ഇന്ത്യയിലുള്ള പുരുഷന്മാര്‍ കാപട്യമുള്ളവരാണ്.. വിദേശത്തുള്ളവര്‍ നേരിട്ട് ചോദിക്കും; ഇന്ത്യയിലും വിദേശത്തുള്ള പുരുഷന്മാരുമായി ഡേറ്റിംഗ് നടത്തുന്നത് തമ്മിലുള്ള വ്യത്യാസമെന്തെന്ന കരണ്‍ ജോഹറിന്റെ ചോദ്യത്തിന്  പ്രയങ്ക ചോപ്രയുടെ മറുപടി വൈറല്‍

നടി പ്രിയങ്ക ചോപ്ര ഡേറ്റിംഗിനെക്കുറിച്ച് കരണ്‍ ജോഹറിന്റെ ചോദ്യത്തിന് പറഞ്ഞ ഒരു മറുപടിയാണ് ഇപ്പോള്‍ സോഷ്യല്‍മീഡിയയില്‍ വൈറലാകുന്നത്. ഇന്ത്യയിലെ പുരുഷന്മാരെ സ്‌നേഹിക്കുന്നതിനെ കുറിച്ചും വിദേശത്തുള്ള പുരുഷന്മാരെ കുറിച്ചും പ്രിയങ്ക ചോപ്ര പറഞ്ഞ വാക്കുകള്‍ വീണ്ടും കുത്തിപ്പൊക്കിയിരിക്കുകയാണ് ആരാധകര്‍ ഇപ്പോള്‍.

ഇന്ത്യയിലും വിദേശത്തുള്ള പുരുഷന്മാരുമായി ഡേറ്റിംഗ് നടത്തുന്നത് തമ്മിലുള്ള വ്യത്യാസം എന്താണെന്നാണ് കരണ്‍ ജോഹര്‍ പ്രിയങ്ക ചോപ്രയോട് ചോദിച്ചത്.'ഇവിടെയുള്ളവര്‍ കാപട്യമുള്ളവരാണ്. അവിടെയുള്ളവര്‍ നേരിട്ട് ചോദിക്കും. നാളെ ഞാന്‍ ഫ്രീയാണ്. രാത്രി ഭക്ഷണം കഴിക്കാന്‍ പോയാലോ എന്ന്' നടി പറയുന്നു. അതേ സമയം വിദേശത്ത് നിന്നും വിവാഹിതയായ പ്രിയങ്ക സന്തുഷ്ട ദാമ്പത്യ ജീവിതം നയിക്കുകയാണിപ്പോള്‍.

അതിനൊപ്പം ബോളിവുഡ് താരങ്ങളെ കുറിച്ച് ഗോസിപ്പുകളൊന്നും പറയാത്തതിനെ പറ്റിയും പ്രിയങ്കയോട് കരണ്‍ ചോദിച്ചിരുന്നു. 'ഞാന്‍ ബോളിവുഡ് താരങ്ങളെ പറ്റി ഒന്നും പറയാത്തതിന് കാരണമുണ്ട്. അതെന്റെ അമ്മയ്ക്ക് വെറുപ്പുള്ള കാര്യമാണ്. ഞാന്‍ നിങ്ങളോട് ഒരുപാട് ഗോസിപ്പുകള്‍ പറഞ്ഞാല്‍ നിങ്ങള്‍ക്ക് എന്നോട് ഒന്നും പറയാനുണ്ടാവില്ലല്ലോ എന്നാണ് നടി തിരിച്ച് ചോദിച്ചത്.

നിരവധി ആരാധകരുള്ള താരമാണ് പ്രിയങ്ക ചോപ്ര. സോഷ്യല്‍ മീഡിയയില്‍ വളരെ സജീവമായ താരം തന്റെ ചിത്രങ്ങളും നിലപാടുകളുമെല്ലാം തന്നെ പങ്കുവെയ്ക്കാറുണ്ട്. അവയെല്ലാം തന്നെ വളരെപ്പെട്ടെന്നാണ് വൈറലായി മാറുന്നത്. 

ഒരു ചലച്ചിത്ര മേളയില്‍ പങ്കെടുക്കാന്‍ പോയപ്പോഴാണ് പ്രിയങ്ക ചോപ്രയും നിക് ജോണ്‍സും കണ്ടുമുട്ടുന്നത്. വളരെ പെട്ടെന്ന് തന്നെ ഇഷ്ടത്തിലായ താരങ്ങള്‍ വിവാഹം കഴിക്കാന്‍ തീരുമാനിക്കുകയായിരുന്നു. ഇന്ത്യയില്‍ വെച്ച് പരമ്പരാഗതമായ ആചാരപ്രകരാവും വിദേശത്ത് നിന്ന് ക്രിസ്ത്യന്‍ ആചാരപ്രകാരവുമാണ് താരവിവാഹം നടന്നത്. മൂന്ന് വര്‍ഷത്തെ ദാമ്പത്യത്തിന് ശേഷമാണ് ഒരു കുഞ്ഞിനെ കുറിച്ച് ഇരുവരും ചിന്തിച്ചത്. അങ്ങനെ വാടകഗര്‍ഭപാത്രത്തിലൂടെ ഒരു പെണ്‍കുഞ്ഞിന്റെ മാതാപിതാക്കളായി ഇരുവരും മാറി