ദുല്‍ഖര്‍ സല്മാന് നായകനായി എത്തുന്ന 'കാന്ത' എന്ന തമിഴ് ചിത്രത്തിന്റെ പുതിയ പോസ്റ്റര്‍ പുറത്ത്. ദുല്‍ഖര്‍ സല്മാന് ജന്മദിന ആശംസകള്‍ നല്‍കി കൊണ്ടുള്ള സ്‌പെഷ്യല്‍ പോസ്റ്ററാണ് റിലീസ് ചെയ്തത്. ചിത്രത്തിന്റെ ടീസറും ഇന്ന് പുറത്ത് വരും. വൈകുന്നേരം 3 മണിക്കാണ് ടീസര്‍ എത്തുന്നത്. സെല്‍വമണി സെല്‍വരാജ് രചിച്ചു സംവിധാനം ചെയ്ത ചിത്രം ദുല്‍ഖര്‍ സല്‍മാന്റെ ഉടമസ്ഥതയിലുള്ള വേഫേറര്‍ ഫിലിംസ്, റാണ ദഗ്ഗുബതിയുടെ ഉടമസ്ഥതയിലുള്ള സ്പിരിറ്റ് മീഡിയ എന്നിവര്‍ ചേര്‍ന്നാണ് നിര്‍മ്മിക്കുന്നത്. ദുല്‍ഖര്‍ സല്മാന്, ജോം വര്‍ഗീസ്, റാണ ദഗ്ഗുബതി, പ്രശാന്ത് പോട്ട്‌ലൂരി എന്നിവരാണ് ചിത്രത്തിന്റെ നിര്‍മ്മാതാക്കള്‍. 'ദ ഹണ്ട് ഫോര്‍ വീരപ്പന്‍' എന്ന നെറ്റ്ഫ്‌ലിക്‌സ് ഡോക്യുമെന്ററി സീരീസ് ഒരുക്കി ശ്രദ്ധ നേടിയ തമിഴ് സംവിധായകന്‍ ആണ് സെല്‍വമണി സെല്‍വരാജ്.
ഫസ്റ്റ് ലുക്ക് ഉള്‍പ്പെടെ നേരത്തെ പുറത്തു വന്ന ചിത്രത്തിന്റെ പോസ്റ്ററുകളെല്ലാം മികച്ച പ്രേക്ഷക ശ്രദ്ധ നേടിയിരുന്നു. 1950 കാലഘട്ടത്തിലെ മദ്രാസിന്റെ പശ്ചാത്തലത്തിലാണ് ചിത്രത്തിന്റെ കഥയവതരിപ്പിക്കുന്നത് എന്നാണ് സൂചന. ഭാഗ്യശ്രീ ബോര്‍സെ നായികാ വേഷം ചെയ്യുന്ന ചിത്രത്തില്‍ റാണ ദഗ്ഗുബതി, സമുദ്രക്കനി എന്നിവരാണ് മറ്റു പ്രധാന താരങ്ങള്‍. മലയാളത്തില്‍ മികച്ച ചിത്രങ്ങള്‍ നിര്‍മ്മിച്ചിട്ടുള്ള വേഫേറര്‍ ഫിലിംസ് നിര്‍മ്മിക്കുന്ന ആദ്യ അന്യഭാഷാ ചിത്രം കൂടിയാണ് 'കാന്ത'. തമിഴില്‍ ഒരുക്കിയ ഈ ചിത്രം മലയാളം, തെലുങ്കു, ഹിന്ദി ഭാഷകളിലും റിലീസ് ചെയ്യും. ബ്ലോക്ക്ബസ്റ്റര്‍ തെലുങ്ക് ചിത്രം ലക്കി ഭാസ്‌കറിന് ശേഷം ദുല്‍ഖര്‍ സല്മാന് നായകനായി റിലീസ് ചെയ്യാന്‍ പോകുന്ന ചിത്രം കൂടിയാണിത്.
ഛായാഗ്രഹണം- ഡാനി സാഞ്ചസ് ലോപ്പസ്, സംഗീതം- ഝാനു ചന്റര്‍, എഡിറ്റര്‍- ലെവെലിന്‍ ആന്റണി ഗോണ്‍സാല്‍വേസ്, കലാസംവിധാനം- രാമലിംഗം, വസ്ത്രാലങ്കാരം- പൂജിത തടികൊണ്ട, സഞ്ജന ശ്രീനിവാസ്. പിആര്‍ഒ- ശബരി.
Premium Lifestyle and Entertainment website
ഇടുക്കിക്കാരുടെ ഏഷ്യാഡ് അഥവാ കപ്പ ബിരിയാണി
കര്‍ക്കിടകത്തിന് ഈ ആയുര്‍വേദ ചികിത്സകള്‍ ചെയ്തുനോക്കൂ; ആരോഗ്യവും ഉന്‍മേഷവും കൂടും
ഐഫോണ്‍ 17 പ്രോ മോഡലുകളില്‍ മൂന്ന് വമ്പന്‍ ക്യാമറ അപ്‌ഗ്രേഡുകളെന്ന് സൂചന
ചായ് കുടിച്ച് ചാക്കും എടുത്ത് പോയി; പിന്നെ കണ്ടത് മാരിമുത്തുവിന്റെ മൃതദേഹം; ഭാര്യ സരസ്വതിയെ തനിച്ചാക്കി മടക്കം; ഞെട്ടല്‍ മാറാതെ ബന്ധുക്കള്‍; വൈദ്യുതി കമ്പിയില്‍ നിന്ന് ഷോക്കേറ്റ് മരണം എന്ന് നിഗമനം
ആദ്യം പഹല്‍ഗാം ഭീകരാക്രമണത്തില്‍ നിന്നും; പിന്നെ രക്ഷപ്പെട്ടത് നീലേശ്വരത്തെ വെടിക്കെട്ട് അപകടത്തില്‍ നിന്ന്; ഇപ്പോള്‍ കാസര്‍കോട് മണ്ണിടിച്ചില്‍ നിന്നും; രക്ഷപ്പെട്ടത് മുന്ന് ദുരന്തത്തില്‍ നിന്ന്; സിന്ധുവിന്റെ അത്ഭുത രക്ഷപ്പെടലിന്റെ കഥ