തിരഞ്ഞെടുപ്പില്‍ ആര് ജയിക്കുമെന്ന് ജയസൂര്യ; ആ.. എനിക്ക് അറിയില്ലെമന്ന് മറുപടി നല്‍കി കുട്ടിക്കുറുമ്പിയും; ലൊക്കേഷന്‍ സെറ്റിലെ ചിരിപടര്‍ത്തുന്ന വിഡിയോ പങ്കുവച്ച് താരം; ഏറ്റെടുത്ത് സോഷ്യല്‍ മീഡിയയും 

എല്ലാവരും ഉറ്റുനോക്കിയ ലോക്‌സഭാ തിരഞ്ഞെടുപ്പ് റിസള്‍ട്ടിനിടയിലും ചിരിപടര്‍ത്തുന്നത് നടന്‍ ജയസൂര്യ ഒരു കുട്ടിക്കുറുമ്പിക്കൊപ്പമുള്ള വീഡിയോയാണ്. വോട്ടെണ്ണല്‍ തലേന്ന് ജയസൂര്യയുടെ പുതിയ ചിത്രത്തിന്റെ ഷൂട്ടിംഗ് ലൊക്കേഷനില്‍ ചിത്രീകരിച്ച വിഡിയോ ആണിത്. ജയസൂര്യ ഒരു കൊച്ചുകുട്ടിയോട് ആര് ജയിക്കുമെന്നു ചോദിക്കുന്നതും കുട്ടിയുടെ രസികന്‍ മറുപടിയുമാണ് ഈ വിഡിയോയുമാ ഹൈലൈറ്റ്. 

UDF, LDF, BJP ആര് ജയിക്കും? നടന്‍ ജയസൂര്യയുടെ ചോദ്യത്തിന് ആദ്യം 'എനിക്കറിയാന്‍ പാടില്ല' എന്ന സത്യസന്ധമായി ആ മോള്‍ ഉത്തരം നല്‍കി. അതെന്താ അറിയാന്‍ പാടില്ലാത്തതെന്നായി ജയസൂര്യ. അപ്പോഴത്തെ കുട്ടിക്കുറുമ്പിയുടെ ഉത്തരമായിരുന്നു സൂപ്പര്‍ 'പ്രായമായില്ല' എന്ന് കുട്ടി പറഞ്ഞതും അതെന്താ പ്രായമാകാത്തതെന്നായി ചോദ്യം. 

സോഷ്യല്‍ മീഡിയയിലാണ് ഈ കുട്ടിക്കുറുമ്പിയുടെ മറുപടി നിറഞ്ഞ് നില്‍ക്കുന്നത്. ജയസൂര്യ ചിത്രത്തിന്റെ ലൊക്കേഷനില്‍ നിന്നുമാണ് ഈ രസകരമായ കാഴ്ച. എത്ര മണിക്ക് പ്രായമാകും എന്ന് ചോദിക്കുമ്പോഴും ഉണ്ട് നല്ല മറുപടി. നാളെ തനിക്ക് പ്രായമാകുമെന്നും, അന്നേരം പറയാമെന്നുമായിരുന്നു മറുപടി. കുറുമ്പും കുസൃതിയും നിറഞ്ഞ ഈ വിഡിയോയ്ക്ക് ഒരുപാട് കാഴ്ചക്കാരാണ്.