കാളിദാസ് ജയറാമിനൊപ്പം അമലാ പോളും; ബാലാജി മോഹന്‍ സംവിധായകനാകുന്ന ചിത്രത്തില്‍ ദുഷ്‌റ വിജയനും 

കാളിദാസ് ജയറാമിനൊപ്പം അമലാ പോളും ഒന്നിക്കുന്ന ചിത്രം അണിയറയിലെന്ന് സൂചന.ബാലാജി മോഹന്‍ സംവിധാനം ചെയ്യുന്ന ചിത്രത്തിലൂടെയാണ് ഇരുവരും വീണ്ടും ഒന്നിക്കുന്നത്.ചിത്രത്തില്‍ കാളിദാസ് നായകനായി ഏറ്റവും ഒടുവില്‍ പ്രദര്‍ശനത്തിന് എത്തിയ ചിത്രം'നക്ഷത്തിരം നകര്‍കിരതില്‍ നായികയായി അഭിനയിച്ച് ശ്രദ്ധേയയായ ദുഷറ വിജയനും ഉണ്ടാകും.

പാ രഞ്ജിത്ത് ആണ് കാളിദാസ് ജയറാമിനെ നായകനാക്കി 'നക്ഷത്തിരം നകര്‍കിരത്' സംവിധാനം ചെയ്തത്. കലൈയരശന്‍, ഹരി കൃഷ്ണന്‍, സുബത്ര റോബര്‍ട്ട്, 'സര്‍പട്ട പരമ്പരൈ' ഫെയിം ഷബീര്‍ കല്ലറയ്ക്കല്‍ തുടങ്ങിയവരും പ്രധാന വേഷങ്ങളില്‍ എത്തി.  എ കിഷോര്‍ കുമാര്‍ ആണ് ഛായാഗ്രാഹണം നിര്‍വഹിച്ചത്. തെന്‍മ സംഗീത സംവിധാനം നിര്‍വ്വഹിച്ചു. എഡിറ്റിംഗ് സെല്‍വ ആര്‍ കെ. നീലം പ്രൊഡക്ഷന്‍സ്, യാഴി ഫിലിംസ് എന്നീ ബാനറുകളില്‍ പാ രഞ്ജിത്ത്, വിഘ്നേശ് സുന്ദരേശന്‍, മനോജ് ലിയോണല്‍ ജാണ്‍സണ്‍ എന്നിവരാണ് നിര്‍മ്മാണം. തിയറ്ററുകളില്‍ വന്‍ ഹിറ്റായില്ലെങ്കിലും നിരൂപക പ്രശംസ നേടിയെടുക്കാന്‍ ചിത്രത്തിന് സാധിച്ചിരുന്നു. 

അമലാ പോളാകട്ടെ നീണ്ട ഒരിടവേളയ്ക്ക് ശേഷം മലയാളത്തില്‍ വീണ്ടും സജീവമാകുകയാണ്. ബി ഉണ്ണികൃഷ്ണന്റെ സംവിധാനത്തില്‍ മമ്മൂട്ടി നായകനാകുന്ന 'ക്രിസ്റ്റഫറി'ലെ നായികമാരില്‍ ഒരാളാകുകയാണ് അമലാ പോള്‍. അമലാ പോള്‍ നായികയാകുന്ന മറ്റൊരു ചിത്രം 'ടീച്ചര്‍' ആണ്. ഫഹദ് നായകനായ 'അതിരന്' ശേഷം വിവേക് സംവിധാനം ചെയ്യുന്ന ചിത്രമാണ്  'ടീച്ചര്‍'. 

അനു  മൂത്തേടത്താണ് ചിത്രത്തിന്റെ ഛായാഗ്രഹണം നിര്‍വഹിക്കുന്നത്.  ചെമ്പന്‍ വിനോദ് ജോസ്, ഹക്കീം ഷാജഹാന്‍, പ്രശാന്ത് മുരളി, അനുമോള്‍, മഞ്ജു പിള്ള, നന്ദു, ഹരീഷ് തേങ്ങല്‍ തുടങ്ങിയവരും അമലാ പോളിനൊപ്പം പ്രധാന വേഷത്തില്‍ ചിത്രത്തിലുണ്ട്. വരുണ്‍ ത്രിപുരനേനിയും അഭിഷേകുമാണ് ചിത്രം നിര്‍മിക്കുന്നത്. വിടിവി ഫിലിംസിന്റെ ബാനറിലാണ് നിര്‍മാണം.<