സിനിമ-ടെലിവിഷന്‍ രംഗത്ത് ഏറെ ശ്രദ്ധിക്കപ്പെട്ട നടിയാണ് ലക്ഷ്മിപ്രിയ. നരന്‍, കഥ തുടരുന്നു അടക്കം നിരവധി സിനിമകളില്‍ ലക്ഷ്മിപ്രിയ ശ്രദ്ധേയ വേഷങ്ങള്‍ ചെയ്തിട്ടുണ്ട്. ബി?ഗ് ബോസ് മലയാളം സീസണ്‍ നാലില്‍ മത്സരാര്‍ത്ഥിയായി എത്തിയശേഷമാണ് ലക്ഷ്മിപ്രിയയെ മലയാളികള്‍ കൂടുതല്‍ അടുത്തറിയുന്നത്. സോഷ്യല്‍മീഡിയയില്‍ സജീവമായ ലക്ഷ്മിപ്രിയഇപ്പോള്‍ സോഷ്യല്‍മീഡിയ വഴി തന്റെ ദാമ്പത്യജീവിതം അവസാനിക്കുന്നതായി വെളിപ്പെടുത്തിയിരിക്കുകയാണ്.
നടി പങ്ക് വച്ച് കുറിപ്പ് ഇങ്ങനെ:
ജീവിതത്തില്‍ ഏറ്റവും വെറുത്ത ചില കാര്യങ്ങള്‍ എനിക്ക് ചെയ്യേണ്ടി വന്നിട്ടുണ്ട്. ഇപ്പൊ ജീവിതം നാല്‍പതുകളുടെ തുടക്കത്തില്‍ എത്തി നില്‍ക്കുന്ന ഈ വേളയില്‍ എന്റെ ജീവിതത്തിലെ ഏറ്റവും നിര്‍ണായകമായ ഒരു തീരുമാനം എടുക്കേണ്ടതായി വരുന്നു. പലവട്ടം ആലോചിച്ചുറപ്പിച്ച എന്റെ ശരിയിലേക്ക് ഞാന്‍ നില ഉറപ്പിക്കുകയാണ്. ഒരിക്കലും കുടുംബ വിശേഷങ്ങള്‍ അമിതമായി സോഷ്യല്‍ മീഡിയയില്‍ ഞാന്‍ പങ്കു വയ്ക്കാറില്ല. ജീവിതം അതിന്റെ സ്വകാര്യത നില നിര്‍ത്തുമ്പോള്‍ തന്നെയാണ് ഭംഗി എന്നാണ് എന്റെ വിശ്വാസം.
22 വര്‍ഷമായി ഇണക്കവും പിണക്കവുമായി തുടരുന്ന ഞങ്ങളുടെ ദാമ്പത്യ ജീവിതം അവസാനിപ്പിക്കുന്നതിനെപ്പറ്റിത്തന്നെയാണ് ഞാന്‍ പറയുന്നത്. വിവാഹത്തിന്റെ ആദ്യ നാളുകളില്‍ ആണ് ഡിവോഴ്‌സ് വര്‍ദ്ധിക്കുന്നത്. ഇത് കൗമാരം മുതല്‍ ഈ വയസ്സ് വരെ തുടരുന്ന ദാമ്പത്യത്തില്‍ ഇമോഷണല്‍ അറ്റാച്ച്‌മെന്റ് വളരെ കൂടുതല്‍ ആയിരിക്കും. ഇപ്പൊ എവിടെയോ ആ കണക്ഷന്‍ ഞങ്ങള്‍ക്കിടയില്‍ നഷ്ടമായിരിക്കുന്നു.
തെറ്റുകളും കുറ്റങ്ങളും എന്റേതാണ്. എല്ലാം എന്റെ പ്രശ്‌നം ആണ്. ആയതിനാല്‍ ചേര്‍ത്തു വച്ചാലും ചേരാത്ത ജീവിതം,അതില്‍ നിന്നും ഞാന്‍ പിന്‍വാങ്ങുകയാണ്. ഞാന്‍ സ്വപ്നത്തില്‍ പോലും അദ്ദേഹത്തെ പിരിയും എന്ന് കരുതിയിട്ടില്ലായിരുന്നു.
ആരംഭത്തിന് എല്ലാം അവസാനമുണ്ട്. ഇപ്പൊ ഞങ്ങളുടെ സെപറേഷന്‍ ടൈം ആയിരിക്കുന്നു.ദയവായി അതാണോ ഇതാണോ കാരണം എന്ന് അന്വേഷിക്കാതെ ഇരിക്കുക. ആ ഇമോഷണല്‍ ബോണ്ടിങ് നഷ്ടമായി. അത് മാത്രമാണ് കാരണം.. ഞങ്ങളുടെ സ്വകാര്യത, മകള്‍ ഇതൊക്കെ മാനിക്കാന്‍ അപേക്ഷിക്കുന്നു.
2005ല്‍ മോഹന്‍ലാല്‍ ചിത്രമായ നരേനില്‍ ഒരു ചെറിയ വേഷം ചെയ്താണ് ലക്ഷ്മിപ്രിയ സിനിമാ രംഗത്തേക്ക് കടക്കുന്നത്.ടെലിവിഷന്‍ പരിപാടികളിലൂടെയാണ് സിനിമാ അഭിനയ രംഗത്തെത്തിയ താരത്തിന് 2010ല്‍ പുറത്തിറങ്ങിയ സത്യനന്‍ അന്തിക്കാട് ചിത്രം 'കഥ തുടരുന്നു'വിലെ വേഷമാണ് പ്രേക്ഷക പ്രീതി നേടിക്കൊടുത്തത്....
Premium Lifestyle and Entertainment website
പഠനാവശ്യങ്ങള്‍ക്കും മറ്റു കാര്യങ്ങള്‍ക്കുമെല്ലാമുള്ള പണം തരുന്നത് അമ്മ തന്നെ;അഭിനയിക്കുന്നത് അമ്മയുടെ ഇഷ്ടം; എനിക്കതില്‍ പ്രശ്നമൊന്നും ഇല്ല ;അമ്മയ്ക്ക് അമ്മയുടേതായ ജീവിതമുണ്ടെന്നും അതില്‍ തനിക്ക് പ്രത്യേകിച്ചൊരു അഭിപ്രായവുമില്ല; രേണുവിന് നേരെ വിമര്‍ശനങ്ങള്‍ ഉയരുമ്പോള്‍ സുധിയുടെ മകന്‍ കിച്ചുവിന് പറയാനുള്ളത്