സംവിധായകനും തൃക്കാക്കര എന്ഡിഎ സ്ഥാനാര്ഥിയുമായി അഖില് മാരാര് വീണ്ടും വിവാദത്തില്. പ്രസവത്തെ പറ്റി നടത്തിയ പരാമര്ശത്തോടെയാണ് അഖിലിനെതിരെ വിവാദത്തിലാക്കിയത്. സ്ത്രീകള് വളരെ കൂളായും ഈസിയായിട്ടും ചെയ്തിരുന്ന പരിപാടിയായിരുന്നു പ്രസവമെന്നും ഇന്നത് ആധി കേറ്റി സങ്കീര്ണമാക്കി മാറ്റിയെന്നും അഖില് പറഞ്ഞു.
'പണ്ട് സ്ത്രീകള് വളരെ കൂളായിട്ടാണ് പ്രസവിച്ചുകൊണ്ടിരുന്നത്. പണ്ട് ചിലരൊക്കെ തമാശയായി പറയും, അവള് പോയി പ്രസവിച്ചിട്ട് രണ്ട് കിലോ അരി ഇടിച്ചുവച്ചിട്ടുണ്ടെന്ന്. അപ്പോള് ഇത്ര നിസാരമായി സ്ത്രീകള് വളരെ എന്ജോയ് ചെയ്ത ചെയ്തിരുന്ന പ്രോസസിനെ ഇവിടത്തെ കുറേ ആശുപത്രികള് വന്ന്, രക്ഷാകര്ത്താക്കളെ പ്രഷര് കേറ്റി വച്ച് ആധി കേറി. ഗര്ഭിണി ആയി കഴിഞ്ഞാല് തന്നെ എനിക്കെന്തോ മാരകരോഗമാണെന്ന് ഒരു പെണ്കുട്ടിയുടെ മനസിലേക്ക് ഇട്ടുകൊടുത്തു, പേടിപ്പിച്ച് പേടിപ്പിച്ച് ഒന്പത് മാസം പ്രസവിക്കാനും പറ്റാതെ സിസേറിയനുമായി ആകെ കോപ്ലിക്കേറ്റഡാക്കിവക്കും,' അഖില് പറഞ്ഞു.
പരാമര്ശത്തിന് പിന്നാലെ അഖിലിനെതിരെ വലിയ വിമര്ശനമാണ് സോഷ്യല് മീഡിയയില് ഉയരുന്നത്. വിവരക്കേട് പറയരുതെന്നും കാലം മാറിയത് അറിഞ്ഞില്ലേയെന്നും അഖിലിനോട് സോഷ്യല് മീഡിയ പറയുന്നു. എത്ര ആത്മവിശ്വാസത്തോടെയാണ് മണ്ടത്തരം പറയുന്നതെന്നും ചിലര് പരിഹസിച്ചു.
'തന്നോട് ഒന്നും പറഞ്ഞിട്ട് കാര്യമില്ല എന്ന് അറിയാം എന്നാലും പറയുവാ നോ യൂട്രസ്, നോ ഓപ്പീനിയന്!, ഒരു കാലത്ത് പ്രസവം മാത്രമല്ല, സ്ത്രീകളും എല്ലാവര്ക്കും നിസാരവും തമാശയും ആയിരുന്നു, ഇന്നത് കുറച്ച് മാറി വരുന്നു, അത്രേ ഉള്ളൂ. അനുഭവിക്കുന്നവര്ക്കേ അതിന്റെ വേദനയും ബുദ്ധിമുട്ടും അറിയൂ, അന്ന് പ്രസവിച്ച് സ്ത്രീകള് മരിച്ച് പോയാലും നിസാരമായിരിക്കും, ഇന്ന് അങ്ങിനെയൊന്നും നടക്കാതെ ഇരിക്കാനാണ് ആശുപത്രിയില് കൊണ്ട് പോകുന്നതുമൊക്കെ, എന്റെ ദൈവമേ ഇങ്ങനെ വന്നു മണ്ടത്തരം ഇത്രയും ആത്മവിശ്വാസത്തോടെ പറയുന്നു. എന്താ പറയാ ഇയാളെ പറ്റി, ഒരു യൂട്രസ് വെച്ച് കൊടുക്ക്. 4 ചാക്കു നെല്ലും വാങ്ങി കൊടുക്ക് എഞ്ചോയ് ചെയ്യട്ടെ' എന്നാണ് ചില കമന്റുകള്.
Premium Lifestyle and Entertainment website
അവസാനനിമിഷവും ജീവിതത്തിലേക്ക് തിരിച്ചുവരാന് ആഗ്രഹിച്ചു;ആഗ്രഹങ്ങളും സ്വപ്നങ്ങളും ബാക്കിവെച്ചാണ് യാത്രയായത്; സിദ്ധാര്ത്ഥ് വിട പറഞ്ഞ് അഞ്ച് നാള് പിന്നിടുമ്പോള് കുറിപ്പുമായി സീമ ജീ നായര്; രണ്ട് വര്ഷം മുമ്പ് വയറുവേദനയില് തുടങ്ങിയ അസുഖമെന്നും കാര്യങ്ങള് അറിഞ്ഞപ്പോള് കൈവിട്ട് പോരാന് തോന്നിയില്ലെന്നും നടി