മമ്മൂട്ടിയെ നായകനാക്കി അജയ് വാസുദേവ് സംവിധാനം ചെയ്യുന്ന 'ഷൈലോക്കി'ന്റെ ടീസര് പുറത്തെത്തി. ചിത്രത്തിന്റെ മാസ് എന്റര്ടെയ്നര് സ്വഭാവം വെളിപ്പെടുത്തുന്നതാണ് 1.24 മിനിറ്റ് ദൈര്ഘ്യമുള്ള ടീസര്. ഒരു വില്ലന് എന്ന് തോന്നിക്കുന്ന കഥാപാത്രമാണ് മമ്മൂട്ടിയുടേതെന്ന് ടീസര് വ്യക്തമാക്കുന്നു. ടീസര് ഇതിനോടകം തന്നെ ട്രെന്റിങില് ഒന്നാം സ്ഥാനം നേടിക്കഴിഞ്ഞു.
കറുത്ത ഷര്ട്ടും വെള്ളി ചെയിനും കടുക്കനും കൂളിങ് ഗ്ലാസും അണിഞ്ഞ് സ്റ്റൈലിഷ് ലുക്കിലാണ് താരം എത്തുന്നത്. രാജാധിരാജ, മാസ്റ്റര്പീസ് എന്നീ ചിത്രങ്ങള്ക്ക് ശേഷം മമ്മൂട്ടിയും അജയ് വാസുദേവും ഒന്നിക്കുന്ന ചിത്രമാണിത്.'
അനീഷ് ഹമീദ്, ബിബിന് മോഹന് എന്നീ നവാഗതരുടേതാണ് തിരക്കഥ. മീന, രാജ്കിരണ്, ബിബിന് ജോര്ജ്, ബൈജു, സിദ്ദിഖ്, കലാഭവന് ഷാജോണ്, ഹരീഷ് കണാരന്, ജോണ് വിജയ് എന്നിവര് വിവിധ കഥാപാത്രങ്ങളെ അവതരിപ്പിക്കുന്നു. കൊച്ചിയും കോയമ്പത്തൂരുമായിരുന്നു പ്രധാന ലൊക്കേഷനുകള്. ഗുഡ്വില് എന്റര്ടെയ്ന്മെന്റ്സിന്റെ ബാനറില് ജോബി ജോര്ജ് ആണ് നിര്മ്മാണം.
ക്രിസ്മസ് റിലീസ് ആയി ആദ്യം പ്ലാന് ചെയ്തിരുന്ന ചിത്രം ജനുവരിയിലേക്ക് നീട്ടുകയായിരുന്നു. മറ്റൊരു മമ്മൂട്ടി ചിത്രമായ 'മാമാങ്കം' നേരത്തേ തീരുമാനിച്ചിരുന്നതില്നിന്ന് റിലീസ് നീട്ടിയതിനെത്തുടര്ന്നായിരുന്നു ഇത്. ഗോപി സുന്ദറാണ് ചിത്രത്തിന് സംഗീതം ഒരുക്കിയിരിക്കുന്നത്.
Premium Lifestyle and Entertainment website
ഒരു പെണ്ണും കൂടി വേണമെന്ന് അമ്മ പറയുമായിരുന്നു; കാത്തിരുന്നു കിട്ടിയതോ ഞാനും; എന്നിലെ സ്ത്രീയെ ആദ്യം കണ്ടുപിടിച്ച അമ്മക്ക് മുന്നില് കാലങ്ങള്ക്ക് ശേഷം ഒരു പെണ്കുട്ടിയായി നില്ക്കാന് നേരിട്ട വെല്ലുവിളികള് ചെറുതല്ല; കുറിപ്പുമായി രഞ്ജു രഞ്ജിമാര്
സാധാരണ മീന് കച്ചവടക്കാരന്റെ മകളായ ഞാന് ഇവിടെ നില്ക്കുന്നുണ്ടെങ്കില് അതിന് കാരണം തോറ്റു കൊടുക്കില്ല എന്ന വാശിയും, ജീവിക്കാനുള്ള എന്റെ ആഗ്രഹവുമാണ്;എനിക്കെവിടെ നിന്നാണ് ഇത്രയും കാശ് എന്നു ചോദിക്കുന്നവരുണ്ട്: യൂറോപ്യന് യാത്രാ വിശേഷങ്ങളുമായി ജാസ്മിന്