മോഹന്‍ലാല്‍ വീണ്ടും കന്നഡ ചിത്രത്തില്‍ അഭിനയിക്കുന്നതായി റിപ്പോര്‍ട്ട്. ധ്രുവ സര്‍ജ പ്രധാന കഥാപാത്രമാകുന്ന പുതിയ ചിത്രത്തിലൂടെയാകും നടന് വീണ്ടും കന്നഡയിലേക്ക് എത്തുക. ചിത്രത്തില്‍ ഏറെ പ്രാധാന്യമുള്ള കാമിയോ വേഷത്തിലാകും നടന് എത്തുക എന്നാണ് സൂചന.
കഴിഞ്ഞ ദിവസം സിനിമയുടെ സംവിധായകന്‍ പ്രേം മോഹന്‍ലാലിനൊപ്പം നില്ക്കുന്ന ട്വിറ്ററില്‍ പങ്കുവെച്ചിരുന്നു. 'എനിക്ക് പറയാന്‍ വാക്കുകള്‍ കിട്ടുന്നില്ല. ഇന്ത്യന്‍ സിനിമയിലെ സൂപ്പര്‍ താരമാണെങ്കിലും മോഹന്‍ലാല്‍ സാര്‍ ഏറെ എളിമയുള്ള വ്യക്തിയാണ്. നിങ്ങളുടെ പിന്തുണ ഞങ്ങളെ കൂടുതല്‍ ഉയരങ്ങളിലേക്ക് നയിക്കുന്നു' എന്നാണ് പ്രേം കുറിച്ചത്.
ധ്രുവിന്റെ പുതിയ ചിത്രം ഈ മാസം 20ന് പ്രഖ്യാപിക്കുമെന്നും അദ്ദേഹം അറിയിച്ചു. ഈ ട്വീറ്റിന് പിന്നാലെയാണ് മോഹന്‍ലാല്‍ വീണ്ടും കന്നഡ സിനിമയില്‍ അഭിനയിക്കുന്നുവെന്ന റിപ്പോര്‍ട്ടുകള്‍ വന്നത്. മോഹന്‍ലാലിന്റെ മൂന്നാം കന്നഡ ചിത്രമായിരിക്കുമിത്.
2004ല്‍ രാജേന്ദ്ര സിംഗ് ബാബു സംവിധാനം ചെയ്ത 'ലവ്' എന്ന സിനിമയിലൂടെയാണ് മോഹന്‍ലാല്‍ ആദ്യമായി കന്നഡയില്‍ അഭിനയിക്കുന്നത്. മോഹന്‍ നായര്‍ എന്ന കഥാപാത്രമായാണ് നടന് ചിത്രത്തിലെത്തിയത്. പിന്നീട് 2015ല്‍ 'മൈത്രി' എന്ന ചിത്രത്തിലും നടന് അഭിനയിച്ചു. പുനീത് രാജ്കുമാര്‍, ഭാവന, അതുല്‍ കുല്‍ക്കര്‍ണി തുടങ്ങിയവരും സിനിമയില്‍ മറ്റു പ്രധാന വേഷങ്ങളിലെത്തിയിരുന്നു.
നിലവില്‍ വൈശാഖ് സംവിധാനം ചെയ്യുന്ന 'മോണ്‍സ്റ്റര്‍' ആണ് മോഹന്‍ലാലിന്റേതായി റിലീസിന് ഒരുങ്ങുന്ന സിനിമ. ഒക്ടോബര്‍ 21-ന് ദീപാവലി റിലീസായാണ് സിനിമ എത്തുക. ഉദയ്കൃഷ്ണയാണ് ചിത്രത്തിന് തിരക്കഥയൊരുക്കുന്നത്. തെലുങ്ക് നടന് മോഹന്‍ബാബുവിന്റെ മകളും നടിയുമായ ലക്ഷ്മി മഞ്ജുവാണ് നായിക. ലക്ഷ്മിയുടെ ആദ്യ മലയാള സിനിമ കൂടിയാണിത്. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് നിര്‍മിക്കുന്നത്‌
Premium Lifestyle and Entertainment website
പഠിക്കാന്‍ മിടുക്കരാണോ? പണമില്ലെങ്കിലും മമ്മൂട്ടി കൂടെയുണ്ട്; വിദ്യാമൃതം-5 സൗജന്യവിദ്യാഭ്യാസ പദ്ധതിക്ക് തുടക്കം
പുതിയ വീടിന്റെ പണി പൂര്‍ത്തയായി; പാലുകാച്ച് നിശ്ചയിച്ചിരുന്നത് ഈ മാസം 28ന്; പക്ഷേ വിധിച്ചത്; അച്ഛനുറങ്ങുന്ന മണ്ണില്‍ രഞ്ജിതയ്ക്കും അന്ത്യനിദ്ര; കണ്ണീരണിഞ്ഞ് നാട്ടുകാരും കുടുംബവും
കൂട്ടുകാരികളെ കണ്ട് പൊട്ടിക്കരഞ്ഞ് രഞ്ജിതയുടെ മകള്‍ ഇതിക; കരയല്ലേ... നിനക്ക് ഇനി ഞങ്ങളുണ്ട്; ആശ്വാസവാക്കുകളുമായി കൂട്ടുകാരികള്‍; കൂട്ടുകാരികള്‍ നല്‍കിയ മാനസിക കരുത്തും സ്‌നേഹവും മാതൃകയായി സ്‌നേഹബന്ധം