ഒരു കാലത്ത് മലയാളത്തില് ഉള്പ്പെടെ തെന്നിന്ത്യന് സിനിമകളില് നിറ സാന്നിധ്യമായിരുന്നു പ്രിയ രാമന്. ഇപ്പോള് സിനിമയുടെ ലോകത്ത് സജീവമല്ലെങ്കിലും പ്രിയ ഇപ്പോഴും തിരക്കിലാണ്. സീരിയല് അഭിനയത്തിനൊപ്പം ബിസിനസിലും സജീവമാണ് നടി.എന്നാല് സിനിമയില് അഭിനയിക്കാത്തത് എന്തെന്ന് ചോദ്യം പലരും ഉന്നയിക്കാറുണ്ടെന്നും ഇതിന് കാരണമുണ്ടെന്നുമാണ് നടി പറയുന്നത്. മംഗളത്തിന് നല്കിയ അഭിമുഖത്തിലാണ് നടി കാര്യം വ്യക്തമാക്കിയത്.
സിനിമ പുരുഷ കേന്ദ്രീകൃതമല്ലേ, അതുപോലെ ടെലിവിഷന് പരമ്പരകള് സ്ത്രീകളുടേതാണ്. ടാര്ഗറ്റ് ഓഡിയന്സും അവരാണ്. അവരില് നിന്നൊരാള് കഥാപാത്രമായി വരുമ്പോള് പെട്ടെന്ന് കണക്റ്റ് ചെയ്യാന് പറ്റുന്നു. മാത്രമല്ല, സിനിമയുടെ സമയം പലപ്പോഴും എനിക്ക് അനുകൂലമായി വരണമെന്നില്ല. അങ്ങനെ നോക്കിയപ്പോള് ടെലിവിഷനിലേക്ക് ചുവടുമാറ്റുന്നതാണ് നല്ലതെന്ന് തോന്നി.
സീരിയിലേക്ക് കളം മാറ്റി ചവിട്ടിയപ്പോള് ഇനി സിനിമ ചെയ്യില്ലേ എന്ന് എന്നോട് പലരും ചോദിച്ചിരുന്നു. സിനിമയെ സംബന്ധിച്ച് വിവാഹ ശേഷം നായികമാരെ അകറ്റി നിര്ത്തുന്ന പതിവാണുള്ളത്. കുടുംബത്തോടൊപ്പം കഴിയുന്നതിനിടയില് ഗ്ലാമറസ് റോള് ചെയ്യാന് പലരും തയ്യാറാവില്ല. അങ്ങനെ വരുമ്പോള് പലരും നായികമാരെ ഒരുപരിധിവരെ ഒഴിവാക്കും. അല്ലെങ്കില് അപ്രസക്തമായ കഥാപാത്രങ്ങള് നല്കി അവരെ ഒതുക്കും.
എന്നെ സംബന്ധിച്ചിടത്തോളം അഭിനയിച്ച കാലത്ത് ഒരുപിടി നല്ല കഥാപാത്രങ്ങള് പ്രേക്ഷകര്ക്ക് നല്കി. ഇപ്പോഴും എന്റെ സിനിമകള് പ്രേക്ഷകരുടെ മനസ്സില് മായാതെയുണ്ട്. അപ്രധാനമായ വേഷങ്ങള് ചെയ്ത് എന്റെ വില കളയേണ്ടതില്ലല്ലോ- പ്രിയ രാമന് പറയുന്നു. പ്രണയവും വിവാഹമോചനവുമൊക്കെയായി ഒരു കാലത്ത് ഞാന് വാര്ത്തകളില് നിറഞ്ഞുനിന്നിരുന്നു. രഞ്ജിത്തുവുമായുള്ള വിവാഹശേഷമാണ് ഞാന് സിനിമയില് നിന്ന് ഇടവേളയെടുത്തത്. അഭിപ്രായവ്യത്യാസങ്ങള് വിവാഹജീവിതത്തിന്റെ താളം തെറ്റിച്ചപ്പോഴാണ് വിവാഹമോചനം നേടിയത്. രണ്ട് മക്കളാണ് ഞങ്ങള്ക്ക്. രണ്ടുപേരും എനിക്കൊപ്പമാണ്. ഞാന് സന്തോഷവതിയാണ്- പ്രിയ രാമന് പറയുന്നു.
Premium Lifestyle and Entertainment website
സെപ്റ്റംബറിലെ ഓര്മ്മപ്പൂക്കള്
കുട്ടികള്ക്ക് പ്രതിരോധശേഷി വര്ദ്ധിപ്പിക്കാന് ദെനംദിന ശീലങ്ങള് പിന്തുടരാം
വയനാട്ടില് നിന്നും കൂര്ഗിലേക്ക് യാത്ര; അറിയേണ്ട കാര്യങ്ങള്