ബാബു ആന്റണിയെ നേരിട്ടു കണ്ട് ആശ്ചര്യത്തോടെ നില്‍ക്കുന്ന ആരാധികയുടെ വിഡിയോ ശ്രദ്ധേയമാകുന്നു. ഡിഎന്‍എ' സിനിമയുടെ തിയറ്റര്‍ സന്ദര്‍ശനത്തിനിടെ യായിരുന്നു സംഭവം. എറണാകുളത്തെ തീയറ്റര്‍ വിസിറ്റിനിടെ ബാബു ആന്റണിയെ കണ്ട ആരാധിക ആശ്ചര്യചകിതയായി. സിനിമ കാണാന്‍ വന്ന മദ്ധ്യവയസ്‌കയായ ഒരു സ്ത്രീയാണ് ബാബു ആന്റണിയെ കണ്ട് ആശ്ചര്യപ്പെട്ടത്.
തുടര്‍ന്ന് 'ഹായ് ബാബു ആന്റണി!' എന്നു വിളിച്ച് താരത്തിനടുത്തേക്ക് ചെന്ന ആരാധിക കൂടെ ഫോട്ടോ എടുക്കാന്‍ സമ്മതം ചോദിക്കുകയും തുടര്‍ന്ന് ഫോട്ടോ എടുക്കുകയും ചെയ്തു. തന്റെ ഇഷ്ട താരത്തെ സ്‌ക്രീനിലും അതുപോലെതന്നെ നേരിട്ടും കാണാന്‍ കഴിഞ്ഞതിന്റെ ത്രില്ലിലായിരുന്നു ആരാധിക.
അഷ്‌കര്‍ സൗദാന്‍ നായകവേഷത്തിലെത്തുന്ന ചിത്രത്തില്‍ ഡിസിപി രാജാ മുഹമ്മദ് എന്ന കഥാപാത്രത്തെയാണ് ബാബു ആന്റണി അവതരിപ്പിക്കുന്നത്. ഈ വെള്ളിയാഴ്ച റിലീസ് ചെയ്ത് മികച്ച കളക്ഷനോടെ മുന്നേറുന്ന ഡിഎന്‍എ മലയാളത്തിലെ എക്കാലത്തെയും മികച്ച ത്രില്ലറുകളില്‍ ഒന്നാണെന്നാണ് പരക്കെയുള്ള പ്രേക്ഷകാഭിപ്രായം. കോട്ടയം കുഞ്ഞച്ചന്‍, കിഴക്കന്‍ പത്രോസ്, പ്രായിക്കര പാപ്പാന്‍, കന്യാകുമാരി എക്‌സ്പ്രസ്സ്, ഉപ്പുകണ്ടം ബ്രദേര്‍സ്, മാന്യന്മാര്‍, സ്റ്റാന്‍ലിന്‍ ശിവദാസ്, പാളയം തുടങ്ങി ഒട്ടനവധി ഹിറ്റ് സിനിമകള്‍ മലയാളത്തിന് സമ്മാനിച്ച പ്രിയ സംവിധായകന്‍ ടി.എസ്. സുരേഷ് ബാബു ഒരിടവേളക്ക് ശേഷം സംവിധാനം ചെയ്യുന്ന ചിത്രമാണ് ഡിഎന്‍എ.
ാേബെന്‍സി പ്രൊഡക്ഷന്‍സിന്റെ ബാനറില്‍ കെ.വി.അബ്ദുള്‍ നാസ്സറാണ് ഡിഎന്‍എ നിര്‍മ്മിച്ചിരിക്കുന്നത്. എ.കെ. സന്തോഷിന്റെ തിരക്കഥയില്‍ പൂര്‍ണ്ണമായും, ഇന്‍വസ്റ്റിഗേറ്റീവ്- ആക്ഷന്‍-മൂഡിലുള്ള ഈ ചിത്രത്തില്‍ മലയാളത്തിലെ മികച്ച ടെക്‌നീഷ്യന്‍സും അണിനിരക്കുന്നുണ്ട്. ആക്ഷന്‍ രംഗങ്ങള്‍ ഈ ചിത്രത്തിന്റെ ഏറെ ആകര്‍ഷകമായ ഒരു ഘടകമാണ്.
റായ് ലക്ഷ്മി, റിയാസ് ഖാന്‍, അജു വര്‍ഗീസ്, രണ്‍ജി പണിക്കര്‍, ഇര്‍ഷാദ്, രവീന്ദ്രന്‍, ഹന്നാ റെജി കോശി, ഇനിയ, ഗൗരിനന്ദ, സ്വാസിക, സലീമ, സീത, ശിവാനി, സജ്‌നാ (ബിഗ് ബോസ്), അഞ്ജലി അമീര്‍, ഇടവേള ബാബു, സുധീര്‍ (ഡ്രാക്കുള ഫെയിം), കോട്ടയം നസീര്‍, പത്മരാജ് രതീഷ്, സെന്തില്‍ കൃഷ്ണ, കൈലാഷ്, കുഞ്ചന്‍, രാജാ സാഹിബ്, മജീദ്, ബാദുഷ, ജോണ്‍ കൈപ്പള്ളില്‍, രഞ്ജു ചാലക്കുടി, രാഹുല്‍, രവി വെങ്കിട്ടരാമന്‍, ശിവന്‍ ശ്രീനിവാസന്‍ തുടങ്ങിയമറ്റു താരങ്ങളും ഈ ചിത്രത്തില്‍ അണിനിരക്കുന്നുണ്ട്.
Premium Lifestyle and Entertainment website
മലപ്പുറത്ത് നിന്ന് 2019 ല്‍ കൊച്ചിയിലേക്ക്; ഏഴ് വര്‍ഷത്തെ വാടക ജീവിതത്തിന് ശേഷം സ്വന്തം വീട്ടിലേക്ക്; എന്റെ കുടുംബത്തില്‍ സ്വന്തമായി വീട് വെയ്ക്കുന്ന ആദ്യത്തെ സ്ത്രീ; കൊച്ചിയില്‍ പുതിയ ഫ്‌ളാറ്റ് സ്വന്തമാക്കിയ സന്തോഷം പങ്ക് വച്ച് നടിയും അവതാരകയുമായ വര്‍ഷ
ഇവരുടെ സ്‌നേഹം ചിലപ്പോള്‍ ഈശ്വരന്മാര്‍ക്ക് പോലും അസൂയ തോന്നിക്കാണും; ജീവിതത്തില്‍ നല്ലൊരു പാര്‍ട്ണര്‍ ഉണ്ടാവുക എന്നത് എല്ലാവര്‍ക്കും കിട്ടുന്ന ഭാഗ്യം അല്ല;ഫൈറ്റ് ചെയ്യാവുന്നതിലും അപ്പുറം ഫൈറ്റ് ചെയ്തു; കാന്‍സര്‍ കീഴടക്കിയ ലേഖ അംബുജാക്ഷന്റെ വിയോഗത്തില്‍ സീമ.ജി.നായര്‍ കുറിച്ചത്