സാഹസീകമായ സ്റ്റണ്ടുരംഗം ചിത്രീകരിക്കുന്നതിനിടയില് ഹോളിവുഡ് താരം വിന്ഡീസലിന്റെ ഡ്യൂപ്പ് 30 താഴേയ്ക്ക് വീണു പരിക്കേറ്റു. ഫാസ്റ്റ് ആന്റ് ഫ്യൂരിയസ് പരമ്പരയിലെ ഒമ്പതാം ചിത്രം ചെയ്യുന്നതിനിടയിലാണ് അപകടം. ഹെര്ട്ട്ഫോര്ഡ്ഷെയറിലെ ലീവ്സ്ഡന്നിലെ വാര്നര് ബ്രസ് സ്റ്റുഡിയോയിലെ സെറ്റില് സിനിമ ചിത്രീകരിക്കുന്നതിനിടയില് 30 അടി താഴ്ചയിലേക്ക് സ്റ്റണ്ട് മാന് വീണു പോകുകയായിരുന്നു.
തലയ്ക്ക് സാരമായി പരിക്കേറ്റിട്ടുണ്ടെന്നാണ് വിവരം. കൂടുതല് കാര്യങ്ങള് പുറത്തുവന്നിട്ടില്ല. സ്റ്റണ്ട്മാന്റെ പേരു വിവരവും പുറത്തുവിട്ടിട്ടില്ല. അപകടം നടക്കുമ്പോള് സ്റ്റണ്ട്മാന്റെ കുടുംബവും സെറ്റിലുണ്ടായിരുന്നു. ഇവര് നോക്കി നില്ക്കേയാണ് സംഭവം ഉണ്ടായത്. സംഭവത്തിന് സാക്ഷ്യം വഹിച്ച വിന്ഡീസല് ഞെട്ടിത്തരിച്ചതായും കരഞ്ഞുപോകുകയും ചെയ്തതായി റിപ്പോര്ട്ടില് പറയുന്നു. അപകടം നടന്നപ്പോള് തന്നെ പോലീസും രക്ഷാപ്രവര്ത്തകരും ചേര്ന്ന് എയര് ആംബുലന്സില് റോയല് ലണ്ടന് ആശുപത്രിയിലേക്ക് കൊണ്ടുപോയി.
വിന്ഡീസലിന്റെ സിനിമയില് സ്റ്റണ്ട് മാന് അപകടത്തില് പെടുന്ന സംഭവം ഇതാദ്യമല്ല. നേരത്തേ 2002 ല് പുറത്തു വന്ന ട്രിപ്പിള് എക്സ് സിനിമയുടെ സെറ്റില് വെച്ച് വിന്ഡീസലിന്റെ ഡ്യൂപ്പ് ഹാരി ഒ കോണര് അപകടത്തില് പെട്ട് മരിച്ചിരുന്നു. ചെക്ക് തലസ്ഥാനമായ പ്രാഗിലെ സെറ്റില് വെച്ച് പാരാഗ്ളൈഡിംഗ് ചിത്രീകരിക്കുന്നതിനിടയിലാണ് താരത്തിന് പകരം ഇക്കാര്യം ചെയ്ത ഒകോണര് മരണത്തിന് കീഴടങ്ങിയത്.
മുന് നേവി ഉദ്യോഗസ്ഥനും മികച്ച സ്കൈ ഡൈവറുമായിട്ടും ഒകോണര് പാലാകി പാലത്തിന്റെ തൂണില് ഒകോണര് ഇടിക്കുകയായിരുന്നു. ഇടിയുടെ ആഘാതത്തില് കഴുത്തൊടിഞ്ഞായിരുന്നു മരണം. 2013 ല് സിനിമയിലെ താരമായ പോള് വാള്ക്കറും അപകടത്തില് മരിക്കുന്നത് ഫാസ്റ്റ് ആന്റ് ഫ്യൂരിയസ് സിനിമയ്ക്കിടയിലായിരുന്നു. അന്ന് പോള് വാര്ക്കര് വന്ന വാഹനം മരത്തില് ഇടിക്കുകയായിരുന്നു.
Premium Lifestyle and Entertainment website
സര്ജറിക്ക് മുമ്പും അച്ഛനെ അമ്മ തല്ലി; കാര്യങ്ങള് തിരക്കുന്നവര്ക്കായി തെളിവുകള് പുറത്തുവിട്ട് സിന്ധു കൃഷ്ണ;വിമര്ശനങ്ങള്ക്കുള്ള മറുപടി ചേര്ത്ത് പുറത്തിറക്കിയ വ്ളോഗിന് പിന്നാലെ വീണ്ടും വിവാദം; മക്കള്ക്ക് ഡാന്സിലെ സെന്റര് സ്റ്റേജ് പിടിച്ച് വാങ്ങിയപ്പോള് സ്വന്തം കഴിവിന് വേണ്ടത്ര അംഗീകാരം ലഭിക്കാതെ പോയ കുറച്ച് പേരുണ്ടെന്നും കര്മ തിരിച്ചടിക്കുമെന്ന കമന്റും ചര്ച്ച
കരിയറില് അടുത്ത ചുവടുവയ്ക്കേണ്ട സമയമായി; അതുപോലൊരു അവസ്ഥയിലൂടെയാണ് കടന്നുപോകുന്നത്; 'ഉപ്പും മുളകും' പരമ്പരയില് ഇനി ഇല്ലെന്ന് ഗൗരി ഉണ്ണിമായ; ചെറിയ ഇടവേള എടുക്കാന് തീരുമാനിച്ചെന്ന് സിദ്ധാര്ത്ഥ് പ്രഭുവും; താരങ്ങള് ബിഗ് ബോസിലേക്കോ എന്ന ചോദ്യവുമായി സോഷ്യല്മീഡിയയും