ദുല്ഖര് സല്മാന് നായകനായെത്തുന്ന 'കാന്ത' യുടെ കേരളാ പ്രമോഷന്റെ ഭാഗമായി ദുല്ഖര് സല്മാനും 'കാന്ത' ടീമും നവംബര് 7 നു കൊച്ചിയില് എത്തുന്നു. കൊച്ചി ലുലു മാളില് നടക്കുന്ന പ്രമോഷന് ഇവന്റില് ആണ് കാന്ത ടീമിനൊപ്പം ദുല്ഖര് സല്മാന് എത്തുന്നത്. വൈകുന്നേരം 6 മണിക്കാണ് ഈ പ്രോമോ ഇവന്റ് ആരംഭിക്കുന്നത്.
ദുല്ഖര് സല്മാനൊപ്പം റാണ ദഗ്ഗുബതി, സമുദ്രക്കനി, ഭാഗ്യശ്രീ ബോര്സെ, സംവിധായകന് സെല്വമണി സെല്വരാജ് എന്നിവരും കൊച്ചി ലുലു മാളില് എത്തുന്നുണ്ട്. ചിത്രത്തിന്റെ ട്രെയ്ലര് നാളെ പുറത്തു വരും. സെല്വമണി സെല്വരാജ് രചിച്ചു സംവിധാനം ചെയ്ത ചിത്രം നിര്മ്മിച്ചിരിക്കുന്നത് ദുല്ഖര് സല്മാന്റെ ഉടമസ്ഥതയിലുള്ള വേഫേറര് ഫിലിംസ്, റാണ ദഗ്ഗുബതിയുടെ ഉടമസ്ഥതയിലുള്ള സ്പിരിറ്റ് മീഡിയ എന്നിവര് ചേര്ന്നാണ്. ദുല്ഖര് സല്മാന്, ജോം വര്ഗീസ്, റാണ ദഗ്ഗുബതി, പ്രശാന്ത് പോട്ട്ലൂരി എന്നിവരാണ് ചിത്രത്തിന്റെ നിര്മ്മാതാക്കള്. ചിത്രം നവംബര് 14 ന് ആണ് ആഗോള റിലീസായി എത്തുന്നത്. ചിത്രം കേരളത്തില് പ്രദര്ശനത്തിന് എത്തിക്കുന്നതും വേഫറെര് ഫിലിംസ് തന്നെയാണ്.
'ദ ഹണ്ട് ഫോര് വീരപ്പന്' എന്ന നെറ്റ്ഫ്ലിക്സ് ഡോക്യുമെന്ററി സീരീസ് ഒരുക്കി ശ്രദ്ധ നേടിയ തമിഴ് സംവിധായകന് ആണ് കാന്തയുടെ സംവിധായകനായ സെല്വമണി സെല്വരാജ്. ഇതിനോടകം തന്നെ വലിയ പ്രേക്ഷക പ്രതീക്ഷയാണ് ചിത്രം സൃഷ്ടിച്ചിരിക്കുന്നത്. ചിത്രത്തിന്റെ ടീസറും ഇതിലെ ഗാനങ്ങളും വലിയ പ്രേക്ഷക ശ്രദ്ധ നേടിക്കഴിഞ്ഞു. തെന്നിന്ത്യയിലെ ദുല്ഖര് ആരാധകരും സിനിമാ പ്രേമികളും ഏറെ ആവേശത്തോടെ കാത്തിരിക്കുന്ന ചിത്രത്തിന്റെ, അടുത്തിടെ പുറത്തു വന്ന ടൈറ്റില് ട്രാക്ക് സോഷ്യല് മീഡിയയില് സൂപ്പര് ഹിറ്റാണ്. തമിഴ് - തെലുങ്ക് റാപ് ആന്തം ആയി ഒരുക്കിയ ഈ ഗാനം ഇതിനോടകം വൈറലായിക്കഴിഞ്ഞു.
ദുല്ഖര് സല്മാന്റെ കരിയറിലെ എണ്ണം പറഞ്ഞ പ്രകടനങ്ങളില് ഒന്നായിരിക്കും ചിത്രം സമ്മാനിക്കുക എന്ന സൂചനയാണ് ചിത്രത്തിന്റെ ടീസര് ഉള്പ്പെടെയുള്ളവ നല്കുന്നത്. 1950 കാലഘട്ടത്തിലെ മദ്രാസിന്റെ പശ്ചാത്തലത്തില് കഥ പറയുന്ന ചിത്രം, പ്രണയം, ഈഗോ, കല, വൈകാരികത എന്നിവയിലൂടെയാണ് സഞ്ചരിക്കുന്നത് എന്നാണ് സൂചന. ദുല്ഖര് സല്മാന് കൂടാതെ സമുദ്രക്കനി, ഭാഗ്യശ്രീ ബോര്സെ, റാണ ദഗ്ഗുബതി എന്നിവരാണ് ചിത്രത്തിലെ മറ്റു നിര്ണ്ണായക കഥാപാത്രങ്ങളെ അവതരിപ്പിക്കുന്നത്.
ഒരുപിടി മികച്ച ചിത്രങ്ങള് മലയാളത്തില് നിര്മ്മിച്ചിട്ടുള്ള വേഫേറര് ഫിലിംസ് നിര്മ്മിക്കുന്ന ആദ്യ അന്യഭാഷാ ചിത്രമാണ് 'കാന്ത'. തമിഴില് ഒരുക്കിയ ഈ ചിത്രം മലയാളം, തെലുങ്കു, ഹിന്ദി ഭാഷകളിലും റിലീസ് ചെയ്യും. ബ്ലോക്ക്ബസ്റ്റര് തെലുങ്ക് ചിത്രം ലക്കി ഭാസ്കറിന് ശേഷം ദുല്ഖര് സല്മാന് നായകനായെത്തുന്ന ചിത്രം കൂടിയാണിത്.
ഛായാഗ്രഹണം- ഡാനി സാഞ്ചസ് ലോപ്പസ്, സംഗീതം- ഝാനു ചന്റര്, എഡിറ്റര്- ലെവെലിന് ആന്റണി ഗോണ്സാല്വേസ്, എക്സിക്യൂട്ടീവ് പ്രൊഡ്യൂസേഴ്സ് - സായ് കൃഷ്ണ ഗഡ്വാള്, സുജയ് ജയിംസ്, ലൈന് പ്രൊഡ്യൂസര് - ശ്രാവണ് പലപര്ത്തി
Premium Lifestyle and Entertainment website
ക്രിസ്തുമസ് ദിനത്തില് മനസ്സമ്മതം കഴിഞ്ഞ ചിത്രം പങ്ക് വച്ച് നടന് ബിനീഷ് ബാസ്റ്റിന്; നീണ്ട അഞ്ചു വര്ഷത്തെ പ്രണയം സഫലമാകുക വരുന്ന ഫെബ്രുവരിയില്; വധു അടൂര് സ്വദേശിനിയായ താര
അത് സ്വപ്നത്തില് പോലും വിചാരിക്കാത്ത കാര്യം'; ആ ചിത്രത്തില് ഒരു ഷോട്ട് ആണെങ്കില് പോലും ചെയ്യുമായിരുന്നു; 'കൂലി'യിലെ വേഷം സ്വീകരിക്കാനുള്ള കാരണം വ്യക്തമാക്കി ഉപേന്ദ്ര