ആവേശകരമായ ലോഞ്ച്